Аудио :: Аудио:: Алания (группа)

Харам къарнашдан, халал тенг ашхы.
Эл элде бирер малынг болгъандан эсе, бирер тенгинг болсун.
Аз айтсам, кёб ангылагъыз.
Игини сыйлагъан адетди.
Иги адам абынса да, джангылмаз.
Тас болгъан бычакъны сабы – алтын.
Ата Джуртун танымагъан, атасын да танымаз.
Айраннга суу къош, телиге джол бош.
Билими азны – ауузунда кирит.
Адебсиз адам – джюгенсиз ат.
«Ёгюз, джаргъа джууукъ барма, меннге джюк боллукъса», - дегенди эшек.
Аджал соруб келмез, келсе, къайтыб кетмез.
Аманнга игилик этсенг, юйюнге сау бармазса.
Элге къуллукъ этмеген, элге ие болмаз.
Ётген ёмюр – акъгъан суу.
Мал ёлсе, сюек къалыр, адам ёлсе, иши къалыр.
Зар адам ашынгы ашар, кесинги сатар.
Сибиртки да сыйлы болду, кюрек да кюнлю болду.
Бёрю да ач къалмасын, эчки да ашалмасын.
Тешигини къатында, чычхан да батыр болур.
Ичимден чыкъды хата, къайры барайым сата?
Чалманны аллы къалай башланса, арты да алай барады.
Аджаллыгъа окъсуз шкок атылыр.
Босагъа таш юйге кирмей эди, тыбыр таш эшикге чыкъмай эди.
Джумушакъ терекни къурт ашар.
Тенгинг джокъ эсе – изле, бар эсе – сакъла!
Байдан умут эте, джарлыдан ёгюз багъасы къорады.
Абынмазлыкъ аякъ джокъ, джангылмазлыкъ джаякъ джокъ.
Къазанда болса, чолпугъа чыгъар.
Келинни – келгинчи, бёркню кийгинчи кёр.
Минг тенг да азды, бир джау да кёбдю.
Душманны тышы – акъ, ичи – къара.
Миллетни бойну – базыкъ, аны бла кюрешген – джазыкъ.
Ёлген эшек бёрюден къоркъмайды.
Кюлме джашха – келир башха.
Бал – татлы, балдан да бала – татлы.
Чомарт бергенин айтмаз.
Байлыкъ тауусулур, билим тауусулмаз.
Къыйынлы джети элге оноу этер.
Адамны сыфатына къарама, сёзюне къара.
Аман къатын сабий табса, бий болур…
Ёлмесенг да, къарт дамы болмазса?
Кийимни бичсенг, кенг бич, тар этген къыйын тюлдю.
Ариу сёзде ауруу джокъ.
Тилчи тилден къаныкъмаз.
Ёлген ийнек сютлю болур.
Сютден ауузу кюйген, суугъа юфгюре эди.
Ойнай-ойнай кёз чыгъар.
Джетген къыз джерли эшекни танымаз.
Къарын къуру болса, джюрек уру болур.

Логин:	Регистрация

Пароль:	Забыли пароль?

Запомнить меня

Аудио

Алания (группа)

Скачать

Адрес