Песен: 1 Создан:
06.05.2015 Обновлен:
06.05.2015
| 25 Октября | 2021 года |
Навигация
- Тенги кёбню джау алмаз, акъылы кёбню дау алмаз.
- Азыкъ аз болса, эртде орун сал.
- Джарлыны эшигин махтагъан джабар.
- Ашыкъгъанны этеги бутуна чырмалыр.
- Бек анасы джыламаз.
- Ашхы тенг джолгъа салыр, аман тенг джолдан тайдырыр.
- Алтыда кюлмеген, алтмышда кюлмез.
- Мухар, кеси тойса да, кёзю тоймаз.
- Нёгер болсанг, тенг бол, тенг болмасанг, кенг бол.
- Намысы болмагъанны, сыйы болмаз.
- Тил джюрекге джол ишлейди.
- Къобан да къуру да къобханлай турмайды, адам да къуру да патчахлай турмайды.
- Сибиртки да сыйлы болду, кюрек да кюнлю болду.
- Ойнай билмеген, оюн бузар.
- Бети – къучакълар, джюреги – бычакълар.
- Аджашханны ызындагъы кёреди, джангылгъанны джанындагъы биледи.
- Башсыз урчукъ тюзюне айланмаз.
- Хансыз джомакъ болмаз.
- Ёксюзню тилеги къабыл болур.
- Байны оноуу, джарлыгъа джарамаз.
- Хаухну атма, ёнгкючню сатма.
- Биреуню къыйынлыгъы бла кесинге джол ишлеме.
- Къайтырыкъ эшигинги, къаты уруб чыкъма.
- Ауурну тюбю бла, дженгилни башы бла джюрюген.
- Тешигини къатында, чычхан да батыр болур.
- Игиге айтсанг – билир, аманнга айтсанг – кюлюр.
- Уллу сёзде уят джокъ.
- Сёз сёзню айтдырыр.
- Къарын къуру болса, джюрек уру болур.
- Шайтан алдады, тюзлюк къаргъады.
- Къан бла кирген, джан бла чыгъар.
- Ёзденликни джайгъан – джокълукъ.
- Ётюрюкден тюбю джокъ, кёлтюрюрге джиби джокъ.
- Азыгъы аз, алгъа къабар, аты аман, алгъа чабар.
- Къыз чыгъаргъан – къызыл къымжа.
- Кесине гебен этелмеген, биреуге черен эте эди.
- Ашлыкъны арба юйге келтирир, чана базаргъа элтир.
- Телиге акъыл салгъандан эсе, ёлгеннге джан салырса.
- Къумурсхала джыйылсала, пилни да джыгъадыла.
- Акъыл бла адеб эгизледиле.
- Хатерли къул болур.
- Эри аманны, къатыны – аман.
- Ким бла джюрюсенг, аны кёзю бла кёрюнюрсе.
- Олтуруб кёрюнмей эди да, ёрге туруб кёрюне эди.
- Онгсузну – джакъла, тенгликни – сакъла.
- Билимсиз иш бармаз.
- Къуллукъчума, деб махтанма, къуллукъ – хаух джамчыды!
- Къуру гыбыт бек дыгъырдар.
- Таукел адам тау тешер.
- Тил – миллетни джаны.
Фонд содействия развитию карачаево-балкарской молодежи «Эльбрусоид»
© 2003-2021 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
