Аудио :: Аудио:: Аппаны джомакълары

Айырылмаз джууугъунга, унутмаз сёзню айтма.
Арбаз сайлама да, хоншу сайла.
Ишлегенден, къарагъан уста.
Атлыны ашхысы, ат тизгининден билинир
Аджаллыгъа окъсуз шкок атылыр.
Ёнгкюч къууана барыр, джылай келир.
Халкъгъа джарагъан, джарлы къалмаз.
Ашхы тенг джолгъа салыр, аман тенг джолдан тайдырыр.
Элге къуллукъ этмеген, элге ие болмаз.
Хазыр ашха – терен къашыкъ.
Узун джолну барсанг, бюгюн келирсе, къысха джолну барсанг, тамбла келирсе.
От этилмеген джерден тютюн чыкъмайды.
Намыс сатылыб алынмайды.
Эки ойлашыб, бир сёлешген.
Аманнга да, игиге да оноусуз къатышма.
Айтхан – тынч, этген – къыйын.
Джюз элде джюз ёгюзюм болгъандан эсе, джюз джууугъум болсун.
Окъумагъан сокъурду, сокъур ташха абыныр!
Ёксюзню къалачы уллу кёрюнюр.
Чомарт къолда мал къалмаз.
«Ма», - дегенни билмесенг, «бер», - дегенни билмезсе.
Сабий болмагъан джерде, мёлек болмаз.
Халкъны джырын джырласанг, халкъ санга эжиу этер.
Уруну арты – къуру.
Мал тутхан – май джалар.
Орну джокъну – сыйы джокъ.
Аман къатын сабий табса, бий болур…
Адамны джюреги нени кёрюрге сюйсе, кёзю да аны кёрюрге ёч болады.
Эшекге миннген – биринчи айыб, андан джыгъылгъан – экинчи айыб.
Эринчекни аурууу – кёб.
Сёз къанатсыз учар.
Гырджын – тепсини тамадасы.
Ашарыкъда сайлагъаннга – чий гырджын.
Ариу – кёзге, акъыл – джюрекге.
Джашлыкъ этмеген, башлыкъ этмез.
Биреуню тёрюнден, кесинги эшик артынг игиди.
Тилсиз миллет джокъ болур.
Башсыз урчукъ тюзюне айланмаз.
Къарнынг къанлынга кийирир.
Къуллукъчума, деб махтанма, къуллукъ – хаух джамчыды!
Сютден ауузу кюйген, суугъа юфгюре эди.
Аман хансны – урлугъу кёб.
Къызбайны юйюне дери сюрсенг, батыр болур.
Тенги кёбню джау алмаз, акъылы кёбню дау алмаз.
Аджал соруб келмез, келсе, къайтыб кетмез.
Терслик кетер, тюзлюк джетер.
Эртде тургъан бла эртде юйленнген сокъуранмаз.
Ашда – бёрю, ишде – ёлю.
Дуния аламаты сен эсенг да, игиме деб айтма.
Адеби болмагъан къыз – тузсуз хант.

Логин:	Регистрация

Пароль:	Забыли пароль?

Запомнить меня

Аудио

Аппаны джомакълары

Скачать

Адрес