Песен: 8 Создан:
06.05.2015 Обновлен:
06.05.2015
| 13 Декабря | 2018 года |
Навигация
- Эрине къаргъыш этген къатын, эрнин къабар.
- Иги джашны ышаны – аз сёлешиб, кёб тынгылар.
- Сыфатында болмагъаны, суратында болмаз.
- Ёлюк кебинсиз къалмаз.
- Акъыл къартда, джашда тюйюлдю – башдады.
- Джан саулукъ бермей, сан саулукъ бермезсе.
- Чакъырылмагъан къонакъ къачан кетерин сормаз.
- Сакъламагъан затынга джолукъсанг, не бек къууанаса, не бек ачыйса.
- Намыс сатылыб алынмайды.
- Тик ёргени, тик энгишгеси да болады.
- Тилчи тилден къаныкъмаз.
- Джолунга кёре – джюрюшюнг, джагъанга кёре – юлюшюнг.
- Хатерли къул болур.
- Къууут – джелге, берне – бошха.
- Аман къатын алгъан, арыр, иги къатын алгъан джарыр.
- Тенги кёбню джау алмаз, акъылы кёбню дау алмаз.
- Азыгъы аз, алгъа къабар, аты аман, алгъа чабар.
- Ёлюр джаннга, ёкюл джокъ.
- Кюлме джашха – келир башха.
- Тин – байлыгъынг, терен саулугъунг.
- Садакъачыны джаны – къапчыгъында.
- Таула не мийик болсала да, аууш табылыр.
- Къолу уллу – асыу, аягъы уллу – джарсыу.
- Таугъа чыгъаллыкъ эсенг, тюзде къалма.
- Акъыл сабырлыкъ берир.
- Бети къызарыучу адамны, джюреги харам болмаз.
- Сютден ауузу кюйген, суугъа юфгюре эди.
- Зарда марда джокъ.
- Байны оноуу, джарлыгъа джарамаз.
- Къулакъдан эсе, кёзге ышан.
- Тюзлюк тас болмайды.
- Адамны сабийин сюйген джюреги, бычакъча, джитиди.
- Нёгер болсанг, тенг бол, тенг болмасанг, кенг бол.
- Ачны эсинде – аш.
- Мухар, кеси тойса да, кёзю тоймаз.
- Келинин тута билмеген, къул этер, къызын тута билмеген, тул этер.
- Ачыкъ джюрекге джол – ачыкъ.
- Алгъанда – джууукъ, бергенде – джау.
- Ёлген ийнек сютлю болур.
- Магъанасыз сёз – тауушсуз сыбызгъы.
- Окъдан джара эртде-кеч болса да бителир, сёз джара, ёмюрге къалыр.
- Ана къолу ачытмаз.
- Ёзденликни джайгъан – джокълукъ.
- Артына баргъанны, къатына барма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Юй ишлеген балта эшикде къалыр.
- Адамны бетине къарама, адетине къара.
- Этек чакъмакълары баш джаргъан, сёлешген сёзлери таш джаргъан.
- Билимден уллу байлыкъ джокъду.
- Керилген да, ургъан кибикди.
Фонд содействия развитию карачаево-балкарской молодежи «Эльбрусоид»
© 2003-2018 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
