Аудио :: Аудио:: Чагилов Роберт

Тюзлюк тас болмайды.
Эли джокъну – кёлю джокъ.
Акъыллы – эл иеси, тели – эл баласы.
Эртде тургъан бла эртде юйленнген сокъуранмаз.
Аманны къуугъан, аманлыкъ табар.
Кимни – тили, тиши онглу, кимни – къолу, иши онглу.
Бек ашыкъгъан меннге джетсин, дегенди аракъы.
Элде адам къалмаса, ит тахтагъа минер.
Аллахха ийнаннган кишини, Аллах онгдурур ишин.
Чакъырылмай келген къонакъ сыйланмай кетер.
Эринчекге кюн узун.
Атадан ёксюз – бир ёксюз, анадан ёксюз – эки ёксюз.
Душманны тышы – акъ, ичи – къара.
Адебни адебсизден юрен.
Чабар ат – джетген къыз.
Джарлы эскисин джамаса, къууаныр.
Чёбню кёлтюрсенг, тюбюнден сёз чыгъар.
Арыгъан къош чамчы болур.
Аджашхан тёгерек айланыр.
Сескекли кесин билдирир.
Джолунга кёре – джюрюшюнг, джагъанга кёре – юлюшюнг.
Кюн кёрмеген, кюн кёрсе, кюндюз чыракъ джандырыр.
Билмегенинги, билгеннге сор.
Эки къатын алгъан – эки ташны ортасына башын салгъан.
Окъдан джара эртде-кеч болса да бителир, сёз джара, ёмюрге къалыр.
Къазанда болса, чолпугъа чыгъар.
Кёл ашады да, кеси ашады.
Бир абыннган – минг сюрюнюр.
Хата – гитчеден.
Чомартны къолу берекет.
Кюлме джашха – келир башха.
Ачлыкъда тары гырджын халыуадан татлы.
Аууздан келген, къолдан келсе, ким да патчах болур эди.
Ёпкелегенни ашы татлы болады.
Суу кетер, таш къалыр.
Чабакъ башындан чирийди.
Уллу сёлешме да, уллу къаб.
Насыблы элин сюер, насыбсыз кесин сюер.
Джашынгы кесинг юретмесенг, джашау юретир.
Гыдай эчки суугъа къараб, мюйюзле кёрмесе, джашма алкъын, дегенди.
Билген билмегенни юретген адетди.
Билим къая тешер.
Келинни – келгинчи, бёркню кийгинчи кёр.
Къонакъ хазыр болгъанлыкъгъа, къонакъбай хазыр тюлдю.
Джылар джаш, атасыны сакъалы бла ойнар.
Кесине оноу эте билмеген, халкъына да эте билмез.
Алтыда кюлмеген, алтмышда кюлмез.
Эшекни не къадар тюйсенг да, ат болмаз.
Джарлы тюеге минсе да, ит къабар.
Азыкъ аз болса, эртде орун сал.

Логин:	Регистрация

Пароль:	Забыли пароль?

Запомнить меня

Аудио

Чагилов Роберт

Скачать

Адрес