Аудио :: Аудио:: Узденов Абугалий

Акъыллы эркиши атын махтар, акъылсыз эркиши къатынын махтар.
Чакъырылмагъан къонакъ – орунсуз.
Ач уят къоймаз.
Къан бла кирген, джан бла чыгъар.
Джырына кёре эжиую.
Къарнынг ауруса, ауузунгу тый
Ойнай-ойнай кёз чыгъар.
Душманны тышы – акъ, ичи – къара.
Бети къызарыучу адамны, джюреги харам болмаз.
Къумурсхала джыйылсала, пилни да джыгъадыла.
Ёлюк кебинсиз къалмаз.
Рысхысына кёре, джаш ёсер, къышлыгъына кёре, мал ёсер.
Къошда джокъгъа – юлюш джокъ.
Окъугъан озар, окъумагъан тозар.
Эм ашхы къайын ана мамукъ бла башынгы тешер.
Тойгъандан сора, ашны сёкме.
Къыйынлы джети элни къайгъысын этер.
Адамгъа аман кюн соруб келмейди.
Адамны сыфатына къарама, сёзюне къара.
Къонакъ аз олтурур, кёб сынар.
Джиби бир къат джетмей эди да, эки къат тарта эди.
Билимсиз иш бармаз.
Къаллай салам берсенг, аллай джууаб алырса.
Джюз элде джюз ёгюзюм болгъандан эсе, джюз джууугъум болсун.
Телиге от эт десенг, юйюнге от салыр.
Кесинге джетмегенни, кёб сёлешме.
Дженгил джетерикме деб, узун джолну къоюб, къысхасын барма.
Ач да бол, токъ да бол – намысынга бек бол.
Иги бла джюрюсенг, джетерсе муратынга, аман бла джюрюсенг, къалырса уятха.
Аман адам этегингден тутса, кес да къач.
Бек ашыкъгъан меннге джетсин, дегенди аракъы.
От этилмеген джерден тютюн чыкъмайды.
Ариу сёз аурууунгу алыр.
Джангыз терек къынгыр ёсер.
Къулакъдан эсе, кёзге ышан.
Ойнай билмеген, оюн бузар.
Сёз къанатсыз учар.
Ёгюзню мюйюзюнден тутадыла, адамны сёзюнден тутадыла.
Аман къатын сабий табса, бий болур…
Биреуню къыйынлыгъы бла кесинге джол ишлеме.
Къалгъан ишге къар джауар.
Шекер бла туз – бир болмаз, ушамагъан – юй болмаз.
Чабар ат – джетген къыз.
Эл ауузу – элия.
Арпа, будай – ащды, алтын, кюмюш а – ташды.
Чомарт бергенин айтмаз.
Кёз – сюйген джерде, къол – ауругъан джерде.
Таула не мийик болсала да, аууш табылыр.
Эм уллу байлыкъ – джан саулукъ.
Джаханимни кёрмей, джандетге кёл салмазса.

Логин:	Регистрация

Пароль:	Забыли пароль?

Запомнить меня

Аудио

Узденов Абугалий

Скачать

Адрес