Аудио :: Аудио:: Боташев Н

Таукел къуру къалмаз.
Сакъ юйюне сау барыр.
Иги адамны бир сёзю эки болмаз.
Ариу сёз джыланны орнундан чыгъарыр.
Джан саулукъ бермей, сан саулукъ бермезсе.
Тамырсыз терекге таянма – джыгъылырса.
Ёзденликни кёбю ётюрюк.
Мураты болгъанны джюрек тебюую башхады.
Къонагъы джокъну – шоху джокъ.
Джарлыны эшигин махтагъан джабар.
Тас болгъан бычакъны сабы – алтын.
Къыйынлы джети элни къайгъысын этер.
Юй кюйдю да, кюйюз чыкъды, ортасындан тюйюш чыкъды.
Суу ичген шауданынга тюкюрме.
Илму – джашауну джолу.
Джиби бир къат джетмей эди да, эки къат тарта эди.
Билген билмегенни юретген адетди.
Бюгюн дуния кибик, тамбла ахыратды.
Билими азны – ауузунда кирит.
Къалгъан ишге къар джауар.
Джукъу тёшек сайламайды.
Ишлерге уял да, ашаргъа табма.
Эл ауузу – элек, анга ийнаннган – халек.
Кесине гебен этелмеген, биреуге черен эте эди.
Аманнга алтын чыдамаз.
Адам боллукъ, атламындан белгили болур.
Джашынгы кесинг юретмесенг, джашау юретир.
Джашда акъыл джокъ, къартда къарыу джокъ.
Ашатыргъа иш – ашхы, ишлетирге аш – ашхы.
Шекер бла туз – бир болмаз, ушамагъан – юй болмаз.
Акъылсызны джууукъгъа алма, акъыллыны кенгнге салма.
Джаралыны джастыгъында сау ёлюр.
Эри аманны, къатыны – аман.
Башда акъыл болмаса, эки аякъгъа кюч джетер.
Тилчиден кери бол.
Азыгъы аз, алгъа къабар, аты аман, алгъа чабар.
Аман адам элни бир-бирине джау этер.
Тура эдим джата, къайдан чыкъды хата?
Бёрю да ач къалмасын, эчки да ашалмасын.
Аз сёлеш, кёб ишле.
Байдан умут эте, джарлыдан ёгюз багъасы къорады.
Кёбге таш атма.
Арпа, будай – ащды, алтын, кюмюш а – ташды.
Сютден ауузу кюйген, суугъа юфгюре эди.
Кёкдеги болмаса, джердегин кёрмейди.
Ашхы болсанг, атынг чыгъар, аман болсанг, джанынг чыгъар.
Аш берме да, къаш бер.
Джеринден айырылгъан – джети джылар, джуртундан айырылгъан – ёлгюнчю джылар.
Тик ёргени, тик энгишгеси да болады.
Ат басханны джер билед.

Логин:	Регистрация

Пароль:	Забыли пароль?

Запомнить меня

Аудио

Боташев Н

Скачать

Адрес