Аудио :: Аудио:: Чам хапарла

Аякъларынгы джууургъанынга кёре узат.
Аманнга да, игиге да оноусуз къатышма.
Эм уллу байлыкъ – джан саулукъ.
Аджаллыгъа окъсуз шкок атылыр.
Адебни адебсизден юрен.
Чомарт къонакъ юй иесин сыйлар.
Тойгъанлыкъ къойгъа джарашады.
Байдан умут эте, джарлыдан ёгюз багъасы къорады.
Тёрени джагъы джокъ.
Адеб джокъда, намыс джокъ.
Бети бедерден, намыс сакълама.
Акъыллы – эл иеси, тели – эл баласы.
Болджал ишни бёрю ашар.
Тилчи бир сагъатха айлыкъ хата этер.
Эли джокъну – кёлю джокъ.
Садакъачыны джаны – къапчыгъында.
Сууда джау джокъ, кёб сёзде магъана джокъ.
Акъыллы эркиши атын махтар, акъылсыз эркиши къатынын махтар.
Кийимни бичсенг, кенг бич, тар этген къыйын тюлдю.
Ат да турмайды бир териде.
Билим къая тешер.
Байлыкъ адамны сокъур этер.
Сёлеш деб шай берген, тохта деб, сом берген.
Къыйынлы джети элге оноу этер.
Ойнай билмеген, оюн бузар.
Кийим тукъум сордурур.
Эл бла кёргенинг эрелей.
Къызны минг тилер, бир алыр.
Къартны бурнун сюрт да, оноугъа тут.
Ёмюрлюк шохлукъну джел элтмез.
Хаухну атма, ёнгкючню сатма.
Хатерли къул болур.
Хар зат кесини орнуна иги.
Тюзлюк тас болмайды.
Онгсузну – джакъла, тенгликни – сакъла.
Кёбню кёрген – кёб билир.
Тойчу джашха къарама, къойчу джашха къара.
Булут кёкге джарашыу, уят бетге джарашыу.
Хоншуну тауугъу къаз кёрюнюр, келини къыз кёрюнюр.
Сабийликде юретмесенг, уллу болса – тюзелмез.
Аш берме да, къаш бер.
Илму – джашауну джолу.
Айырылмаз джууугъунга, унутмаз сёзню айтма.
Ауругъан – джашаудан умутчу.
Кёл – къызбай, къол – батыр.
Тура эдим джата, къайдан чыкъды хата?
Адеби болмагъан къыз – тузсуз хант.
Ишлегенден, къарагъан уста.
Аджалсыз ёлюм болмаз.
Къонакъ хазыр болгъанлыкъгъа, къонакъбай хазыр тюлдю.

Логин:	Регистрация

Пароль:	Забыли пароль?

Запомнить меня

Аудио

Чам хапарла

Скачать

Адрес