Аудио :: Аудио:: Карачаева А

Билеги кючлю, бирни джыгъар, билими кючлю, мингни джыгъар.
Адебни адебсизден юрен.
Мени джылытмагъан кюн, меннге тиймесин!
Баш болса, бёрк табылыр.
Тамырсыз терекге таянма – джыгъылырса.
«Ёгюз, джаргъа джууукъ барма, меннге джюк боллукъса», - дегенди эшек.
Мал тутхан – май джалар.
Мухардан ач ычхынмаз.
Илму – джашауну джолу.
Билим – акъылны чырагъы.
Джырчы джырчыгъа – къарнаш.
Шекер бла туз – бир болмаз, ушамагъан – юй болмаз.
Эртде тургъан бла эртде юйленнген сокъуранмаз.
Башы ишлегенни, ауузу да ишлер.
Къарнынг къанлынга кийирир.
Хазыр ашха – терен къашыкъ.
Эринчекни аурууу – кёб.
Байлыкъ келсе, акъыл кетер.
Тау башында, тау болмаз, джангыз терек, бау болмаз.
Иесиз малны бёрю ашар.
Билимден уллу байлыкъ джокъду.
Юй ишлеген балта эшикде къалыр.
Чомартны къолу берекет.
Келинин тута билмеген, къул этер, къызын тута билмеген, тул этер.
Джарлыны эшигин махтагъан джабар.
Биреуню эскиси биреуге джангы болмайды.
Ётюрюкден тюбю джокъ, кёлтюрюрге джиби джокъ.
Ишлегенде эринме, ишде чолакъ кёрюнме.
Келлик заман – къартлыкъ келтирир, кетген заман – джашлыкъ ёлтюрюр.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Агъач – джерни чырайы, кийим – эрни чырайы.
Ойнай-ойнай кёз чыгъар.
Бети бедерден, намыс сакълама.
Къайгъы тюбю – тенгиз.
Сагъышы джокъ – джукъучу, акъылы джокъ – къаугъачы.
Гугук кесини атын айтыб къычыргъанча, мен, мен деб нек тураса?
Байны оноуу, джарлыгъа джарамаз.
Мен да «сен», дейме, сен да «кесим», дейсе.
Уллу къазанда бишген эт, чий къалмаз.
Айранын берсенг, челегин да къызгъанма.
Аш кетер да бет къалыр.
Ёксюзню къалачы уллу кёрюнюр.
Тилчи тилден къаныкъмаз.
Билим ат болуб да чабар, къуш болуб да учар.
Чабар ат – джетген къыз.
Таула не мийик болсала да, аууш табылыр.
Къайтырыкъ эшигинги, къаты уруб чыкъма.
Тёрде – темир таякълы, къаяда – чыпчыкъ аякълы.
Ашхылыкъ джерде джатмайды, аманлыкъ суугъа батмайды.
Сёз садакъдан кючлюдю.

Логин:	Регистрация

Пароль:	Забыли пароль?

Запомнить меня

Аудио

Карачаева А

Скачать

Адрес