Песен: 3 Создан:
06.05.2015 Обновлен:
06.05.2015
| 20 Апреля | 2024 года |
Навигация
- Кёлсюзден сёзсюз тууар.
- Aдам боллукъ, сыфатындан белгили.
- Арбаз къынгырды да, ийнек сауалмайма.
- Тилчи тилден къаныкъмаз.
- Келинин тута билмеген, къул этер, къызын тута билмеген, тул этер.
- Къыз келсе, джумуш эте келеди, къатын келсе, ушакъ эте келеди.
- Кимни – тили, тиши онглу, кимни – къолу, иши онглу.
- Бал чибинни ургъаны – ачы, балы – татлы.
- Ат да турмайды бир териде.
- Баргъанынга кёре болур келгенинг.
- Кёкдеги болмаса, джердегин кёрмейди.
- Кёбге таш атма.
- Душманны тышы – акъ, ичи – къара.
- Сёлеш деб шай берген, тохта деб, сом берген.
- Джаным-тиним – окъуу, билим.
- Билим – акъылны чырагъы.
- Хоншуну тауугъу къаз кёрюнюр, келини къыз кёрюнюр.
- Бойнуму джети джерден кессенг да, мен ол ишни этеллик тюлме.
- Чабакъ башындан чирийди.
- Юйлю уругъа ит чабмаз.
- Ана къолу ачытмаз.
- Адам сёзге тынгыла, акъыл сёзню ангыла.
- Босагъагъа джууукъ орун болса, ашыгъыб тёрге озма.
- Экеу тутушса, биреу джыгъылыр.
- Ач – эснер, ат – кишнер.
- Ач, тоймам, дейди, тойгъан, ач болмам, дейди.
- Сёз – кюмюш, джыр – алтын.
- Ётюрюкчюню шагъаты – къатында.
- Джумушакъ сёз къаты таякъны сындырыр.
- Тура эдим джата, къайдан чыкъды хата?
- Кёзню ачылгъаны – иги, ауузну джабылгъаны – иги.
- Нарт сёз – тилни бети.
- Дуния мал дунияда къалады.
- Байлыкъ адамны сокъур этер.
- От этилмеген джерден тютюн чыкъмайды.
- Джиби бир къат джетмей эди да, эки къат тарта эди.
- Джангыз терек къынгыр ёсер.
- Ханы къызы буюгъа-буюгъа киштик болду.
- Эринчекни аурууу – кёб.
- Рысхы джалгъанды: келген да этер, кетген да этер.
- Алгъанда – джууукъ, бергенде – джау.
- Кюн кёрмеген, кюн кёрсе, кюндюз чыракъ джандырыр.
- Юйюнгден чыкъдынг – кюнюнгден чыкъдынг.
- Сакъалы текени да бар, мыйыгъы киштикни да бар.
- Гырджын – тепсини тамадасы.
- Айран тёгюлсе, джугъусу къалыр.
- Нафысынгы айтханын этме, намысынгы айтханын эт.
- Магъанасыз сёз – тауушсуз сыбызгъы.
- Ауругъан – джашаудан умутчу.
- Танг атмайма десе да, кюн къоярыкъ тюйюлдю.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
