Аудио :: Аудио:: Народные мелодии

Чомартны къолу берекет.
Бек ашыкъгъан меннге джетсин, дегенди аракъы.
Чомарт къонакъ юй иесин сыйлар.
Къазанчы аман болса, къазаны къайнамаз.
Бир онгсуз адам адет чыгъарды, деб эштирик тюлсе.
Этек чакъмакълары баш джаргъан, сёлешген сёзлери таш джаргъан.
Чомарт къолда мал къалмаз.
Мен да «сен», дейме, сен да «кесим», дейсе.
Къыйынлы джети элни къайгъысын этер.
Баш болса, бёрк табылыр.
Уллу сёлешме да, уллу къаб.
Джан саулукъ бермей, сан саулукъ бермезсе.
Гугурук къычырмаса да, тангны атары къалмаз.
Келинни – келгинчи, бёркню кийгинчи кёр.
Адамны бетине къарама, адетине къара.
Эл ауузу – элия.
Джети тилни билген джети кишиди.
Билим ат болуб да чабар, къуш болуб да учар.
Байлыкъ адамны сокъур этер.
Чабакъгъа акъыл, табагъа тюшсе келеди.
Тёрени джагъы джокъ.
Билим – акъылны чырагъы.
Мураты болгъанны джюрек тебюую башхады.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Билим къая тешер.
Терслик кетер, тюзлюк джетер.
Юреннген ауруу къалмаз.
Олтуруб кёрюнмей эди да, ёрге туруб кёрюне эди.
Баш – акъыл ючюн, акъылман – халкъ ючюн.
Айтхан сёзюне табылгъан.
Уллу къазанда бишген эт, чий къалмаз.
Аман адам этегингден тутса, кес да къач.
Юйюнг бла джау болгъандан эсе, элинг бла джау бол.
Зар адамны насыбы болмаз.
Джарлы тюеге минсе да, ит къабар.
Байлыкъ тауусулур, билим тауусулмаз.
Келгинчи, къонакъ уялыр, келгенден сора, къонакъбай уялыр.
Махтаннган къыз, тойда джукълар.
Ашаса, ашамаса да, бёрюню ауузу – къан.
Окъугъан озар, окъумагъан тозар.
Рысхы – сют юсюнде кёмюк кибикди.
Джылкъыдан – ат чыгъар, тукъумдан – джаш чыгъар.
Сескекли кесин билдирир.
Чалманны аллы къалай башланса, арты да алай барады.
Тилчи бир сагъатха айлыкъ хата этер.
Бичгенде ашыкъма, тикгенде ашыкъ.
Къатын къылыкъсыз, эр тынчлыкъсыз.
Адеб этмеген, адеб кёрмез.
Игилик игилик бла сингдирилиучю затды.
Тойчу джашха къарама, къойчу джашха къара.

Логин:	Регистрация

Пароль:	Забыли пароль?

Запомнить меня

Аудио

Народные мелодии

Скачать

Адрес