Песен: 6 Создан:
06.05.2015 Обновлен:
06.05.2015
| 25 Апреля | 2024 года |
Навигация
- Кёл – къызбай, къол – батыр.
- Бозаны арты дауур болур.
- Адамны сыфатына къарама, сёзюне къара.
- Кёзю сокъурдан – къоркъма, кёлю сокъурдан – къоркъ.
- Ач да бол, токъ да бол – намысынга бек бол.
- Джюрекге ариу – кёзге да ариу.
- Алтыда кюлмеген, алтмышда кюлмез.
- Тыш элде солтан болгъандан эсе, кесинги элде олтан болгъан игиди!
- Итли къонакъ джарашмаз.
- Къулакъдан эсе, кёзге ышан.
- Ашхылыкъ джерде джатмайды, аманлыкъ суугъа батмайды.
- Намысы болмагъанны, сыйы болмаз.
- Бёрю да ач къалмасын, эчки да ашалмасын.
- Башланнган иш битер, къымылдагъан тиш тюшер.
- Этим кетсе да, сюегим къалыр.
- Ёмюрлюк шохлукъну джел элтмез.
- Ашхы – джыяр, аман – джояр.
- Кийимни бир кюнню аясанг, минг кюннге джарар.
- Чабакъ башындан чирийди.
- Къан бла кирген, джан бла чыгъар.
- Къонагъы джокъну – шоху джокъ.
- Къарт бла баш аша, джаш бла аякъ аша.
- Айтхан – тынч, этген – къыйын.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къатын къылыкъсыз, эр тынчлыкъсыз.
- Аманнга игилик этсенг, юйюнге сау бармазса.
- Кюл тюбюндеги от кёрюнмейди.
- Ариу сёз – къылычдан джити.
- Чакъырылмай келген къонакъ сыйланмай кетер.
- Шайтан алдады, тюзлюк къаргъады.
- Ариу сёз аурууунгу алыр.
- Адамны аты башхача, акъылы да башхады.
- Ариу сёз – джаннга азыкъ, аман сёз – башха къазыкъ.
- Ашда – бёрю, ишде – ёлю.
- Къуру гыбыт бек дыгъырдар.
- Насыб бютеу халкъны юлюшюдю.
- Акъыллы эркиши атын махтар, акъылсыз эркиши къатынын махтар.
- Игилик игилик бла сингдирилиучю затды.
- Урунуу – насыбны анасы.
- Мухардан ач ычхынмаз.
- Ач – эснер, ат – кишнер.
- Ишлегенде эринме, ишде чолакъ кёрюнме.
- Къазанда болса, чолпугъа чыгъар.
- Аууздан келген, къолдан келсе, ким да патчах болур эди.
- Aдам боллукъ, сыфатындан белгили.
- Ата джурт – алтын бешик.
- Тил – миллетни джаны.
- Сакъламагъан затынга джолукъсанг, не бек къууанаса, не бек ачыйса.
- Аз сёлеш, кёб ишле.
- Ач бёрюге мекям джокъ.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
