Песен: 3 Создан:
06.05.2015 Обновлен:
06.05.2015
| 14 Мая | 2025 года |
Навигация
- «Ёгюз, джаргъа джууукъ барма, меннге джюк боллукъса», - дегенди эшек.
- Къатын къылыкъсыз, эр тынчлыкъсыз.
- Ашлыкъны арба юйге келтирир, чана базаргъа элтир.
- Тели турса – той бузар.
- Аманны тукъумуна къарама, игини тукъумун сорма.
- Этни да ашады, бетни да ашады.
- Бозаны арты дауур болур.
- Агъач халкъгъа алтынды, иссиликге салкъынды.
- Игиге айтсанг – билир, аманнга айтсанг – кюлюр.
- Адамны бетине къарама, адетине къара.
- Алтыннга тот къонмаз.
- Эл ауузу – элек, анга ийнаннган – халек.
- Сагъыш – къартлыкъгъа сюйюмчю.
- Джарашыу сюйген – джалынчакъ.
- Накъырда – кертини келечиси.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Бал – татлы, балдан да бала – татлы.
- Джашынгы кесинг юретмесенг, джашау юретир.
- Туз, гырджын аша, тюзлюк бла джаша.
- Суу да къайтады чыкъгъан джерине.
- Болджал ишни бёрю ашар.
- Байны къызы баймакъ болса да, юйде къалмаз!
- Ёлюр джаннга, ёкюл джокъ.
- Татлы тилде – сёз ариу, чемер къолда – иш ариу.
- Иги сёз – джаннга азыкъ, аман сёз башха – къазыкъ.
- Халкъгъа джарагъан, джарлы къалмаз.
- Ургъан суудан башынгы сакъла.
- Ушамагъан – джукъмаз.
- Къар – келтирди, суу – элтди.
- Ач отунчуну ачыуу – бурнунда.
- Чоюнну башы ачыкъ болса, итге уят керекди.
- Ишлегенде эринме, ишде чолакъ кёрюнме.
- Къайгъыны сюйген, къайгъы табар.
- Кёб джат да, бек чаб.
- Къыйынлы джети элге оноу этер.
- Дженгил джетерикме деб, узун джолну къоюб, къысхасын барма.
- Тюкюрюк баш джармаз, налат кёз чыгъармаз!
- Аджашханны ызындагъы кёреди, джангылгъанны джанындагъы биледи.
- Кёб къычыргъандан – къоркъма, тынч олтургъандан – къоркъ.
- Айтханы чапыракъдан ётмеген.
- Къазанчы аман болса, къазаны къайнамаз.
- Арба аугъандан сора, джол кёргюзтюучю кёб болур.
- Хазыр ашха – терен къашыкъ.
- Насыблы элин сюер, насыбсыз кесин сюер.
- Уруну арты – къуру.
- Сибиртки да сыйлы болду, кюрек да кюнлю болду.
- Акъыллы – эл иеси, тели – эл баласы.
- Джигер – джаннга къыйынлыкъ.
- Джарлы эскисин джамаса, къууаныр.
- Джаханимни кёрмей, джандетге кёл салмазса.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
