Аудио :: Аудио:: Хасаитов Руслан

Эртде тургъан бла эртде юйленнген сокъуранмаз.
Тойгъан джерден туугъан джер игиди.
Джигер – джаннга къыйынлыкъ.
Джангызны оту джарыкъ джанмаз!
Махтаннган къыз, тойда джукълар.
Уллу сёлешме да, уллу къаб.
Соргъан айыб тюлдю, билмеген айыбды.
Ат да турмайды бир териде.
Ашыкъгъанны этеги бутуна чырмалыр.
Къан бла кирген, джан бла чыгъар.
Ушамагъан – джукъмаз.
Ёлген аслан – сау чычхан.
Чомарт къолда мал къалмаз.
Бермеген къол, алмайды.
Нарт сёз къарт болмаз.
Тилчиден кери бол.
Къарын къуру болса, джюрек уру болур.
Ишлегенден, къарагъан уста.
Къарнынг бла ёч алма.
Халкъны юйю – туугъан джери.
Къумурсхала джыйылсала, пилни да джыгъадыла.
Таукел къуру къалмаз.
Тюзлюк тас болмайды.
Намысы джокъну – дуниясы джокъ.
Харам къарнашдан, халал тенг ашхы.
Агъач халкъгъа алтынды, иссиликге салкъынды.
Аз айтсам, кёб ангылагъыз.
Аджашхан тёгерек айланыр.
Ариу сёз – къылычдан джити.
Эринчекни аурууу – кёб.
Ачыкъ джюрекге джол – ачыкъ.
Къоркъакъны кёзю экили кёрюр.
Бетинги сатма, малынгы сат.
Алтыда кюлмеген, алтмышда кюлмез.
Сёз сёзню айтдырыр.
Акъыллы башны – тили къысха.
Байлыкъ адамны сокъур этер.
Ач отунчуну ачыуу – бурнунда.
Ойнай билмеген, уруб къачар.
Къонакъ аман болса, къонакъбай джунчур
Адам боллукъ, атламындан белгили болур.
Ойнай-ойнай кёз чыгъар.
Ач – эснер, ат – кишнер.
Ата Джуртча джер болмаз, туугъан элча эл болмаз.
Мал ёлсе, сюек къалыр, адам ёлсе, иши къалыр.
Къызны минг тилер, бир алыр.
Гыдай эчки суугъа къараб, мюйюзле кёрмесе, джашма алкъын, дегенди.
Азыгъы аз, алгъа къабар, аты аман, алгъа чабар.
Хантына кёре тузу, юйюне кёре къызы.
Мухарны эси – ашарыкъда.

Логин:	Регистрация

Пароль:	Забыли пароль?

Запомнить меня

Аудио

Хасаитов Руслан

Скачать

Адрес