Песен: 51 Создан:
06.05.2015 Обновлен:
06.05.2015
| 29 Апреля | 2025 года |
Навигация
- Къая джолда джортма, ачыкъ сёзден къоркъма.
- Арпа, будай – ащды, алтын, кюмюш а – ташды.
- Тойну къарнашы – харс, джырны къарнашы – эжиу.
- Таукел адам тау тешер.
- Къатыны харакетли болса, эри къымсыз болур.
- Биреу ашаб къутулур, биреу джалаб тутулур.
- Тёгюлген тюгел джыйылмайды.
- Чакъырылмагъан къонакъ къачан кетерин сормаз.
- Дуния малгъа сатылма, кесингден телиге къатылма.
- Тил – миллетни джаны.
- Къыйынлы джети элни къайгъысын этер.
- Чакъырылмай келген къонакъ сыйланмай кетер.
- Узун джолну барсанг, бюгюн келирсе, къысха джолну барсанг, тамбла келирсе.
- Иги – алгъыш этер, аман – къаргъыш этер.
- Ауузу аманнга «иги», деме.
- Хоншуну тауугъу къаз кёрюнюр, келини къыз кёрюнюр.
- Хар зат кесини орнуна иги.
- Къоркъакъны кёзю экили кёрюр.
- Къар – келтирди, суу – элтди.
- Тин – байлыгъынг, терен саулугъунг.
- Элиб деген, элге болушур.
- Чакъырылмагъан джерге барма, чакъырылгъан джерден къалма.
- Ётюрюкчюню шагъаты – къатында.
- Къызбайны юйюне дери сюрсенг, батыр болур.
- «Ма», - дегенни билмесенг, «бер», - дегенни билмезсе.
- Къартха ушагъан джаш – акъыллы, джашха ушагъан къарт – тели.
- Къонагъы джокъну – шоху джокъ.
- Тулпарлыкъ, билекден тюл – джюрекден.
- Тенги кёбню джау алмаз, акъылы кёбню дау алмаз.
- Кийимни бичсенг, кенг бич, тар этген къыйын тюлдю.
- Ариу сёз аурууунгу алыр.
- Баш болса, бёрк табылыр.
- Ата джурт – алтын бешик.
- Ашхы тенг джолгъа салыр, аман тенг джолдан тайдырыр.
- Рысхы – насыбха къор.
- Тойчу джашха къарама, къойчу джашха къара.
- Тойгъа алгъа да барма, тойда артха да къалма.
- Ашын ашагъанынгы, башын да сыйла.
- Бёрю да ач къалмасын, эчки да ашалмасын.
- Къонакъны къачан кетерин сорма, къачан келлигин сор.
- Тил – кесген бычакъ, сёз – атылгъан окъ.
- Юреннген ауруу къалмаз.
- Термилгенинги табмазса, кюлгенинге тюберсе.
- Кюн кёрмеген, кюн кёрсе, кюндюз чыракъ джандырыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Тёрдеги кюлсе, эшикдеги ышарыр.
- Хазыр ашха – терен къашыкъ.
- Эл ауузу – элек, анга ийнаннган – халек.
- Бастасын ашагъан, хантусун да ичер.
- Биреуге аманлыкъны тилеме да, кесинге ашхылыкъны тиле.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
