Аудио :: Аудио:: Детские

Аз сёлеш, кёб ишле.
Кёбню кёрген – кёб билир.
Ашаса, ашамаса да, бёрюню ауузу – къан.
Ёгюзню мюйюзюнден тутадыла, адамны сёзюнден тутадыла.
Тюкюрюк баш джармаз, налат кёз чыгъармаз!
Тюз сёз баргъан сууну тыяр.
Джигер – джаннга къыйынлыкъ.
Окъдан джара эртде-кеч болса да бителир, сёз джара, ёмюрге къалыр.
Алтыда кюлмеген, алтмышда кюлмез.
Аякъларынгы джууургъанынга кёре узат.
Байлыкъ келсе, акъыл кетер.
Атлыны ашхысы, ат тизгининден билинир
Тёрдеги кюлсе, эшикдеги ышарыр.
Джумушакъ сёз къаты таякъны сындырыр.
Къазанчы аман болса, къазаны къайнамаз.
Ёксюзню тилеги къабыл болур.
Орундукъ тюбюнде атылсам да, орта джиликме, де да айлан.
Башынга джетмегенни сорма.
Билгенни къолу къарны джандырыр.
Сакъ юйюне сау барыр.
Аш хазыр болса, иш харам болур.
Джашынгы кесинг юретмесенг, джашау юретир.
Рысхы – сют юсюнде кёмюк кибикди.
Аууз сакълагъан – джан сакълар.
Ёлюр джаннга, ёкюл джокъ.
Хар сёзню орну барды.
Адеб джокъда, намыс джокъ.
Чалманны аллы къалай башланса, арты да алай барады.
Билимсиз иш бармаз.
Рысхысына кёре, джаш ёсер, къышлыгъына кёре, мал ёсер.
Чомартха хар кюн да байрамды.
Дуния аламаты сен эсенг да, игиме деб айтма.
Кёпюр салгъан кеси ётер, уру къазгъан кеси кетер.
Тойгъан джерден туугъан джер игиди.
Бал ашаргъа сюе эсенг, чибин ургъаннга тёз.
Джаханимни кёрмей, джандетге кёл салмазса.
Адебни адебсизден юрен.
Борчунг бар эсе, хурджунунга ойлаб узал.
Суу кетер, таш къалыр.
Къызбайны юйюне дери сюрсенг, батыр болур.
Босагъа таш юйге кирмей эди, тыбыр таш эшикге чыкъмай эди.
Окъуу – билимни ачхычы, окъуу – дунияны бачхычы.
Ашлыкъны арба юйге келтирир, чана базаргъа элтир.
Мухарны эси – ашарыкъда.
Таукел тауну аудурур.
Чакъырылмагъан къонакъ къачан кетерин сормаз.
Дженгил джетерикме деб, узун джолну къоюб, къысхасын барма.
Ёлген эшек бёрюден къоркъмайды.
Ариуну – ауруу кёб.
Эшекге миннген – биринчи айыб, андан джыгъылгъан – экинчи айыб.

Логин:	Регистрация

Пароль:	Забыли пароль?

Запомнить меня

Аудио

Детские

Скачать

Адрес