Аудио :: Аудио:: Народные мелодии

Къарт айтханны этмеген, къартаймаз.
Кесине оноу эте билмеген, халкъына да эте билмез.
Тойгъан джерден туугъан джер игиди.
Узун джолну барсанг, бюгюн келирсе, къысха джолну барсанг, тамбла келирсе.
Билмезни кёзю кёрмез, этмезни къулагъы эшитмез.
Эки элинги тыйсанг, джети элде махталырса.
Элге къуллукъ этмеген, элге ие болмаз.
Адам сёзюнден белгили.
Эте билген, этген этеди, эте билмеген, юретген этеди!
Ашлыкъны арба юйге келтирир, чана базаргъа элтир.
Мал ёлсе, сюек къалыр, адам ёлсе, иши къалыр.
Чёбню кёлтюрсенг, тюбюнден сёз чыгъар.
Джерни букъусу кёкге къонмаз.
Бир абыннган – минг сюрюнюр.
Эл элде бирер малынг болгъандан эсе, бирер тенгинг болсун.
Сабийни джумушха джибер да, ызындан бар.
Атлыны кёрсе, джаяуну буту талыр.
Байлыкъ болгъан джерде, тынчлыкъ джокъду.
Адам сёзге тынгыла, акъыл сёзню ангыла.
Намыс сатылыб алынмайды.
Кийим тукъум сордурур.
Эл тойса, тоймагъан, эл къойса, къоймагъан.
Чабакъгъа акъыл, табагъа тюшсе келеди.
Нёгерсизни джолу узун.
Къулакъдан эсе, кёзге ышан.
Кёлю джокъну – джолу джокъ.
Эртде тургъан джылкъычыны эркек аты тай табар.
Гугук кесини атын айтыб къычыргъанча, мен, мен деб нек тураса?
Элни кючю – эмеген.
Махтаннган къыз, тойда джукълар.
Адам къыйынлыгъын кёлтюрюр, зауукълугъун кёлтюрмез.
Эл бла кёргенинг эрелей.
Орундукъ тюбюнде атылсам да, орта джиликме, де да айлан.
Чарсда алчыны эл кёреди.
Ачылгъан эт джабылыр, кёрген кёз унутмаз.
Кёл – къызбай, къол – батыр.
Алгъанда – джууукъ, бергенде – джау.
Ач къалгъандан, кеч къалгъан къолай.
Тёзген – тёш ашар!
Адам къаллай бир ишленмесе, аллай бир кесин уллу кёреди.
Экиндини кеч къылсанг, чабыб джетер ашхам.
Кёб ант этген, кёб ётюрюк айтыр.
Кийимни бичсенг, кенг бич, тар этген къыйын тюлдю.
Шайтан алдады, тюзлюк къаргъады.
Зар адам ашынгы ашар, кесинги сатар.
Джан саулукъ бермей, сан саулукъ бермезсе.
Къонагъы джокъну – шоху джокъ.
Мураты болгъанны джюрек тебюую башхады.
Билген билмегенни юретген адетди.
Сакъ юйюне сау барыр.

Логин:	Регистрация

Пароль:	Забыли пароль?

Запомнить меня

Аудио

Народные мелодии

Скачать

Адрес