Аудио :: Аудио:: Чам хапарла

Ашхы болсанг, атынг чыгъар, аман болсанг, джанынг чыгъар.
Сууда джау джокъ, кёб сёзде магъана джокъ.
Баш – акъыл ючюн, акъылман – халкъ ючюн.
Зар адамны насыбы болмаз.
Тенги кёбню джау алмаз, акъылы кёбню дау алмаз.
Мени джылытмагъан кюн, меннге тиймесин!
Ачылгъан эт джабылыр, кёрген кёз унутмаз.
Ач, тоймам, дейди, тойгъан, ач болмам, дейди.
Къонакъ кёб келюучю юйню, къазаны отдан тюшмез.
Къартха ушагъан джаш – акъыллы, джашха ушагъан къарт – тели.
Къыз келсе, джумуш эте келеди, къатын келсе, ушакъ эте келеди.
Джылар джаш, атасыны сакъалы бла ойнар.
Гитче джилтин уллу элни джандырыр.
Ауругъаннга – кийик саулукъ, джетген къызгъа – чилле джаулукъ.
Этек чакъмакълары баш джаргъан, сёлешген сёзлери таш джаргъан.
Ачлыкъ отха секиртир.
Ачлыкъда тары гырджын халыуадан татлы.
Ариу сёзде ауруу джокъ.
Аман адам этегингден тутса, кес да къач.
Юй ишлеген балта эшикде къалыр.
Элиб деген, элге болушур.
Ёлюк кебинсиз къалмаз.
Кийимни бичсенг, кенг бич, тар этген къыйын тюлдю.
Джырына кёре эжиую.
Айтхан – тынч, этген – къыйын.
Сагъышы джокъ – джукъучу, акъылы джокъ – къаугъачы.
Онгсузну – джакъла, тенгликни – сакъла.
Башы джабылгъан челекге, кир тюшмез.
Атадан ёксюз – бир ёксюз, анадан ёксюз – эки ёксюз.
Адам къаллай бир ишленмесе, аллай бир кесин уллу кёреди.
Джауумдан сора, кюн кюйдюрюр, ётюрюкден сора, айыб кюйдюрюр.
Игилик игилик бла сингдирилиучю затды.
Адамны сабийин сюйген джюреги, бычакъча, джитиди.
Аджалсыз ёлюм болмаз.
Окъдан джара эртде-кеч болса да бителир, сёз джара, ёмюрге къалыр.
Акъылсызны джууукъгъа алма, акъыллыны кенгнге салма.
Сибиртки да сыйлы болду, кюрек да кюнлю болду.
Эринчекге кюн узун.
Джангыз торгъай джырламаз.
Тил – кесген бычакъ, сёз – атылгъан окъ.
Ёлген эшек бёрюден къоркъмайды.
Ётюрюкню башын керти кесер.
Къазанчы аман болса, къазаны къайнамаз.
Джолунга кёре – джюрюшюнг, джагъанга кёре – юлюшюнг.
Мал ёлсе, сюек къалыр, адам ёлсе, иши къалыр.
Ауругъанны сау билмез, ач къарынны токъ билмез.
Ачны эсинде – аш.
Ариу джол аджал келтирмез.
Окъумагъан сокъурду, сокъур ташха абыныр!
Окъугъанны бети джарыкъ.

Логин:	Регистрация

Пароль:	Забыли пароль?

Запомнить меня

Аудио

Чам хапарла

Скачать

Адрес