Аудио :: Аудио:: Тамбиев

Ачлыкъда тары гырджын халыуадан татлы.
Айныгъанлы алты кюн, тогъайгъанлы тогъуз кюн.
Къарыусузгъа кюлме, онгсузгъа тийме.
Этни да ашады, бетни да ашады.
Ана къойну – балагъа джандет.
Тойгъа алгъа да барма, тойда артха да къалма.
Хаухну атма, ёнгкючню сатма.
Урама да – ёледи, сатама да – келеди.
Къыз келсе, джумуш эте келеди, къатын келсе, ушакъ эте келеди.
Иши джокъну, сыйы джокъ.
Чакъырылмагъан къонакъ тёрге атламаз.
Хазыр ашха – терен къашыкъ.
Илму – джашауну джолу.
Бермеген къол, алмайды.
Бир онгсуз адам адет чыгъарды, деб эштирик тюлсе.
Юй кюйдю да, кюйюз чыкъды, ортасындан тюйюш чыкъды.
Сангырау къулакъ эл бузар.
Тюкюрюк баш джармаз, налат кёз чыгъармаз!
Къайтырыкъ эшигинги, къаты уруб чыкъма.
Джукъу тёшек сайламайды.
Ашхы – джыяр, аман – джояр.
Ач отунчуну ачыуу – бурнунда.
Тил бла келеди джыр да.
Ашын ашагъанынгы, башын да сыйла.
Кесине гебен этелмеген, биреуге черен эте эди.
Джарлыны тону джаз битер.
Байлыкъ адамны сокъур этер.
Ауурну тюбю бла, дженгилни башы бла джюрюген.
Агъач – джерни чырайы, кийим – эрни чырайы.
Аш кетер да бет къалыр.
Нафысынгы айтханын этме, намысынгы айтханын эт.
Дууулдаса – бал чибин, къонса – къара чибин.
Кёл ашады да, кеси ашады.
Джарлы тюеге минсе да, ит къабар.
Тюзню ётмеги тюзде къалса да, тас болмаз.
Билимсиз иш бармаз.
Баланы адам этген анады.
Аш берме да, къаш бер.
Халкъны юйю – туугъан джери.
Кийим тукъум сордурур.
Байдан умут эте, джарлыдан ёгюз багъасы къорады.
Хатерли къул болур.
Ёнгкюч къууана барыр, джылай келир.
Къыйынлы джети элге оноу этер.
Олтуруб кёрюнмей эди да, ёрге туруб кёрюне эди.
Татлы тилде – сёз ариу, чемер къолда – иш ариу.
Элде адам къалмаса, ит тахтагъа минер.
Кёбге таш атма.
Тенгни тенглиги джашай барсанг билинир.
Адамны адамлыгъы къыйынлыкъда айгъакъланады.

Логин:	Регистрация

Пароль:	Забыли пароль?

Запомнить меня

Аудио

Тамбиев

Скачать

Адрес