Аудио :: Аудио:: Узденов Сафар

Чомарт бергенин айтмаз.
Адамны сыфатына къарама, сёзюне къара.
Къазанны башы ачыкъ болса, итге уят керекди.
Игиге айтсанг – билир, аманнга айтсанг – кюлюр.
Кютгени беш эчки, сызгъыргъаны уа, джерни джарады.
Эркиши – от, тиширыу – суу.
Кёбден умут этиб, аздан къуру къалма.
Кюн – узун, ёмюр – къысха.
Ач къарным, тынч къулагъым.
Ёзденликни джайгъан – джокълукъ.
Келгинчи, къонакъ уялыр, келгенден сора, къонакъбай уялыр.
Билген билмегенни юретген адетди.
Игини сыйлагъан адетди.
Къонакъ аман болса, къонакъбай джунчур
Таугъа чыгъаллыкъ эсенг, тюзде къалма.
Ауругъанны сау билмез, ач къарынны токъ билмез.
Аман хансны – урлугъу кёб.
Кеси юйюмде мен да ханма.
Керилген да, ургъан кибикди.
Джылар джаш, атасыны сакъалы бла ойнар.
Бёрю да ач къалмасын, эчки да ашалмасын.
Хар зат кесини орнуна иги.
Тай асырагъан, атха минер.
Таула не мийик болсала да, аууш табылыр.
Ач къарынны, токъ билмез
Къыйынлы джети элни къайгъысын этер.
Джумушакъ сёз къаты таякъны сындырыр.
Суу да къайтады чыкъгъан джерине.
Тойгъан джерден туугъан джер игиди.
Ач уят къоймаз.
Ачыкъ джюрекге джол – ачыкъ.
Ашда – бёрю, ишде – ёлю.
Зар адамны насыбы болмаз.
Джырына кёре эжиую.
Адамны артындан къара сабан сюрме.
Ётюрюкчюню шагъаты – къатында.
Алма терегинден кери кетмез.
Тешигини къатында, чычхан да батыр болур.
Айтхан – тынч, этген – къыйын.
Къайтырыкъ эшигинги, къаты уруб чыкъма.
Сёз сёзню айтдырыр.
Асхат ашлыкъ сата, юйдегиси ачдан къата.
Джуртун къоругъан озар.
Аман адам элни бир-бирине джау этер.
Тюзлюк тас болмайды.
Къая джолда джортма, ачыкъ сёзден къоркъма.
Ишни аллы бла къууанма да, арты бла къууан.
Сормай – алма, чакъырылмай – барма.
Чомартны къолун джокълукъ байлар.
Къонакъ хазыр болгъанлыкъгъа, къонакъбай хазыр тюлдю.

Логин:	Регистрация

Пароль:	Забыли пароль?

Запомнить меня

Аудио

Узденов Сафар

Скачать

Адрес