Аудио :: Аудио:: Хапчаева Р

Баш – акъыл ючюн, акъылман – халкъ ючюн.
Адамны джюреги нени кёрюрге сюйсе, кёзю да аны кёрюрге ёч болады.
Таш бла ургъанны, аш бла ур.
Джылыгъа джылан илешир.
Адеб джокъда, намыс джокъ.
Чомарт бергенин айтмаз.
Акъыллы эркиши атын махтар, акъылсыз эркиши къатынын махтар.
Дуния аламаты сен эсенг да, игиме деб айтма.
Телини эшигин, махтау джабар.
Кийиминг бла танылма, адамлыкъ бла таныл.
Алма терегинден кери кетмез.
Эшекге миннген – биринчи айыб, андан джыгъылгъан – экинчи айыб.
Агъач – джерни чырайы, кийим – эрни чырайы.
Ана – юйню кюн джарыгъы.
Аш иеси бла татлыды.
Адебни адебсизден юрен.
Адеб базарда сатылмаз.
Алтыннга тот къонмаз.
Aдам боллукъ, сыфатындан белгили.
Байма, деб да, къууанма, джарлыма, деб да, джылама.
Тойну къарнашы – харс, джырны къарнашы – эжиу.
Окъугъан озар, окъумагъан тозар.
Ач келгенни – тойдур, кеч келгенни – къондур.
Аз сёлешген, къайгъысыз турур.
Адам туугъан джеринде, ит тойгъан джеринде.
Ишни ахырын ойламай, аллын башлама.
Ишин билген, аны сыйын чыгъарады.
Тиширыусуз юй – отсуз от джагъа.
Бермеген къол, алмайды.
Олтуруб кёрюнмей эди да, ёрге туруб кёрюне эди.
Суу ичген шауданынга тюкюрме.
Ариу сёз джыланны орнундан чыгъарыр.
Дженгил джетерикме деб, узун джолну къоюб, къысхасын барма.
Бир онгсуз адам адет чыгъарды, деб эштирик тюлсе.
Илму – джашауну джолу.
Тойгъан джерге джети къайт.
Суугъа – чабакъ, къаягъа – ыргъакъ.
Ачлыкъда тары гырджын халыуадан татлы.
Бозанг болмагъан джерге, къалагъынгы сукъма.
Билим насыб берир, билим джолну керир.
Айтылгъан буйрукъ, сёгюлмез
Джолда аягъынга сакъ бол, ушакъда тилинге сакъ бол.
Билимсиз иш бармаз.
Джюрек кёзден алгъа кёрюр.
Юреннген ауруу къалмаз.
Ачылгъан эт джабылыр, кёрген кёз унутмаз.
Чакъырылмагъан къонакъ къачан кетерин сормаз.
Баш болса, бёрк табылыр.
Мухар, кеси тойса да, кёзю тоймаз.
Тойгъа барсанг, тоюб бар, эски тонунгу къоюб бар.

Логин:	Регистрация

Пароль:	Забыли пароль?

Запомнить меня

Аудио

Хапчаева Р

Скачать

Адрес