Аудио :: Аудио:: Инструментальная музыка

Ач, тоймам, дейди, тойгъан, ач болмам, дейди.
Тёрени джагъы джокъ.
Адеб этмеген, адеб кёрмез.
Кирсизни – саны таза, халалны – къаны таза.
Арпа, будай – ащды, алтын, кюмюш а – ташды.
Ачыу алгъа келсе, акъыл артха къалады.
Къарыусузгъа кюлме, онгсузгъа тийме.
Къарт айтханны этмеген, къартаймаз.
Ишлегенден, къарагъан уста.
Биреуню эскиси биреуге джангы болмайды.
Босагъа таш юйге кирмей эди, тыбыр таш эшикге чыкъмай эди.
Къыз келсе, джумуш эте келеди, къатын келсе, ушакъ эте келеди.
Тилчиден кери бол.
Ач бёрюге мекям джокъ.
Рысхысына кёре, джаш ёсер, къышлыгъына кёре, мал ёсер.
Этим кетсе да, сюегим къалыр.
Ариу сёз – къылычдан джити.
Тил – кесген бычакъ, сёз – атылгъан окъ.
Кимни – тили, тиши онглу, кимни – къолу, иши онглу.
Къулакъдан эсе, кёзге ышан.
Чакъырылмагъан къонакъ – орунсуз.
Хунаны тюбюн къазсанг, юсюнге ауар.
Ургъан суудан башынгы сакъла.
Илму – джашауну джолу.
Кёкдеги болмаса, джердегин кёрмейди.
Танг атмайма десе да, кюн къоярыкъ тюйюлдю.
Мухардан ач ычхынмаз.
Мал тутхан – май джалар.
Кюл тюбюндеги от кёрюнмейди.
Хатерли къул болур.
Нёгерсизни джолу узун.
Ойнаб айтсанг да, эслеб айт.
Сагъышы джокъ – джукъучу, акъылы джокъ – къаугъачы.
Чалманны аллы къалай башланса, арты да алай барады.
Ёлюк кебинсиз къалмаз.
Ёлген эшек бёрюден къоркъмайды.
«Ма», - дегенни билмесенг, «бер», - дегенни билмезсе.
Окъугъан озар, окъумагъан тозар.
Минг тенг да азды, бир джау да кёбдю.
Билген билмегенни юретген адетди.
Борчунг бар эсе, хурджунунга ойлаб узал.
Башынга джетмегенни сорма.
Махтаннган къыз, тойда джукълар.
Ана къолу ачытмаз.
Биреуге кёлтюрген таягъынг, кесинги башынга урур.
Айранын берсенг, челегин да къызгъанма.
Ханы къызы буюгъа-буюгъа киштик болду.
Арбаз сайлама да, хоншу сайла.
Хантына кёре тузу, юйюне кёре къызы.
Ашаса, ашамаса да, бёрюню ауузу – къан.

Логин:	Регистрация

Пароль:	Забыли пароль?

Запомнить меня

Аудио

Инструментальная музыка

Скачать

Адрес