Аудио :: Аудио:: Козбаева А

Башы ишлегенни, ауузу да ишлер.
Рысхы – сют юсюнде кёмюк кибикди.
Къонакъ аман болса, къонакъбай джунчур
Ата Джуртуму башы болмасам да, босагъасында ташы болайым.
Ашаса, ашамаса да, бёрюню ауузу – къан.
Насыб бютеу халкъны юлюшюдю.
Таукел тауну аудурур.
Тенгни тенглиги джашай барсанг билинир.
Ашыкъгъанны этеги бутуна чырмалыр.
Сакъ юйюне сау барыр.
Ашхылыкъ джерде джатмайды, аманлыкъ суугъа батмайды.
Къыз келсе, джумуш эте келеди, къатын келсе, ушакъ эте келеди.
Алтыда кюлмеген, алтмышда кюлмез.
Тёзгеннге, джабылгъан эшик ачылыр.
Тас болгъан бычакъны сабы – алтын.
Джиби бир къат джетмей эди да, эки къат тарта эди.
Башы джабылгъан челекге, кир тюшмез.
Эр сокъур болсун, къатын тилсиз болсун.
Акъылсызны джууукъгъа алма, акъыллыны кенгнге салма.
Джумушакъ терекни къурт ашар.
Битмегеннге сакъал – танг.
Къыйынлы джети элни къайгъысын этер.
Джырына кёре эжиую.
Уллу атлама – абынырса, уллу къабма – къарылырса.
Сагъыш – къартлыкъгъа сюйюмчю.
Кёбню кёрген – кёб билир.
Адамны сабийин сюйген джюреги, бычакъча, джитиди.
Намысы болмагъанны, сыйы болмаз.
Башсыз урчукъ тюзюне айланмаз.
Адебни адебсизден юрен.
Эртде тургъан бла эртде юйленнген сокъуранмаз.
Тамырсыз терекге таянма – джыгъылырса.
Къаллай салам берсенг, аллай джууаб алырса.
Хоншуну тауугъу къаз кёрюнюр, келини къыз кёрюнюр.
Артына баргъанны, къатына барма.
Джарлы джети элни сёзюн этер.
Байлыкъ адамны сокъур этер.
Айырылгъанланы айю ашар, бёлюннгенлени бёрю ашар.
Къонакъ хазыр болгъанлыкъгъа, къонакъбай хазыр тюлдю.
Джаш болсун, къыз болсун, акъылы, саны тюз болсун.
Дуния малгъа сатылма, кесингден телиге къатылма.
Ёлген эшек бёрюден къоркъмайды.
Тилде сюек болмаса да, сюек сындырыр.
Халкъны юйю – туугъан джери.
От этилмеген джерден тютюн чыкъмайды.
Сабийни джумушха джибер да, ызындан бар.
Ойнаб айтсанг да, эслеб айт.
Юй ишлеген балта эшикде къалыр.
Тюзню ётмеги тюзде къалса да, тас болмаз.
Билимли ёлмез, билимсиз кёрмез.

Логин:	Регистрация

Пароль:	Забыли пароль?

Запомнить меня

Аудио

Козбаева А

Скачать

Адрес