Расширенный поиск
24 Мая  2022 года
Логин: Регистрация
Пароль: Забыли пароль?
  • Ёлген ийнек сютлю болур.
  • Ойнай билмеген, оюн бузар.
  • Кёлсюзден сёзсюз тууар.
  • Эртде тургъан бла эртде юйленнген сокъуранмаз.
  • Къозулугъунда тоймагъан, къойлугъунда тоймаз.
  • Бал ашаргъа сюе эсенг, чибин ургъаннга тёз.
  • Эки къатын алгъанны къулагъы тынгнгаймаз.
  • Баш болса, бёрк табылыр.
  • Къыйынлы джети элни къайгъысын этер.
  • Биреуню къыйынлыгъы бла кесинге джол ишлеме.
  • Суугъа – таянма, джаугъа – ийнанма.
  • Агъач – джерни чырайы, кийим – эрни чырайы.
  • Ашда уялгъан – мухар, ишде уялгъан – хомух.
  • Эртде тургъан джылкъычыны эркек аты тай табар.
  • Кёкдеги болмаса, джердегин кёрмейди.
  • Мухардан ач ычхынмаз.
  • Кюн кёрмеген, кюн кёрсе, кюндюз чыракъ джандырыр.
  • Ойнай билмеген, уруб къачар.
  • Келлик заман – къартлыкъ келтирир, кетген заман – джашлыкъ ёлтюрюр.
  • Бети къызарыучу адамны, джюреги харам болмаз.
  • Ариу сёз джыланны орнундан чыгъарыр.
  • Къууут – джелге, берне – бошха.
  • Аман киши кеси юйюнде – къонакъ.
  • Алма терегинден кери кетмез.
  • Ауругъан – джашаудан умутчу.
  • Кеси юйюмде мен да ханма.
  • Къызгъанчдан ычхыныр, мухардан ычхынмаз.
  • Сибиртки да сыйлы болду, кюрек да кюнлю болду.
  • Башы ишлегенни, ауузу да ишлер.
  • Сакъалы текени да бар, мыйыгъы киштикни да бар.
  • Душманны тышы – акъ, ичи – къара.
  • Адамны артындан къара сабан сюрме.
  • Ёгюзню мюйюзюнден тутадыла, адамны сёзюнден тутадыла.
  • Аякъларынгы джууургъанынга кёре узат.
  • Ишлемеген – тишлемез.
  • Тойгъан антын унутур.
  • Джаш болсун, къыз болсун, акъылы, саны тюз болсун.
  • Накъырданы арты керти болур.
  • Таукел адам тау тешер.
  • Бойнуму джети джерден кессенг да, мен ол ишни этеллик тюлме.
  • Джетген къыз джерли эшекни танымаз.
  • Чакъырылмай келген къонакъ сыйланмай кетер.
  • Тили узунну, намысы – къысха.
  • Джырына кёре эжиую.
  • Ана къойну – балагъа джандет.
  • Тай асырагъан, атха минер.
  • Аман хансны – урлугъу кёб.
  • Юреннген ауруу къалмаз.
  • Арпа, будай – ащды, алтын, кюмюш а – ташды.
  • Мал ёлсе, сюек къалыр, адам ёлсе, иши къалыр.

Батчаев У

Файлов: 2

Обновлен: 06.02.2012

 

Песен: 2 Создан: 06.05.2015 Обновлен: 06.05.2015
  • Зарегистрируйтесь чтобы пользоваться плейлистом.