Песен: 8 Создан:
22.12.2016 Обновлен:
22.12.2016
| 16 Сентября | 2019 года |
Навигация
- Юйюнгден чыкъдынг – кюнюнгден чыкъдынг.
- Окъдан джара эртде-кеч болса да бителир, сёз джара, ёмюрге къалыр.
- Ачыкъ джюрекге джол – ачыкъ.
- Джумушакъ терекни къурт ашар.
- Сыфатында болмагъаны, суратында болмаз.
- Ишлегенден, къарагъан уста.
- Сёз садакъдан кючлюдю.
- Тойгъан джерден туугъан джер игиди.
- Адеби болмагъан къыз – тузсуз хант.
- «Ма», - дегенни билмесенг, «бер», - дегенни билмезсе.
- Кёб джашагъан – кёб билир.
- Ёлюр джаннга, ёкюл джокъ.
- Джан саулукъ бермей, сан саулукъ бермезсе.
- Къартны бурнун сюрт да, оноугъа тут.
- Башынга джетмегенни сорма.
- Хансыз джомакъ болмаз.
- Ашаса, ашамаса да, бёрюню ауузу – къан.
- Терслик кетер, тюзлюк джетер.
- Ариу сёз аурууунгу алыр.
- Иги адам абынса да, джангылмаз.
- Джашынгы кесинг юретмесенг, джашау юретир.
- Кёкдеги болмаса, джердегин кёрмейди.
- Эркишиге тары кебек танг кёрюнюр.
- Къыз чыгъаргъан – къызыл къымжа.
- Айтханы чапыракъдан ётмеген.
- Чёбню кёлтюрсенг, тюбюнден сёз чыгъар.
- Хунаны тюбюн къазсанг, юсюнге ауар.
- Ауругъанны сау билмез, ач къарынны токъ билмез.
- Башсыз урчукъ тюзюне айланмаз.
- Кёзню ачылгъаны – иги, ауузну джабылгъаны – иги.
- Ач – эснер, ат – кишнер.
- Къыз келсе, джумуш эте келеди, къатын келсе, ушакъ эте келеди.
- Билгенни къолу къарны джандырыр.
- Тенгни тенглиги джашай барсанг билинир.
- Урама да – ёледи, сатама да – келеди.
- Ач бёрюге мекям джокъ.
- Бетинги сатма, малынгы сат.
- Уясында не кёрсе, учханында аны этер.
- Джыланны къуйругъундан басарынг келсе, аны башы болгъанын унутма.
- Кёб къычыргъандан – къоркъма, тынч олтургъандан – къоркъ.
- Орну джокъну – сыйы джокъ.
- Керилген да, ургъан кибикди.
- Аман хансны – урлугъу кёб.
- Аман адамны тепсинге олтуртсанг, къызынгы тилер.
- Таукелге нюр джауар.
- Эринчекге кюн узун.
- Тау башында, тау болмаз, джангыз терек, бау болмаз.
- Тойну къарнашы – харс, джырны къарнашы – эжиу.
- Ата Джуртун танымагъан, атасын да танымаз.
- Эки итни арасына сюек атма, эки адамны арасында сёз чыгъарма.
Фонд содействия развитию карачаево-балкарской молодежи «Эльбрусоид»
© 2003-2019 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
