Аудио :: Аудио:: Отаров О

Эки ойлашыб, бир сёлешген.
Акъыллы эркиши атын махтар, акъылсыз эркиши къатынын махтар.
Суу да къайтады чыкъгъан джерине.
Бал чибинни ургъаны – ачы, балы – татлы.
Башланнган иш битер, къымылдагъан тиш тюшер.
Кийимни бичсенг, кенг бич, тар этген къыйын тюлдю.
Къатын къылыкъсыз, эр тынчлыкъсыз.
Джарлы эскисин джамаса, къууаныр.
Ач отунчуну ачыуу – бурнунда.
Къатын байлыкъны сюер, эр саулукъну сюер.
Баш болса, бёрк табылыр.
Эл ауузу – элия.
Таукел тауну аудурур.
Адам боллукъ, атламындан белгили болур.
Башы джабылгъан челекге, кир тюшмез.
Тёзгеннге, джабылгъан эшик ачылыр.
Джюрекге ариу – кёзге да ариу.
Тыш элде солтан болгъандан эсе, кесинги элде олтан болгъан игиди!
Эм ашхы къайын ана мамукъ бла башынгы тешер.
Эртде тургъан бла эртде юйленнген сокъуранмаз.
Джашынгы кесинг юретмесенг, джашау юретир.
Ачлыкъда тары гырджын халыуадан татлы.
Тулпарлыкъ, билекден тюл – джюрекден.
Хоншуну тауугъу къаз кёрюнюр, келини къыз кёрюнюр.
Нёгер болсанг, тенг бол, тенг болмасанг, кенг бол.
Къуллукъчума, деб махтанма, къуллукъ – хаух джамчыды!
Элге къуллукъ этмеген, элге ие болмаз.
Онгсузну – джакъла, тенгликни – сакъла.
Акъыллы айтыр эди, акъылсыз къоймайды.
Ата Джуртун танымагъан, атасын да танымаз.
Эли джокъну – кёлю джокъ.
Тойгъандан сора, ашны сёкме.
Бёрю да ач къалмасын, эчки да ашалмасын.
Ашда – бёрю, ишде – ёлю.
Сёз сёзню айтдырыр.
Байлыкъ адамны сокъур этер.
Ашын ашагъанынгы, башын да сыйла.
Къызгъанчдан ычхыныр, мухардан ычхынмаз.
Адам сёзге тынгыла, акъыл сёзню ангыла.
Кёлю джокъну – джолу джокъ.
Къоркъакъны кёзю экили кёрюр.
Урунуу – насыбны анасы.
Чёбню кёлтюрсенг, тюбюнден сёз чыгъар.
Туз, гырджын аша, тюзлюк бла джаша.
Джашлыкъ этмеген, башлыкъ этмез.
Насыб бютеу халкъны юлюшюдю.
Болджал ишни бёрю ашар.
Кёб ант этген, кёб ётюрюк айтыр.
Байма, деб да, къууанма, джарлыма, деб да, джылама.
Билим ат болуб да чабар, къуш болуб да учар.

Логин:	Регистрация

Пароль:	Забыли пароль?

Запомнить меня

Аудио

Отаров О

Скачать

Адрес