Аудио :: Аудио:: Семенова С

Тёрде – темир таякълы, къаяда – чыпчыкъ аякълы.
Кечеси – аяз, кюню – къыш, джарлы къаргъагъа бир аш тюш!
Сакъламагъан затынга джолукъсанг, не бек къууанаса, не бек ачыйса.
Сёз – кюмюш, джыр – алтын.
Аз сёлешген, къайгъысыз турур.
Къартха ушагъан джаш – акъыллы, джашха ушагъан къарт – тели.
Адамны сабийин сюйген джюреги, бычакъча, джитиди.
Нёгерсизни джолу узун.
Джыйырма къойну юч джыйырма эбзе кюте эди.
Чакъырылмагъан къонакъ къачан кетерин сормаз.
Агъач халкъгъа алтынды, иссиликге салкъынды.
Ишин билген, аны сыйын чыгъарады.
Тас болгъан бычакъны сабы – алтын.
Иесиз малны бёрю ашар.
Шайтан алдады, тюзлюк къаргъады.
Тилчиден кери бол.
Орну джокъну – сыйы джокъ.
Аман къатын алгъан, арыр, иги къатын алгъан джарыр.
Джарлы джети элни сёзюн этер.
Ойнай билмеген, уруб къачар.
Орундукъ тюбюнде атылсам да, орта джиликме, де да айлан.
Кеси юйюмде мен да ханма.
Юйюнг бла джау болгъандан эсе, элинг бла джау бол.
Борчунг бар эсе, хурджунунга ойлаб узал.
Ауругъаннга – кийик саулукъ, джетген къызгъа – чилле джаулукъ.
Сёз садакъдан кючлюдю.
Джюрекден джюрекге джол барды.
Суугъа – таянма, джаугъа – ийнанма.
Байлыкъ болгъан джерде, тынчлыкъ джокъду.
Ариу сёз – къылычдан джити.
Аманнга алтын чыдамаз.
Билим ат болуб да чабар, къуш болуб да учар.
Накъырданы арты керти болур.
Ачылгъан эт джабылыр, кёрген кёз унутмаз.
Кёз – сюйген джерде, къол – ауругъан джерде.
Джаханимни кёрмей, джандетге кёл салмазса.
Тюз сёз баргъан сууну тыяр.
Окъугъан озар, окъумагъан тозар.
Акъылсызны джууукъгъа алма, акъыллыны кенгнге салма.
Акъыл неден да кючлюдю.
Джаз бир кюнню джатсанг, къыш талай кюнню абынырса.
Мени джылытмагъан кюн, меннге тиймесин!
Къонакъ аман болса, къонакъбай джунчур
Биреу къой излей, биреу той излей.
Ишлегенден, къарагъан уста.
Суу ичген шауданынга тюкюрме.
Аш кетер да бет къалыр.
Бек ашыкъгъан меннге джетсин, дегенди аракъы.
Терслик кетер, тюзлюк джетер.
Этим кетсе да, сюегим къалыр.

Логин:	Регистрация

Пароль:	Забыли пароль?

Запомнить меня

Аудио

Семенова С

Скачать

Адрес