Аудио :: Аудио:: Хапарла

Тау башында, тау болмаз, джангыз терек, бау болмаз.
Айныгъанлы алты кюн, тогъайгъанлы тогъуз кюн.
Сабийни джумушха джибер да, ызындан бар.
Ашатыргъа иш – ашхы, ишлетирге аш – ашхы.
Иги адамны бир сёзю эки болмаз.
Накъырда – кертини келечиси.
Къонакъ хазыр болгъанлыкъгъа, къонакъбай хазыр тюлдю.
Гырджын – тепсини тамадасы.
Къызбайны юйюне дери сюрсенг, батыр болур.
Зар адам ашынгы ашар, кесинги сатар.
Окъуусуз билим – джокъ, билимсиз кюнюнг – джокъ.
Чомарт къолда мал къалмаз.
Къанны къан бла джуума, аманны аман бла къуума.
Сормай – алма, чакъырылмай – барма.
Сакъламагъан затынга джолукъсанг, не бек къууанаса, не бек ачыйса.
Насыблы элин сюер, насыбсыз кесин сюер.
Элиб деген, элге болушур.
Ат басханны джер билед.
Ёлген эшек бёрюден къоркъмайды.
Кесине оноу эте билмеген, халкъына да эте билмез.
Ашыкъгъан cуу, тенгизге джетмез.
Бюгюн дуния кибик, тамбла ахыратды.
Къуру гыбыт бек дыгъырдар.
Келинни – келгинчи, бёркню кийгинчи кёр.
Къонакъ аз олтурур, кёб сынар.
Къарт болгъан джерде, берекет болур, сабий болгъан джерде, оюн болур.
Сёлеш деб шай берген, тохта деб, сом берген.
Адеби болмагъан къыз – тузсуз хант.
Сууда джау джокъ, кёб сёзде магъана джокъ.
Тойгъандан сора, ашны сёкме.
Билимли ёлмез, билимсиз кёрмез.
Айран ичген – къутулду, джугъусун джалагъан – тутулду.
Тенги кёбню джау алмаз, акъылы кёбню дау алмаз.
Аз сёлеш, кёб ишле.
Джангыз терек къынгыр ёсер.
Къызны минг тилер, бир алыр.
Ашха уста, юйюнде болсун
Биреу ашаб къутулур, биреу джалаб тутулур.
Ётген ёмюр – акъгъан суу.
Уллу суу бла уллу ауруудан башынгы сакъла.
Хар сёзню орну барды.
Къарнынг бла ёч алма.
Аджал соруб келмез, келсе, къайтыб кетмез.
Татлы тилде – сёз ариу, чемер къолда – иш ариу.
Джаз бир кюнню джатсанг, къыш талай кюнню абынырса.
Аз сёлешген, къайгъысыз турур.
Дженгил джетерикме деб, узун джолну къоюб, къысхасын барма.
Чыкълы кюнде чыкъмагъан, чыкъса къуру кирмеген.
Башсыз урчукъ тюзюне айланмаз.
Атлыны кёрсе, джаяуну буту талыр.

Логин:	Регистрация

Пароль:	Забыли пароль?

Запомнить меня

Аудио

Хапарла

Скачать

Адрес