Аудио :: Аудио:: Хапчаева Р

Таукел къуру къалмаз.
Эл тойса, тоймагъан, эл къойса, къоймагъан.
Тойгъа барсанг, тоюб бар, эски тонунгу къоюб бар.
Азыгъы аз, алгъа къабар, аты аман, алгъа чабар.
Джырына кёре эжиую.
Узун джолну барсанг, бюгюн келирсе, къысха джолну барсанг, тамбла келирсе.
Чакъырылгъанны аты, чакъырылмагъанны багъасы болур.
Адамны аманы адамны бети бла ойнар.
Аз сёлеш, кёб ишле.
Къарны аманнга къазан такъдырма, къолу аманнга от джакъдырма.
Онгсузну – джакъла, тенгликни – сакъла.
Кёл ашады да, кеси ашады.
Джаз бир кюнню джатсанг, къыш талай кюнню абынырса.
Ач уят къоймаз.
Башы джабылгъан челекге, кир тюшмез.
Билимден уллу байлыкъ джокъду.
Кёлю джокъну – джолу джокъ.
Азыкълы ат арымаз, къатыны аман джарымаз.
Игилик игилик бла сингдирилиучю затды.
Тёзген – тёш ашар!
Аман эсирсе, юйюн ояр.
Булут кёкге джарашыу, уят бетге джарашыу.
Намыс болмагъан джерде, насыб болмаз.
Джарлы эскисин джамаса, къууаныр.
Ишлегенден, къарагъан уста.
Адеби болмагъан къыз – тузсуз хант.
Хансыз джомакъ болмаз.
Ёлген эшек бёрюден къоркъмайды.
Ойнай-ойнай кёз чыгъар.
Садакъачыны джаны – къапчыгъында.
Уруну арты – къуру.
Тик ёргени, тик энгишгеси да болады.
Адебсиз адам – джюгенсиз ат.
Арыгъан къош чамчы болур.
Кёрмегеннге кебек – танг, битмегеннге сакъал – танг.
Окъумагъан сокъурду, сокъур ташха абыныр!
Ауузу бла къуш тута айланады.
Ашхы сёз таш тешер.
Илму – джашауну джолу.
Чомартха Тейри да борчлуду.
Къартны сыйын кёрмеген, къартлыгъында сыйлы болмаз.
Тюзлюк шохлукъну бегитир.
Ашхылыкъ джерде джатмайды, аманлыкъ суугъа батмайды.
Хатерли къул болур.
Ётюрюкню башын керти кесер.
Аджалсыз ёлюм болмаз.
Чакъырылмай келген къонакъ сыйланмай кетер.
Адеб джокъда, намыс джокъ.
Башсыз урчукъ тюзюне айланмаз.
Сибиртки да сыйлы болду, кюрек да кюнлю болду.

Логин:	Регистрация

Пароль:	Забыли пароль?

Запомнить меня

Аудио

Хапчаева Р

Скачать

Адрес