Аудио :: Аудио:: Узденов Сафар

Билим насыб берир, билим джолну керир.
Кийимни бир кюнню аясанг, минг кюннге джарар.
Нёгер болсанг, тенг бол, тенг болмасанг, кенг бол.
Ёпкелегенни ашы татлы болады.
Ач – эснер, ат – кишнер.
Джарлыны эшигин махтагъан джабар.
Къатыны харакетли болса, эри къымсыз болур.
Этим кетсе да, сюегим къалыр.
Акъыл аздырмаз, билим тоздурмаз.
Сормай – алма, чакъырылмай – барма.
Ичимден чыкъды хата, къайры барайым сата?
Тойчу джашха къарама, къойчу джашха къара.
Кёб къычыргъандан – къоркъма, тынч олтургъандан – къоркъ.
Иги – алгъыш этер, аман – къаргъыш этер.
Окъумагъан сокъурду, сокъур ташха абыныр!
Алтыда кюлмеген, алтмышда кюлмез.
Суу да къайтады чыкъгъан джерине.
Керти сёзге тёре джокъ.
Аманнга да, игиге да оноусуз къатышма.
Уллу къашыкъ эрин джыртар.
Билимден уллу байлыкъ джокъду.
Сабыр джетер муратха, сабырсыз къалыр уятха.
Адеб базарда сатылмаз.
Эски джаугъа ышанма.
Къызгъанчдан ычхыныр, мухардан ычхынмаз.
Ёзденликни джайгъан – джокълукъ.
Иги сёз – джаннга азыкъ, аман сёз башха – къазыкъ.
Намысы болмагъанны, сыйы болмаз.
Къарын къуру болса, джюрек уру болур.
Сагъышы джокъ – джукъучу, акъылы джокъ – къаугъачы.
Чыбыкълыкъда бюгюлмеген, къазыкълыкъда бюгюлмей эди.
Эл бла кёргенинг эрелей.
Тойгъан джерге джети къайт.
Баргъанынга кёре болур келгенинг.
Къууут – джелге, берне – бошха.
Танг атмайма десе да, кюн къоярыкъ тюйюлдю.
Айтылгъан сёз ызына къайтмаз.
Ёлмесенг да, къарт дамы болмазса?
Бюгюн дуния кибик, тамбла ахыратды.
Биреу ашаб къутулур, биреу джалаб тутулур.
Сютню башын джалагъан къутулур, тюбюн ичген тутулур.
Тойгъанлыкъ къойгъа джарашады.
Тели турса – той бузар.
Эки элинги тыйсанг, джети элде махталырса.
Башы джабылгъан челекге, кир тюшмез.
Билгенни къолу къарны джандырыр.
Ойнай-ойнай кёз чыгъар.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Татлы тилде – сёз ариу, чемер къолда – иш ариу.
Адеби болмагъан къыз – тузсуз хант.

Логин:	Регистрация

Пароль:	Забыли пароль?

Запомнить меня

Аудио

Узденов Сафар

Скачать

Адрес