Песен: 22 Создан:
06.05.2015 Обновлен:
06.05.2015
| 23 Апреля | 2024 года |
Навигация
- Элге къуллукъ этмеген, элге ие болмаз.
- Бюгюн дуния кибик, тамбла ахыратды.
- Биреуге аманлыкъ этиб, кесинге игилик табмазса.
- Адам сёзге тынгыла, акъыл сёзню ангыла.
- Суугъа – чабакъ, къаягъа – ыргъакъ.
- Тойгъа барсанг, тоюб бар, эски тонунгу къоюб бар.
- Эринчекни аурууу – кёб.
- Аякъларынгы джууургъанынга кёре узат.
- Хата – гитчеден.
- Рысхысына кёре, джаш ёсер, къышлыгъына кёре, мал ёсер.
- Эки къатын алгъан – эки ташны ортасына башын салгъан.
- Ёксюзню къалачы уллу кёрюнюр.
- Игиге айтсанг – билир, аманнга айтсанг – кюлюр.
- Сыфатында болмагъаны, суратында болмаз.
- Хантына кёре тузу, юйюне кёре къызы.
- Билгенни къолу къарны джандырыр.
- Аджаллыгъа окъсуз шкок атылыр.
- Джаханимни кёрмей, джандетге кёл салмазса.
- Таугъа чыгъаллыкъ эсенг, тюзде къалма.
- Бал чибинни ургъаны – ачы, балы – татлы.
- Акъдан къара болмаз.
- Шекер бла туз – бир болмаз, ушамагъан – юй болмаз.
- Тёгюлген тюгел джыйылмайды.
- Айырылгъанланы айю ашар, бёлюннгенлени бёрю ашар.
- Ариу сёз – джаннга азыкъ, аман сёз – башха къазыкъ.
- Урунуу – насыбны анасы.
- Эшекге миннген – биринчи айыб, андан джыгъылгъан – экинчи айыб.
- Байлыкъ келсе, акъыл кетер.
- Тилчи бир сагъатха айлыкъ хата этер.
- Босагъагъа джууукъ орун болса, ашыгъыб тёрге озма.
- Абынмазлыкъ аякъ джокъ, джангылмазлыкъ джаякъ джокъ.
- Ата Джуртуму башы болмасам да, босагъасында ташы болайым.
- Ауругъаннга – кийик саулукъ, джетген къызгъа – чилле джаулукъ.
- Къозулугъунда тоймагъан, къойлугъунда тоймаз.
- Джарлы эскисин джамаса, къууаныр.
- Эрине къаргъыш этген къатын, эрнин къабар.
- Тил бла келеди джыр да.
- Кёл ашады да, кеси ашады.
- Адам къаллай бир ишленмесе, аллай бир кесин уллу кёреди.
- Адамны джюреги нени кёрюрге сюйсе, кёзю да аны кёрюрге ёч болады.
- Адамны аты башхача, акъылы да башхады.
- Къазанда болса, чолпугъа чыгъар.
- Къазанчы аман болса, къазаны къайнамаз.
- Къарыусузгъа кюлме, онгсузгъа тийме.
- Мухарны эси – ашарыкъда.
- Уллу сёлешме да, уллу къаб.
- Тёрде – темир таякълы, къаяда – чыпчыкъ аякълы.
- Халкъны джырын джырласанг, халкъ санга эжиу этер.
- Джыгъылгъанны сырты джерден тоймаз.
- Садакъачыны джаны – къапчыгъында.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
