Песен: 5 Создан:
06.05.2015 Обновлен:
06.05.2015
| 29 Апреля | 2025 года |
Навигация
- Эшекге миннген – биринчи айыб, андан джыгъылгъан – экинчи айыб.
- Киштикге къанат битсе, чыпчыкъ къалмаз эди.
- Элни кючю – эмеген.
- Келлик заман – къартлыкъ келтирир, кетген заман – джашлыкъ ёлтюрюр.
- Уруну арты – къуру.
- Хар зат кесини орнуна иги.
- Къошда джокъгъа – юлюш джокъ.
- Ишни аллы бла къууанма да, арты бла къууан.
- Окъумагъан сокъурду, сокъур ташха абыныр!
- Ана – юйню кюн джарыгъы.
- Джюрек кёзден алгъа кёрюр.
- Кесине гебен этелмеген, биреуге черен эте эди.
- Халкъны юйю – туугъан джери.
- Джюрекден джюрекге джол барды.
- Къонакъ кёб келюучю юйню, къазаны отдан тюшмез.
- Ишлегенден, къарагъан уста.
- Тюзлюк тас болмайды.
- Къыз келсе, джумуш эте келеди, къатын келсе, ушакъ эте келеди.
- Туз, гырджын аша, тюзлюк бла джаша.
- Акъыл къартда, джашда тюйюлдю – башдады.
- Кёбге таш атма.
- Эринчекни аурууу – кёб.
- Джангыз терек къынгыр ёсер.
- Керилген да, ургъан кибикди.
- Арба аугъандан сора, джол кёргюзтюучю кёб болур.
- Тилчи тилден къаныкъмаз.
- Адеб базарда сатылмаз.
- Болджал ишни бёрю ашар.
- Хазыр ашха – терен къашыкъ.
- Душманны тышы – акъ, ичи – къара.
- Арпа, будай – ащды, алтын, кюмюш а – ташды.
- Ашлыкъ – бюртюкден, джюн – тюкден.
- Сангырау къулакъ эл бузар.
- Орну джокъну – сыйы джокъ.
- Сабыр джетер муратха, сабырсыз къалыр уятха.
- Къарны аманнга къазан такъдырма, къолу аманнга от джакъдырма.
- Намысы болмагъанны, сыйы болмаз.
- Суу да къайтады чыкъгъан джерине.
- Ёнгкюч къууана барыр, джылай келир.
- Ётюрюк хапар аякъ тюбю бла джюрюйдю.
- Тин – байлыгъынг, терен саулугъунг.
- Татлы тилде – сёз ариу, чемер къолда – иш ариу.
- Джигер – джаннга къыйынлыкъ.
- Арбаз сайлама да, хоншу сайла.
- Ауругъан – джашаудан умутчу.
- Чабакъсыз кёлге къармакъ салгъанлыкъгъа, чабакъ тутмазса.
- Азыкъ аз болса, эртде орун сал.
- Ариу джол аджал келтирмез.
- Нарт сёз къарт болмаз.
- Адебни адебсизден юрен.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
