Аудио :: Аудио:: Отаров О

Къазанчы аман болса, къазаны къайнамаз.
Чакъырылмагъан къонакъ – орунсуз.
Къонакъ кёб келюучю юйню, къазаны отдан тюшмез.
Элиб деген, элге болушур.
Ёлюр джаннга, ёкюл джокъ.
Мал ёлсе, сюек къалыр, адам ёлсе, иши къалыр.
Кёз – сюйген джерде, къол – ауругъан джерде.
Тик ёргени, тик энгишгеси да болады.
Адеб базарда сатылмаз.
Этим кетсе да, сюегим къалыр.
Булут кёкге джарашыу, уят бетге джарашыу.
Къарнынг къанлынга кийирир.
Ата Джуртча джер болмаз, туугъан элча эл болмаз.
Ач къарным, тынч къулагъым.
Иги бла джюрюсенг, джетерсе муратынга, аман бла джюрюсенг, къалырса уятха.
Эм ашхы къайын ана мамукъ бла башынгы тешер.
Бойнуму джети джерден кессенг да, мен ол ишни этеллик тюлме.
Ауузу аманнга «иги», деме.
Терек ауса, отунчу – кёб.
Кюл тюбюндеги от кёрюнмейди.
Келгинчи, къонакъ уялыр, келгенден сора, къонакъбай уялыр.
Ойнай билмеген, оюн бузар.
Орну джокъну – сыйы джокъ.
Таукел тауну аудурур.
Эр сокъур болсун, къатын тилсиз болсун.
Асхат ашлыкъ сата, юйдегиси ачдан къата.
Кесине гебен этелмеген, биреуге черен эте эди.
Мухарны эси – ашарыкъда.
Кёб джат да, бек чаб.
Тулпарлыкъ, билекден тюл – джюрекден.
Ётген ёмюр – акъгъан суу.
Бичгенде ашыкъма, тикгенде ашыкъ.
Биреуге аманлыкъ этиб, кесинге игилик табмазса.
Окъуу – билимни ачхычы, окъуу – дунияны бачхычы.
Зар адам ашынгы ашар, кесинги сатар.
Таш ата билмеген, башына урур.
Джаралыны джастыгъында сау ёлюр.
Адеб этмеген, адеб кёрмез.
Суу ичген шауданынга тюкюрме.
Билим – акъылны чырагъы.
Аш кетер да бет къалыр.
Аш иеси бла татлыды.
Тилчи бир сагъатха айлыкъ хата этер.
Билмегенинги, билгеннге сор.
Ёзденликни джайгъан – джокълукъ.
Тилсиз миллет джокъ болур.
Къарт болгъан джерде, берекет болур, сабий болгъан джерде, оюн болур.
Ишин билген, аны сыйын чыгъарады.
Алим болгъандан эсе, адам болгъан къыйынды.
Бюгюн дуния кибик, тамбла ахыратды.

Логин:	Регистрация

Пароль:	Забыли пароль?

Запомнить меня

Аудио

Отаров О

Скачать

Адрес