Аудио :: Аудио:: Детские

Айыбны суу бла джууалмазса.
Джарлыны тону джаз битер.
Гитче джилтин уллу элни джандырыр.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Туз, гырджын аша, тюзлюк бла джаша.
Къатын къылыкъсыз, эр тынчлыкъсыз.
Джигер – джаннга къыйынлыкъ.
Байма, деб да, къууанма, джарлыма, деб да, джылама.
Къарнынг бла ёч алма.
Элиб деген, элге болушур.
Сабийликде юретмесенг, уллу болса – тюзелмез.
Ёгюзню мюйюзюнден тутадыла, адамны сёзюнден тутадыла.
Таула не мийик болсала да, аууш табылыр.
Къазанны башы ачыкъ болса, итге уят керекди.
Бал чибинни ургъаны – ачы, балы – татлы.
Бир онгсуз адам адет чыгъарды, деб эштирик тюлсе.
Тамчы таш тешер.
Душманны тышы – акъ, ичи – къара.
Джан саулукъ бермей, сан саулукъ бермезсе.
Тенгни тенглиги джашай барсанг билинир.
Таякъ этден ётер, тил сюекден ётер.
Кёл – къызбай, къол – батыр.
Иги сёз – джаннга азыкъ, аман сёз башха – къазыкъ.
Тынгылагъан тынгы бузар.
Чабар ат – джетген къыз.
Адам сёзюнден белгили.
Тёрени джагъы джокъ.
Эртде тургъан джылкъычыны эркек аты тай табар.
Мухар, кеси тойса да, кёзю тоймаз.
Ач да бол, токъ да бол – намысынга бек бол.
Эркишиге тары кебек танг кёрюнюр.
Кимни – тили, тиши онглу, кимни – къолу, иши онглу.
Аджалсыз ёлюм болмаз.
Ауурну тюбю бла, дженгилни башы бла джюрюген.
Кюлме джашха – келир башха.
Джети тилни билген джети кишиди.
Артына баргъанны, къатына барма.
Ашатыргъа иш – ашхы, ишлетирге аш – ашхы.
Атадан ёксюз – бир ёксюз, анадан ёксюз – эки ёксюз.
Аманны тукъумуна къарама, игини тукъумун сорма.
Атлыны кёрсе, джаяуну буту талыр.
Билими азны – ауузунда кирит.
Аман адам этегингден тутса, кес да къач.
Сакъ юйюне сау барыр.
Кюн кёрмеген, кюн кёрсе, кюндюз чыракъ джандырыр.
Къартны бурнун сюрт да, оноугъа тут.
Рысхы – насыбха къор.
Тойгъандан сора, ашны сёкме.
Халкъны юйю – туугъан джери.
Бал – татлы, балдан да бала – татлы.

Логин:	Регистрация

Пароль:	Забыли пароль?

Запомнить меня

Аудио

Детские

Скачать

Адрес