Аудио :: Аудио:: Сагъышла

Кёбге таш атма.
Мени джылытмагъан кюн, меннге тиймесин!
Чабар ат – джетген къыз.
Къалгъан ишге къар джауар.
Ханнга да келеди хариблик.
Аякъларынгы джууургъанынга кёре узат.
Таш ата билмеген, башына урур.
Бойнуму джети джерден кессенг да, мен ол ишни этеллик тюлме.
Къууут – джелге, берне – бошха.
Джолунга кёре – джюрюшюнг, джагъанга кёре – юлюшюнг.
Айтхан сёзюне табылгъан.
Ач бёрюге мекям джокъ.
Нёгерсизни джолу узун.
Асхат ашлыкъ сата, юйдегиси ачдан къата.
Миллетни бойну – базыкъ, аны бла кюрешген – джазыкъ.
Бермеген къол, алмайды.
Чомартха хар кюн да байрамды.
Дуния аламаты сен эсенг да, игиме деб айтма.
Ишни аллы бла къууанма да, арты бла къууан.
Хар ишни да аллы къыйынды.
Аман къатын алгъан, арыр, иги къатын алгъан джарыр.
Бек анасы джыламаз.
Къызгъанчдан ычхыныр, мухардан ычхынмаз.
Дуния малгъа сатылма, кесингден телиге къатылма.
Тас болгъан бычакъны сабы – алтын.
Тыш элде солтан болгъандан эсе, кесинги элде олтан болгъан игиди!
Ойнаб айтсанг да, эслеб айт.
Юй ишлеген балта эшикде къалыр.
Намыс сатылыб алынмайды.
Байма, деб да, къууанма, джарлыма, деб да, джылама.
Аш берме да, къаш бер.
Тели турса – той бузар.
Тёрде – темир таякълы, къаяда – чыпчыкъ аякълы.
Джашлыкъ этмеген, башлыкъ этмез.
Акъдан къара болмаз.
Хар сёзню орну барды.
Тилчиден кери бол.
Чомарт бергенин айтмаз.
Чакъырылмагъан къонакъ къачан кетерин сормаз.
Баш – акъыл ючюн, акъылман – халкъ ючюн.
Кёзюнде тереги болгъан, чёбю болгъаннга кюле эди.
Ата Джуртуму башы болмасам да, босагъасында ташы болайым.
Кесине гебен этелмеген, биреуге черен эте эди.
Бал ашаргъа сюе эсенг, чибин ургъаннга тёз.
Этим кетсе да, сюегим къалыр.
Ариу сёз – джаннга азыкъ, аман сёз – башха къазыкъ.
Ана – юйню кюн джарыгъы.
Эртде тургъан джылкъычыны эркек аты тай табар.
Акъыл неден да кючлюдю.
Накъырда – кертини келечиси.

Логин:	Регистрация

Пароль:	Забыли пароль?

Запомнить меня

Аудио

Сагъышла

Скачать

Адрес