Песен: 9 Создан:
06.05.2015 Обновлен:
06.05.2015
| 17 Июля | 2019 года |
Навигация
- Эр сокъур болсун, къатын тилсиз болсун.
- Ёзденликни кёбю ётюрюк.
- Джетген къыз джерли эшекни танымаз.
- Тулпарлыкъ, билекден тюл – джюрекден.
- Ишин билген, аны сыйын чыгъарады.
- Айран тёгюлсе, джугъусу къалыр.
- Чомарт къонакъ юй иесин сыйлар.
- Булут кёкге джарашыу, уят бетге джарашыу.
- Таш ата билмеген, башына урур.
- Ким бла джюрюсенг, аны кёзю бла кёрюнюрсе.
- Чакъырылмагъан къонакъ къачан кетерин сормаз.
- Аджалсыз ёлюм болмаз.
- Иги болса, тамадама – махтау, аман болса, меннге – айыб.
- Ач уят къоймаз.
- Азыгъы аз, алгъа къабар, аты аман, алгъа чабар.
- Тилчиден кери бол.
- Джан саулукъ бермей, сан саулукъ бермезсе.
- Мени джылытмагъан кюн, меннге тиймесин!
- Бастасын ашагъан, хантусун да ичер.
- Акъыл бла адеб эгизледиле.
- Окъдан джара эртде-кеч болса да бителир, сёз джара, ёмюрге къалыр.
- Киштикге къанат битсе, чыпчыкъ къалмаз эди.
- Къартны бурнун сюрт да, оноугъа тут.
- Байдан умут эте, джарлыдан ёгюз багъасы къорады.
- Арба аугъандан сора, джол кёргюзтюучю кёб болур.
- Таула не мийик болсала да, аууш табылыр.
- Иги – алгъыш этер, аман – къаргъыш этер.
- Тил – кесген бычакъ, сёз – атылгъан окъ.
- Эшекни не къадар тюйсенг да, ат болмаз.
- Къаллай салам берсенг, аллай джууаб алырса.
- Къарын къуру болса, джюрек уру болур.
- Ётюрюк хапар аякъ тюбю бла джюрюйдю.
- Аз сёлеш, кёб ишле.
- Акъыллы башны – тили къысха.
- Кирсизни – саны таза, халалны – къаны таза.
- Тамчы таш тешер.
- Ауругъанны сау билмез, ач къарынны токъ билмез.
- Ат басханны джер билед.
- Адамны джюреги нени кёрюрге сюйсе, кёзю да аны кёрюрге ёч болады.
- Ариу сёз джыланны орнундан чыгъарыр.
- Иги адамны бир сёзю эки болмаз.
- Ёлген ийнек сютлю болур.
- Эркишиге тары кебек танг кёрюнюр.
- Таукел къуру къалмаз.
- Зар адамны насыбы болмаз.
- Уруну арты – къуру.
- Аш кетер да бет къалыр.
- Терслик кетер, тюзлюк джетер.
- Джаханимни кёрмей, джандетге кёл салмазса.
- Эки ойлашыб, бир сёлешген.
Фонд содействия развитию карачаево-балкарской молодежи «Эльбрусоид»
© 2003-2019 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
