Аудио :: Аудио:: Кёчгюнчюлюк поэзия

Элде адам къалмаса, ит тахтагъа минер.
Артына баргъанны, къатына барма.
Джырчы джырчыгъа – къарнаш.
Аллахдан тилесенг, кёб тиле.
Сабий кёргенин унутмаз.
Ашхы – джыяр, аман – джояр.
Эки къатын алгъанны къулагъы тынгнгаймаз.
Эм ашхы къайын ана мамукъ бла башынгы тешер.
Ата – билек, ана – джюрек!
Чомарт бергенин айтмаз.
Соргъан айыб тюлдю, билмеген айыбды.
Джашда акъыл джокъ, къартда къарыу джокъ.
Байлыкъ адамны сокъур этер.
Сагъышы джокъ – джукъучу, акъылы джокъ – къаугъачы.
Иги адамны бир сёзю эки болмаз.
Таякъ этден ётер, тил сюекден ётер.
Уллу атлама – абынырса, уллу къабма – къарылырса.
Эски джаугъа ышанма.
Арыгъан къош чамчы болур.
Тойчу джашха къарама, къойчу джашха къара.
Джыланны къуйругъундан басарынг келсе, аны башы болгъанын унутма.
Татлы тилде – сёз ариу, чемер къолда – иш ариу.
Къыз тиширыу кеси юйюнде да къонакъды.
Тилчи тилден къаныкъмаз.
Зарда марда джокъ.
Итли къонакъ джарашмаз.
Бетинги сатма, малынгы сат.
От этилмеген джерден тютюн чыкъмайды.
Тойгъан джерден туугъан джер игиди.
Таукел тауну аудурур.
Тешигини къатында, чычхан да батыр болур.
Къартны сыйын кёрмеген, къартлыгъында сыйлы болмаз.
Чакъырылмай келген къонакъ сыйланмай кетер.
Кёзден кетген, кёлден да кетеди.
Намысы джокъну – дуниясы джокъ.
Джумушакъ сёз къаты таякъны сындырыр.
Чабар ат – джетген къыз.
Чомартха Тейри да борчлуду.
Айырылгъанланы айю ашар, бёлюннгенлени бёрю ашар.
Кесине оноу эте билмеген, халкъына да эте билмез.
Дженгил джетерикме деб, узун джолну къоюб, къысхасын барма.
Бюгюн дуния кибик, тамбла ахыратды.
Джюрекге ариу – кёзге да ариу.
Тенгинг джокъ эсе – изле, бар эсе – сакъла!
Кёрмегеннге кебек – танг, битмегеннге сакъал – танг.
Иги адам абынса да, джангылмаз.
Ётюрюкню башын керти кесер.
Ауругъанны сау билмез, ач къарынны токъ билмез.
Джангызны оту джарыкъ джанмаз!
Акъдан къара болмаз.

Логин:	Регистрация

Пароль:	Забыли пароль?

Запомнить меня

Аудио

Кёчгюнчюлюк поэзия - "Ай, Кавказ таула..."

Скачать

Адрес