Песен: 2 Создан:
06.05.2015 Обновлен:
06.05.2015
| 21 Августа | 2017 года |
Навигация
- Суу кетер, таш къалыр.
- Кечеси – аяз, кюню – къыш, джарлы къаргъагъа бир аш тюш!
- Къарт бла баш аша, джаш бла аякъ аша.
- Урама да – ёледи, сатама да – келеди.
- Джумушакъ терекни къурт ашар.
- Чомарт къонакъ юй иесин сыйлар.
- Намыс болмагъан джерде, насыб болмаз.
- Тойгъа алгъа да барма, тойда артха да къалма.
- Ётюрюк хапар аякъ тюбю бла джюрюйдю.
- Биреуню къыйынлыгъы бла кесинге джол ишлеме.
- Татлы сёз – балдан татлы.
- Бюгюн дуния кибик, тамбла ахыратды.
- Гугук кесини атын айтыб къычыргъанча, мен, мен деб нек тураса?
- Къарнынг бла ёч алма.
- Ашхылыкъ джерде джатмайды, аманлыкъ суугъа батмайды.
- Ашыкъгъанны этеги бутуна чырмалыр.
- Ариуну – ауруу кёб.
- Тюз сёз баргъан сууну тыяр.
- Халкъгъа джарагъан, джарлы къалмаз.
- Иги – алгъыш этер, аман – къаргъыш этер.
- Тёзгеннге, джабылгъан эшик ачылыр.
- Джолда аягъынга сакъ бол, ушакъда тилинге сакъ бол.
- Аджал соруб келмез, келсе, къайтыб кетмез.
- Уллу суу бла уллу ауруудан башынгы сакъла.
- Къошда джокъгъа – юлюш джокъ.
- Ариу сёз – къылычдан джити.
- Тенгинг джокъ эсе – изле, бар эсе – сакъла!
- Айныгъанлы алты кюн, тогъайгъанлы тогъуз кюн.
- Бетинги сатма, малынгы сат.
- Джангыз терек къынгыр ёсер.
- Билгенни къолу къарны джандырыр.
- Баланы адам этген анады.
- Чалманны аллы къалай башланса, арты да алай барады.
- Къонагъынгы артмагъын алма да, алгъышын ал.
- Таугъа чыгъаллыкъ эсенг, тюзде къалма.
- Зар адам ашынгы ашар, кесинги сатар.
- Магъанасыз сёз – тауушсуз сыбызгъы.
- Адам туугъан джеринде, ит тойгъан джеринде.
- Тай асырагъан, атха минер.
- Къарын къуру болса, джюрек уру болур.
- Керилген да, ургъан кибикди.
- Шапа кёб болса, аш татымсыз болур.
- Тиширыусуз юй – отсуз от джагъа.
- Ат басханны джер билед.
- Къолунгдан къуймакъ ашатсанг да, атаны борчундан къутулмазса.
- Садакъачыны джаны – къапчыгъында.
- Тойгъанлыкъ къойгъа джарашады.
- Къызгъанчдан ычхыныр, мухардан ычхынмаз.
- Байма, деб да, къууанма, джарлыма, деб да, джылама.
- Мал тутхан – май джалар.
Фонд содействия развитию карачаево-балкарской молодежи «Эльбрусоид»
© 2003-2017 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
