Аудио :: Аудио:: Батчаева Лидия

Душманны тышы – акъ, ичи – къара.
Къоркъакъны кёзю экили кёрюр.
Суугъа – таянма, джаугъа – ийнанма.
Ашына кёре табагъы, балына кёре къалагъы.
Кёрмегеннге кебек – танг, битмегеннге сакъал – танг.
Кёлсюзден сёзсюз тууар.
Ач къарным, тынч къулагъым.
Мадар болса, къадар болур.
Таукелге нюр джауар.
Кенгеш болса, уруш болмаз.
Рысхы – сют юсюнде кёмюк кибикди.
Биреуню эскиси биреуге джангы болмайды.
Окъумагъан сокъурду, сокъур ташха абыныр!
Арбаз къынгырды да, ийнек сауалмайма.
Тёзген – тёш ашар!
Къолунгдан къуймакъ ашатсанг да, атаны борчундан къутулмазса.
Арыгъан къош чамчы болур.
Ашыкъгъан cуу, тенгизге джетмез.
Атынг аманнга чыкъгъандан эсе, джанынг тамагъынгдан чыкъсын.
Таукел тауну аудурур.
Ашхы – джыяр, аман – джояр.
Чакъырылмагъан къонакъ къачан кетерин сормаз.
Байма, деб да, къууанма, джарлыма, деб да, джылама.
Ёзденликни джайгъан – джокълукъ.
Телиге акъыл салгъандан эсе, ёлгеннге джан салырса.
Адам къыйынлыгъын кёлтюрюр, зауукълугъун кёлтюрмез.
Тойну къарнашы – харс, джырны къарнашы – эжиу.
Къонагъы джокъну – шоху джокъ.
Джюрекден джюрекге джол барды.
Акъыллы – эл иеси, тели – эл баласы.
Байлыкъ адамны сокъур этер.
Къарнынг бла ёч алма.
Таукел къуру къалмаз.
Ач отунчуну ачыуу – бурнунда.
Эки элинги тыйсанг, джети элде махталырса.
Билим къая тешер.
Игилик игилик бла сингдирилиучю затды.
Биреу ашаб къутулур, биреу джалаб тутулур.
Алим болгъандан эсе, адам болгъан къыйынды.
Къарны аманнга къазан такъдырма, къолу аманнга от джакъдырма.
Бети бедерден, намыс сакълама.
Аманны эки битли тону болур, бирин сеннге кийдирир, бирин кеси киер.
Тойгъан джерге джети къайт.
Юйюнг бла джау болгъандан эсе, элинг бла джау бол.
Тыш элде солтан болгъандан эсе, кесинги элде олтан болгъан игиди!
Ишлерге уял да, ашаргъа табма.
Къазанны башы ачыкъ болса, итге уят керекди.
Юй кюйдю да, кюйюз чыкъды, ортасындан тюйюш чыкъды.
Эски джаугъа ышанма.
Халкъны джырын джырласанг, халкъ санга эжиу этер.

Логин:	Регистрация

Пароль:	Забыли пароль?

Запомнить меня

Аудио

Батчаева Лидия

Скачать

Адрес