Песен: 3 Создан:
06.05.2015 Обновлен:
06.05.2015
| 19 Февраля | 2019 года |
Навигация
- Ишленмеклик адамлыкъды.
- Кёрмегеннге кебек – танг, битмегеннге сакъал – танг.
- Чакъырылмагъан джерге барма, чакъырылгъан джерден къалма.
- Мал ёлсе, сюек къалыр, адам ёлсе, иши къалыр.
- Бал ашаргъа сюе эсенг, чибин ургъаннга тёз.
- Уруну арты – къуру.
- Ётюрюкден тюбю джокъ, кёлтюрюрге джиби джокъ.
- Айран ичген – къутулду, джугъусун джалагъан – тутулду.
- Билим – акъылны чырагъы.
- Джылыгъа джылан илешир.
- Окъуусуз билим – джокъ, билимсиз кюнюнг – джокъ.
- Байлыкъ болгъан джерде, тынчлыкъ джокъду.
- Кёбню кёрген – кёб билир.
- Ётюрюкню башын керти кесер.
- Ачлыкъ отха секиртир.
- Уллу къазанда бишген эт, чий къалмаз.
- Къонакъ кёб келюучю юйню, къазаны отдан тюшмез.
- Къулакъдан эсе, кёзге ышан.
- Ачны эсинде – аш.
- Душманны тышы – акъ, ичи – къара.
- Таякъ этден ётер, тил сюекден ётер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кюн кёрмеген, кюн кёрсе, кюндюз чыракъ джандырыр.
- Эски джаугъа ышанма.
- Махтаннган къыз, тойда джукълар.
- Рысхысына кёре, джаш ёсер, къышлыгъына кёре, мал ёсер.
- «Ёгюз, джаргъа джууукъ барма, меннге джюк боллукъса», - дегенди эшек.
- Тёгюлген тюгел джыйылмайды.
- Билеги кючлю, бирни джыгъар, билими кючлю, мингни джыгъар.
- Хар сёзню орну барды.
- Къонагъынгы артмагъын алма да, алгъышын ал.
- Джол бла сёзню къыйыры джокъ.
- Ким бла джюрюсенг, аны кёзю бла кёрюнюрсе.
- Джуртун къоругъан озар.
- Кюлме джашха – келир башха.
- Къызны минг тилер, бир алыр.
- Къонакъ аз олтурур, кёб сынар.
- Мал тутхан – май джалар.
- Узун джолну барсанг, бюгюн келирсе, къысха джолну барсанг, тамбла келирсе.
- Чакъырылмагъан къонакъ тёрге атламаз.
- От этилмеген джерден тютюн чыкъмайды.
- Байлыкъ тауусулур, билим тауусулмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ашлыкъ – бюртюкден, джюн – тюкден.
- Босагъагъа джууукъ орун болса, ашыгъыб тёрге озма.
- Туз, гырджын аша, тюзлюк бла джаша.
- Ишни ахырын ойламай, аллын башлама.
- Къонагъы джокъну – шоху джокъ.
- Къарт айтханны этмеген, къартаймаз.
- Тойчу джашха къарама, къойчу джашха къара.
Фонд содействия развитию карачаево-балкарской молодежи «Эльбрусоид»
© 2003-2019 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
