Аудио :: Аудио:: Ходжаны хапарлары

Ашлыкъны арба юйге келтирир, чана базаргъа элтир.
Джангыз торгъай джырламаз.
Джашны джигитлиги сорулур, къызны джигерлиги сорулур.
Намыс сатылыб алынмайды.
Акъыллы башны – тили къысха.
Юреннген ауруу къалмаз.
Бал ашаргъа сюе эсенг, чибин ургъаннга тёз.
Сууда джау джокъ, кёб сёзде магъана джокъ.
Тойчу джашха къарама, къойчу джашха къара.
Ишленмеклик адамлыкъды.
Минг тенг да азды, бир джау да кёбдю.
Бал – татлы, балдан да бала – татлы.
Байма, деб да, къууанма, джарлыма, деб да, джылама.
Байлыкъ келсе, акъыл кетер.
Эркиши – от, тиширыу – суу.
Адамны бетине къарама, адетине къара.
Аш берме да, къаш бер.
Арба аугъандан сора, джол кёргюзтюучю кёб болур.
Тау башында, тау болмаз, джангыз терек, бау болмаз.
Чарсда алчыны эл кёреди.
Аз айтсам, кёб ангылагъыз.
Бозаны арты дауур болур.
Окъугъан озар, окъумагъан тозар.
Адамны сыфатына къарама, сёзюне къара.
Эл элде бирер малынг болгъандан эсе, бирер тенгинг болсун.
Аман эсирсе, юйюн ояр.
Эр абынмай, эл танымаз.
Къыз тиширыу кеси юйюнде да къонакъды.
Шайтан алдады, тюзлюк къаргъады.
Бир онгсуз адам адет чыгъарды, деб эштирик тюлсе.
Кийимни бичсенг, кенг бич, тар этген къыйын тюлдю.
Къууут – джелге, берне – бошха.
Элиб деген, элге болушур.
Ишни аллы бла къууанма да, арты бла къууан.
Тюкюрюк баш джармаз, налат кёз чыгъармаз!
Хар ишни да аллы къыйынды.
Аджалсыз ёлюм болмаз.
Ханнга да келеди хариблик.
Билеги кючлю, бирни джыгъар, билими кючлю, мингни джыгъар.
Чыбыкълыкъда бюгюлмеген, къазыкълыкъда бюгюлмей эди.
Уллу атлама – абынырса, уллу къабма – къарылырса.
Къайтырыкъ эшигинги, къаты уруб чыкъма.
Юй кюйдю да, кюйюз чыкъды, ортасындан тюйюш чыкъды.
Тели турса – той бузар.
Огъурлуну сёзю – суу, огъурсузну сёзю – уу.
Бет бетге къараса, бет да джерге къарар.
Аманнга да, игиге да оноусуз къатышма.
Тамырсыз терекге таянма – джыгъылырса.
Иги джашны ышаны – аз сёлешиб, кёб тынгылар.
Джетген къыз джерли эшекни танымаз.

Логин:	Регистрация

Пароль:	Забыли пароль?

Запомнить меня

Аудио

Ходжаны хапарлары

Скачать

Адрес