Аудио :: Аудио:: Боташев Н

Акъыллы – эл иеси, тели – эл баласы.
Мени джылытмагъан кюн, меннге тиймесин!
Къартха ушагъан джаш – акъыллы, джашха ушагъан къарт – тели.
Кёл ашады да, кеси ашады.
Биреуню къыйынлыгъы бла кесинге джол ишлеме.
Адамны адамлыгъы къыйынлыкъда айгъакъланады.
Тау башында, тау болмаз, джангыз терек, бау болмаз.
Тойгъа алгъа да барма, тойда артха да къалма.
Къонакъ хазыр болгъанлыкъгъа, къонакъбай хазыр тюлдю.
Иши джокъну, сыйы джокъ.
Аман адамны тепсинге олтуртсанг, къызынгы тилер.
Эртде тургъан бла эртде юйленнген сокъуранмаз.
Билген билмегенни юретген адетди.
Биреуге аманлыкъ этиб, кесинге игилик табмазса.
Джюрек кёзден алгъа кёрюр.
Ариу сёз аурууунгу алыр.
Акъыллы эркиши атын махтар, акъылсыз эркиши къатынын махтар.
Аман къатын сабий табса, бий болур…
Айныгъанлы алты кюн, тогъайгъанлы тогъуз кюн.
Сибиртки да сыйлы болду, кюрек да кюнлю болду.
Баланы адам этген анады.
Къар – келтирди, суу – элтди.
Юйлю уругъа ит чабмаз.
Къазанчы аман болса, къазаны къайнамаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Тулпарлыкъ, билекден тюл – джюрекден.
Намыс болмагъан джерде, насыб болмаз.
Ауузу бла къуш тута айланады.
Аш иеси бла татлыды.
Бек ашыкъгъан меннге джетсин, дегенди аракъы.
Джаным-тиним – окъуу, билим.
Азыгъы аз, алгъа къабар, аты аман, алгъа чабар.
Кеси юйюмде мен да ханма.
Иги бла джюрюсенг, джетерсе муратынга, аман бла джюрюсенг, къалырса уятха.
Ашда уялгъан – мухар, ишде уялгъан – хомух.
Халкъны джырын джырласанг, халкъ санга эжиу этер.
Джыйырма къойну юч джыйырма эбзе кюте эди.
Асхат ашлыкъ сата, юйдегиси ачдан къата.
Бастасын ашагъан, хантусун да ичер.
Уруну арты – къуру.
Тили узунну, намысы – къысха.
Ёксюзню къалачы уллу кёрюнюр.
Ашхы сёз таш тешер.
Къуру гыбыт бек дыгъырдар.
Кёзню ачылгъаны – иги, ауузну джабылгъаны – иги.
Мадар болса, къадар болур.
Эки итни арасына сюек атма, эки адамны арасында сёз чыгъарма.
Аманны къуугъан, аманлыкъ табар.
Ата Джуртуму башы болмасам да, босагъасында ташы болайым.
Тойгъандан сора, ашны сёкме.

Логин:	Регистрация

Пароль:	Забыли пароль?

Запомнить меня

Аудио

Боташев Н

Скачать

Адрес