Аудио :: Аудио:: Козбаева А

Аджалсыз ёлюм болмаз.
Ауузу бла къуш тута айланады.
Бал – татлы, балдан да бала – татлы.
Эки къатын алгъан – эки ташны ортасына башын салгъан.
Эртде тургъан джылкъычыны эркек аты тай табар.
Нафысынгы айтханын этме, намысынгы айтханын эт.
Къоркъакъны кёзю экили кёрюр.
Ашыкъгъанны этеги бутуна чырмалыр.
Акъыллы айтыр эди, акъылсыз къоймайды.
Джюрекден джюрекге джол барды.
Айтхан – тынч, этген – къыйын.
Аякъларынгы джууургъанынга кёре узат.
Киштикге къанат битсе, чыпчыкъ къалмаз эди.
Хата – гитчеден.
Магъанасыз сёз – тауушсуз сыбызгъы.
Ханнга да келеди хариблик.
Ауурну тюбю бла, дженгилни башы бла джюрюген.
Этек чакъмакълары баш джаргъан, сёлешген сёзлери таш джаргъан.
Ана – юйню кюн джарыгъы.
Тау башында, тау болмаз, джангыз терек, бау болмаз.
От кюйдюрген, сау болса да, тот кюйдюрген, сау болмаз.
Чомартха хар кюн да байрамды.
Рысхы – насыбха къор.
Болджал ишни бёрю ашар.
Накъырданы арты керти болур.
Игиге айтсанг – билир, аманнга айтсанг – кюлюр.
Къайгъыны сюйген, къайгъы табар.
Аман эсирсе, юйюн ояр.
Бети – къучакълар, джюреги – бычакълар.
Аз сёлеш, кёб ишле.
Атлыны ашхысы, ат тизгининден билинир
Ишни ахырын ойламай, аллын башлама.
Кёлю джокъну – джолу джокъ.
Алим болгъандан эсе, адам болгъан къыйынды.
Таугъа чыгъаллыкъ эсенг, тюзде къалма.
Кёзню ачылгъаны – иги, ауузну джабылгъаны – иги.
Къыз чыгъаргъан – къызыл къымжа.
Ашхы сёз таш тешер.
Шапа кёб болса, аш татымсыз болур.
Иесиз малны бёрю ашар.
Чомарт джарлы болмаз.
Кюн кёрмеген, кюн кёрсе, кюндюз чыракъ джандырыр.
Сёз сёзню айтдырыр.
Къан бла кирген, джан бла чыгъар.
Зар адам ашынгы ашар, кесинги сатар.
Бет бетге къараса, бет да джерге къарар.
Сёз къанатсыз учар.
Ёлмесенг да, къарт дамы болмазса?
Аджашхан тёгерек айланыр.
Ариу сёз – къылычдан джити.

Логин:	Регистрация

Пароль:	Забыли пароль?

Запомнить меня

Аудио

Козбаева А

Скачать

Адрес