Песен: 51 Создан:
06.05.2015 Обновлен:
06.05.2015
| 12 Декабря | 2025 года |
Навигация
- Кёзню ачылгъаны – иги, ауузну джабылгъаны – иги.
- Гитче джилтин уллу элни джандырыр.
- Аджал соруб келмез, келсе, къайтыб кетмез.
- Джан саулукъ бермей, сан саулукъ бермезсе.
- Бет бетге къараса, бет да джерге къарар.
- Байлыкъдан саулукъ ашхыды.
- Татлы тилде – сёз ариу, чемер къолда – иш ариу.
- Кенгеш болса, уруш болмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Адамны сабийин сюйген джюреги, бычакъча, джитиди.
- Ашхы тенг джолгъа салыр, аман тенг джолдан тайдырыр.
- Айран тёгюлсе, джугъусу къалыр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Келлик заман – къартлыкъ келтирир, кетген заман – джашлыкъ ёлтюрюр.
- Тили узунну, намысы – къысха.
- Бек ашыкъгъан меннге джетсин, дегенди аракъы.
- Бичгенде ашыкъма, тикгенде ашыкъ.
- Кесине оноу эте билмеген, халкъына да эте билмез.
- Кёзюнде тереги болгъан, чёбю болгъаннга кюле эди.
- Этим кетсе да, сюегим къалыр.
- Ёгюзню мюйюзюнден тутадыла, адамны сёзюнден тутадыла.
- Юреннген ауруу къалмаз.
- Уллу къазанда бишген эт, чий къалмаз.
- Акъдан къара болмаз.
- Джашлыкъ этмеген, башлыкъ этмез.
- Огъурлуну сёзю – суу, огъурсузну сёзю – уу.
- Орундукъ тюбюнде атылсам да, орта джиликме, де да айлан.
- Билим ат болуб да чабар, къуш болуб да учар.
- Джогъун бар этген, барын бал этген.
- Юре билмеген ит, къонакъ келтирир.
- Сабийни джумушха джибер да, ызындан бар.
- Къумурсхала джыйылсала, пилни да джыгъадыла.
- Гыдай эчки суугъа къараб, мюйюзле кёрмесе, джашма алкъын, дегенди.
- Ётген ёмюр – акъгъан суу.
- Баргъанынга кёре болур келгенинг.
- Кесине гебен этелмеген, биреуге черен эте эди.
- Ишлерге уял да, ашаргъа табма.
- Иги болса, тамадама – махтау, аман болса, меннге – айыб.
- Ана кёлю – балада, бала кёлю – талада.
- Айраннга суу къош, телиге джол бош.
- Билмегенинги, билгеннге сор.
- Адеб этмеген, адеб кёрмез.
- Юйюнгден чыкъдынг – кюнюнгден чыкъдынг.
- Ёлген ийнек сютлю болур.
- Джарлы джети элни сёзюн этер.
- Сютден ауузу кюйген, суугъа юфгюре эди.
- Дуния малгъа сатылма, кесингден телиге къатылма.
- Узун джолну барсанг, бюгюн келирсе, къысха джолну барсанг, тамбла келирсе.
- Сёз сёзню айтдырыр.
- Халкъгъа джарагъан, джарлы къалмаз.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
