Песен: 4 Создан:
06.05.2015 Обновлен:
06.05.2015
| 30 Июля | 2021 года |
Навигация
- Кютгени беш эчки, сызгъыргъаны уа, джерни джарады.
- Эли джокъну – кёлю джокъ.
- Тойчу джашха къарама, къойчу джашха къара.
- Ат да турмайды бир териде.
- Хар адамгъа кеси миннген тау кибик.
- Кийим тукъум сордурур.
- Джарлыны тону джаз битер.
- Джашлыкъ этмеген, башлыкъ этмез.
- Ашхы атаны – джашы ашхы, ашхы ананы – къызы ашхы.
- Ургъан суудан башынгы сакъла.
- Къарын къуру болса, джюрек уру болур.
- Ариу – кёзге, акъыл – джюрекге.
- Ач, тоймам, дейди, тойгъан, ач болмам, дейди.
- Тойгъа барсанг, тоюб бар, эски тонунгу къоюб бар.
- Терек ауса, отунчу – кёб.
- Къарт айтханны этмеген, къартаймаз.
- Акъыл сабырлыкъ берир.
- Ишге юренсин къоллары, халкъ бла болсун джоллары.
- Байлыкъ болгъан джерде, тынчлыкъ джокъду.
- Чакъырылмай келген къонакъ сыйланмай кетер.
- Адамны джюреги нени кёрюрге сюйсе, кёзю да аны кёрюрге ёч болады.
- Сютню башын джалагъан къутулур, тюбюн ичген тутулур.
- Аш кетер да бет къалыр.
- Аманнга да, игиге да оноусуз къатышма.
- Ёлген ийнек сютлю болур.
- Айран тёгюлсе, джугъусу къалыр.
- Джаш болсун, къыз болсун, акъылы, саны тюз болсун.
- Билмегенинги, билгеннге сор.
- Аш хазыр болса, иш харам болур.
- Акъыллы башны – тили къысха.
- Тай асырагъан, атха минер.
- Таукел тауну аудурур.
- Соргъан айыб тюлдю, билмеген айыбды.
- Чомарт къонакъ юй иесин сыйлар.
- Урама да – ёледи, сатама да – келеди.
- Джашынгы кесинг юретмесенг, джашау юретир.
- Ёлюр джаннга, ёкюл джокъ.
- Тил – миллетни джаны.
- Кёзден кетген, кёлден да кетеди.
- Тюзлюк шохлукъну бегитир.
- Бозаны арты дауур болур.
- Босагъа таш юйге кирмей эди, тыбыр таш эшикге чыкъмай эди.
- Аман киши кеси юйюнде – къонакъ.
- Уллу суу бла уллу ауруудан башынгы сакъла.
- Эл тойса, тоймагъан, эл къойса, къоймагъан.
- Кёб джашагъан – кёб билир.
- Биреуню къыйынлыгъы бла кесинге джол ишлеме.
- Намыс сатылыб алынмайды.
- Ана кёлю – балада, бала кёлю – талада.
- Адамны аты башхача, акъылы да башхады.
Фонд содействия развитию карачаево-балкарской молодежи «Эльбрусоид»
© 2003-2021 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
