Аудио :: Аудио:: Узденов Абугалий

Къобан да къуру да къобханлай турмайды, адам да къуру да патчахлай турмайды.
Бек анасы джыламаз.
Иги адам абынса да, джангылмаз.
Бир онгсуз адам адет чыгъарды, деб эштирик тюлсе.
Ёгюзню мюйюзюнден тутадыла, адамны сёзюнден тутадыла.
Ашын ашагъанынгы, башын да сыйла.
Окъ къызбайны джокълайды.
Эки ойлашыб, бир сёлешген.
Ачылгъан эт джабылыр, кёрген кёз унутмаз.
Ач келгенни – тойдур, кеч келгенни – къондур.
Дуния мал дунияда къалады.
Чакъырылмагъан къонакъ – орунсуз.
Джарлы тюеге минсе да, ит къабар.
Эски джаугъа ышанма.
Къууут – джелге, берне – бошха.
Атлыны ашхысы, ат тизгининден билинир
Ариуну – ауруу кёб.
Уллу къазанда бишген эт, чий къалмаз.
Алгъанда – джууукъ, бергенде – джау.
Игиге айтсанг – билир, аманнга айтсанг – кюлюр.
Къулакъдан эсе, кёзге ышан.
От этилмеген джерден тютюн чыкъмайды.
Кёб джат да, бек чаб.
Кёл – къызбай, къол – батыр.
Джарлы джети элни сёзюн этер.
Иги джашны ышаны – аз сёлешиб, кёб тынгылар.
Аман адамны тепсинге олтуртсанг, къызынгы тилер.
Этим кетсе да, сюегим къалыр.
Сагъыш – къартлыкъгъа сюйюмчю.
Дуния малгъа сатылма, кесингден телиге къатылма.
Джангызны оту джарыкъ джанмаз!
Малны кют, джерни тюрт.
Таякъ этден ётер, тил сюекден ётер.
Таукел тауну аудурур.
Айныгъанлы алты кюн, тогъайгъанлы тогъуз кюн.
Экеулен сёлеше тура эселе, орталарына барыб кирме.
Акъыл сабырлыкъ берир.
Джыланны къуйругъундан басарынг келсе, аны башы болгъанын унутма.
Алим болгъандан эсе, адам болгъан къыйынды.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Бермеген къол, алмайды.
Билмезни кёзю кёрмез, этмезни къулагъы эшитмез.
Айырылмаз джууугъунга, унутмаз сёзню айтма.
Ачыу алгъа келсе, акъыл артха къалады.
Аджашхан тёгерек айланыр.
Ётюрюкден тюбю джокъ, кёлтюрюрге джиби джокъ.
Келинин тута билмеген, къул этер, къызын тута билмеген, тул этер.
Эркишини аманы тиширыуну джылатыр.
Тенгни тенглиги джашай барсанг билинир.
Эшекни не къадар тюйсенг да, ат болмаз.

Логин:	Регистрация

Пароль:	Забыли пароль?

Запомнить меня

Аудио

Узденов Абугалий

Скачать

Адрес