Песен: 5 Создан:
06.05.2015 Обновлен:
06.05.2015
| 19 Апреля | 2025 года |
Навигация
- Къарт бла баш аша, джаш бла аякъ аша.
- Ариу – кёзге, акъыл – джюрекге.
- Таш бла ургъанны, аш бла ур.
- Аджалсыз ёлюм болмаз.
- Къыз тиширыу кеси юйюнде да къонакъды.
- Къан бла кирген, джан бла чыгъар.
- Тойгъа барсанг, тоюб бар, эски тонунгу къоюб бар.
- Ауурну тюбю бла, дженгилни башы бла джюрюген.
- Чакъырылмагъан къонакъ – орунсуз.
- Аман къатын алгъан, арыр, иги къатын алгъан джарыр.
- Джаралыны джастыгъында сау ёлюр.
- Суу кетер, таш къалыр.
- Ач къарынны, токъ билмез
- Зарда марда джокъ.
- Ашхы адам – халкъ байлыгъы, ашхы джер – джашау байлыгъы.
- Ариу джол аджал келтирмез.
- Зар адамны насыбы болмаз.
- Иги – алгъыш этер, аман – къаргъыш этер.
- Насыб бютеу халкъны юлюшюдю.
- Джумушакъ сёз къаты таякъны сындырыр.
- Ачыу алгъа келсе, акъыл артха къалады.
- Адамны артындан къара сабан сюрме.
- Ата Джуртун танымагъан, атасын да танымаз.
- Чакъырылгъанны аты, чакъырылмагъанны багъасы болур.
- Зар адам ашынгы ашар, кесинги сатар.
- Чарсда алчыны эл кёреди.
- Байлыкъдан саулукъ ашхыды.
- Кёпюр салгъан кеси ётер, уру къазгъан кеси кетер.
- Мен да «сен», дейме, сен да «кесим», дейсе.
- Ауузу бла къуш тута айланады.
- Тойну къарнашы – харс, джырны къарнашы – эжиу.
- Таукел адам тау тешер.
- Ашлыкъны арба юйге келтирир, чана базаргъа элтир.
- Ёлген эшек бёрюден къоркъмайды.
- Ауругъан – джашаудан умутчу.
- Джарлыны эшигин махтагъан джабар.
- Ётюрюкню башын керти кесер.
- Айран тёгюлсе, джугъусу къалыр.
- Джашынгы кесинг юретмесенг, джашау юретир.
- Aдам боллукъ, сыфатындан белгили.
- Берекет берсин деген джерде, берекет болур.
- Къолунгдан къуймакъ ашатсанг да, атаны борчундан къутулмазса.
- Бетинги сатма, малынгы сат.
- Аш хазыр болса, иш харам болур.
- Иги адам абынса да, джангылмаз.
- Чабакъсыз кёлге къармакъ салгъанлыкъгъа, чабакъ тутмазса.
- Таш ата билмеген, башына урур.
- Къозулугъунда тоймагъан, къойлугъунда тоймаз.
- Къарт болгъан джерде, берекет болур, сабий болгъан джерде, оюн болур.
- Аджашхан тёгерек айланыр.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
