Аудио :: Аудио:: Чу-чу чуала

Кёб ант этген, кёб ётюрюк айтыр.
Эки итни арасына сюек атма, эки адамны арасында сёз чыгъарма.
Джауумдан сора, кюн кюйдюрюр, ётюрюкден сора, айыб кюйдюрюр.
Гугурук къычырмаса да, тангны атары къалмаз.
Абынмазлыкъ аякъ джокъ, джангылмазлыкъ джаякъ джокъ.
Тилсиз миллет джокъ болур.
Уллу къазанда бишген эт, чий къалмаз.
Чомарт къонакъ юй иесин сыйлар.
Хар сёзню орну барды.
Аллахха ийнаннган кишини, Аллах онгдурур ишин.
Джумушакъ терекни къурт ашар.
Аман къатын алгъан, арыр, иги къатын алгъан джарыр.
Тамырсыз терекге таянма – джыгъылырса.
Терслик кетер, тюзлюк джетер.
Ачыкъ джюрекге джол – ачыкъ.
Этни да ашады, бетни да ашады.
Хазыр ашха – терен къашыкъ.
Къая джолда джортма, ачыкъ сёзден къоркъма.
Иги адам абынса да, джангылмаз.
Ойнай билмеген, оюн бузар.
Къыз тиширыу кеси юйюнде да къонакъды.
Адам къаллай бир ишленмесе, аллай бир кесин уллу кёреди.
Кёзю сокъурдан – къоркъма, кёлю сокъурдан – къоркъ.
Баш – акъыл ючюн, акъылман – халкъ ючюн.
Тай асырагъан, атха минер.
Акъыллы башны – тили къысха.
Таугъа чыгъаллыкъ эсенг, тюзде къалма.
Къаллай салам берсенг, аллай джууаб алырса.
Акъдан къара болмаз.
Рысхы – сют юсюнде кёмюк кибикди.
Байлыкъ тауусулур, билим тауусулмаз.
Ариу сёз джыланны орнундан чыгъарыр.
Кёз – сюйген джерде, къол – ауругъан джерде.
Къарт бла баш аша, джаш бла аякъ аша.
Джашны джигитлиги сорулур, къызны джигерлиги сорулур.
Ёпкелегенни ашы татлы болады.
Иги сеники эсе да, сюйген кесимикин этеме.
Эл тойса, тоймагъан, эл къойса, къоймагъан.
Тойгъанлыкъ къойгъа джарашады.
Адам къыйынлыгъын кёлтюрюр, зауукълугъун кёлтюрмез.
Бермеген къол, алмайды.
Атадан ёксюз – бир ёксюз, анадан ёксюз – эки ёксюз.
Къыйынлы джети элге оноу этер.
Терек ауса, отунчу – кёб.
Ач келгенни – тойдур, кеч келгенни – къондур.
Джылыгъа джылан илешир.
Адебсиз адам – джюгенсиз ат.
Ач – эснер, ат – кишнер.
Ким бла джюрюсенг, аны кёзю бла кёрюнюрсе.
Таукелге нюр джауар.

Логин:	Регистрация

Пароль:	Забыли пароль?

Запомнить меня

Аудио

Чу-чу чуала

Скачать

Адрес