Аудио :: Аудио:: Бап-бап-баппахан

Тил – кесген бычакъ, сёз – атылгъан окъ.
Чомарт джарлы болмаз.
Кийимни бир кюнню аясанг, минг кюннге джарар.
Суу кетер, таш къалыр.
Гырджын – тепсини тамадасы.
Аман къатын алгъан, арыр, иги къатын алгъан джарыр.
Къызгъанчдан ычхыныр, мухардан ычхынмаз.
Абынмазлыкъ аякъ джокъ, джангылмазлыкъ джаякъ джокъ.
Джарлыны тону джаз битер.
Элни кючю – эмеген.
Ётюрюкню къуйругъу – бир тутум.
Алтыда кюлмеген, алтмышда кюлмез.
Тынгылагъан тынгы бузар.
Ашха уста, юйюнде болсун
Биреуге аманлыкъ этиб, кесинге игилик табмазса.
Иги – алгъыш этер, аман – къаргъыш этер.
Сакъламагъан затынга джолукъсанг, не бек къууанаса, не бек ачыйса.
Сёз садакъдан кючлюдю.
Билим – акъылны чырагъы.
Эки ойлашыб, бир сёлешген.
Къазанчы аман болса, къазаны къайнамаз.
Алтыннга тот къонмаз.
Этни бети бла шорпасы.
Байны къызы баймакъ болса да, юйде къалмаз!
Аджалсыз ёлюм болмаз.
Кийиминг бла танылма, адамлыкъ бла таныл.
Иги адамны бир сёзю эки болмаз.
Къызбайны юйюне дери сюрсенг, батыр болур.
Ашыкъгъан cуу, тенгизге джетмез.
Таукелге нюр джауар.
Аш хазыр болса, иш харам болур.
Тас болгъан бычакъны сабы – алтын.
Дуния аламаты сен эсенг да, игиме деб айтма.
Джырчы джырчыгъа – къарнаш.
Адамны артындан къара сабан сюрме.
Кёзюнде тереги болгъан, чёбю болгъаннга кюле эди.
Джиби бир къат джетмей эди да, эки къат тарта эди.
Ойнай-ойнай кёз чыгъар.
Кюлме джашха – келир башха.
Аман киши кеси юйюнде – къонакъ.
Окъугъан – асыу, окъумагъан – джарсыу.
Айтханы чапыракъдан ётмеген.
Джашынгы кесинг юретмесенг, джашау юретир.
Адеб джокъда, намыс джокъ.
Кийим тукъум сордурур.
Билмезни кёзю кёрмез, этмезни къулагъы эшитмез.
Эки къатын алгъанны къулагъы тынгнгаймаз.
Сабийликде юретмесенг, уллу болса – тюзелмез.
Эр сокъур болсун, къатын тилсиз болсун.
Адам къаллай бир ишленмесе, аллай бир кесин уллу кёреди.

Логин:	Регистрация

Пароль:	Забыли пароль?

Запомнить меня

Аудио

Бап-бап-баппахан

Скачать

Адрес