Аудио :: Аудио:: Узденов П

Ётюрюкчюню шагъаты – къатында.
Джумушакъ терекни къурт ашар.
Таякъ этден ётер, тил сюекден ётер.
Татлы сёз – балдан татлы.
Сакъалы текени да бар, мыйыгъы киштикни да бар.
Кесинге джетмегенни, кёб сёлешме.
Байлыкъ келсе, акъыл кетер.
Джогъун бар этген, барын бал этген.
Бермеген къол, алмайды.
Сагъыш – къартлыкъгъа сюйюмчю.
Алтыннга тот къонмаз.
Сабыр джетер муратха, сабырсыз къалыр уятха.
Сагъышы джокъ – джукъучу, акъылы джокъ – къаугъачы.
Эринчекни эр алмаз, эр алса да, кёл салмаз, кёл салса да, кёб бармаз!
Ач, тоймам, дейди, тойгъан, ач болмам, дейди.
Юй ишлеген балта эшикде къалыр.
Акъыл неден да кючлюдю.
Иги адамны бир сёзю эки болмаз.
Адамгъа аман кюн соруб келмейди.
Сабийни джумушха джибер да, ызындан бар.
Дуния мал дунияда къалады.
Бюгюн дуния кибик, тамбла ахыратды.
Башсыз урчукъ тюзюне айланмаз.
Аджалсыз ёлюм болмаз.
Джаханимни кёрмей, джандетге кёл салмазса.
Кёрмегеннге кебек – танг, битмегеннге сакъал – танг.
Иши джокъну, сыйы джокъ.
Джети тилни билген джети кишиди.
Аджаллыгъа окъсуз шкок атылыр.
Мадар болса, къадар болур.
Билимден уллу байлыкъ джокъду.
Къонакъ болсанг, ийнакъ бол.
Алгъанда – джууукъ, бергенде – джау.
Элде адам къалмаса, ит тахтагъа минер.
Джаш къарыу бла кючлю, къарт акъыл бла кючлю.
Аджашхан тёгерек айланыр.
Алма терегинден кери кетмез.
Аууз сакълагъан – джан сакълар.
Гугурук къычырмаса да, тангны атары къалмаз.
Ётюрюкню башын керти кесер.
Садакъачыны джаны – къапчыгъында.
Тилчи тилден къаныкъмаз.
Аманнга алтын чыдамаз.
Ариу сёз аурууунгу алыр.
Байлыкъ болгъан джерде, тынчлыкъ джокъду.
Аджал соруб келмез, келсе, къайтыб кетмез.
Джарлыны эшигин махтагъан джабар.
Эл тойса, тоймагъан, эл къойса, къоймагъан.
Джолда аягъынга сакъ бол, ушакъда тилинге сакъ бол.
Акъыл къартда, джашда тюйюлдю – башдады.

Логин:	Регистрация

Пароль:	Забыли пароль?

Запомнить меня

Аудио

Узденов П

Скачать

Адрес