Аудио :: Аудио:: Джомакъ, джомакъ джолунга

Кюн – узун, ёмюр – къысха.
Иши джокъну, сыйы джокъ.
Арпа, будай – ащды, алтын, кюмюш а – ташды.
Игини сыйлагъан адетди.
Къыз чыгъаргъан – къызыл къымжа.
Ауузу аманнга «иги», деме.
Хата – гитчеден.
Акъыл сабырлыкъ берир.
Аз айтсам, кёб ангылагъыз.
Джигер – джаннга къыйынлыкъ.
Душманны тышы – акъ, ичи – къара.
Кёзден кетген, кёлден да кетеди.
Джангыз терек къынгыр ёсер.
Тёрени джагъы джокъ.
Ёлген аслан – сау чычхан.
Къарыусузгъа кюлме, онгсузгъа тийме.
Джумушакъ сёз къаты таякъны сындырыр.
Ким бла джюрюсенг, аны кёзю бла кёрюнюрсе.
Къайтырыкъ эшигинги, къаты уруб чыкъма.
Билмегенинги, билгеннге сор.
Эл бла кёргенинг эрелей.
Аман адам элни бир-бирине джау этер.
Нарт сёз къарт болмаз.
Къошда джокъгъа – юлюш джокъ.
Хаухну атма, ёнгкючню сатма.
Къыз тиширыу кеси юйюнде да къонакъды.
Ёнгкюч къууана барыр, джылай келир.
Аман адам этегингден тутса, кес да къач.
Алгъанда – джууукъ, бергенде – джау.
Юреннген ауруу къалмаз.
Ауузу бла къуш тута айланады.
Кёзю сокъурдан – къоркъма, кёлю сокъурдан – къоркъ.
Чомартха хар кюн да байрамды.
Атынг аманнга чыкъгъандан эсе, джанынг тамагъынгдан чыкъсын.
Тилсиз миллет джокъ болур.
Ёлген ийнек сютлю болур.
Бозанг болмагъан джерге, къалагъынгы сукъма.
Окъуусуз билим – джокъ, билимсиз кюнюнг – джокъ.
Кёб къычыргъандан – къоркъма, тынч олтургъандан – къоркъ.
Джол бла сёзню къыйыры джокъ.
Тойгъан антын унутур.
Бетинги сатма, малынгы сат.
Къыз келсе, джумуш эте келеди, къатын келсе, ушакъ эте келеди.
Башы джабылгъан челекге, кир тюшмез.
Кёлсюзден сёзсюз тууар.
Ач – эснер, ат – кишнер.
Ойнай-ойнай кёз чыгъар.
Аджалсыз ёлюм болмаз.
Рысхы – сют юсюнде кёмюк кибикди.
Джангыз торгъай джырламаз.

Логин:	Регистрация

Пароль:	Забыли пароль?

Запомнить меня

Аудио

Джомакъ, джомакъ джолунга

Скачать

Адрес