Песен: 2 Создан:
06.05.2015 Обновлен:
06.05.2015
| 24 Июля | 2019 года |
Навигация
- Бичгенде ашыкъма, тикгенде ашыкъ.
- Элде адам къалмаса, ит тахтагъа минер.
- Ач – эснер, ат – кишнер.
- Къартны сыйын кёрмеген, къартлыгъында сыйлы болмаз.
- Чакъырылмагъан къонакъ тёрге атламаз.
- Эм ашхы къайын ана мамукъ бла башынгы тешер.
- Тилчи бир сагъатха айлыкъ хата этер.
- Билимли ёлмез, билимсиз кёрмез.
- Бёрю да ач къалмасын, эчки да ашалмасын.
- Ичимден чыкъды хата, къайры барайым сата?
- Накъырданы арты керти болур.
- Ач бёрюге мекям джокъ.
- Хата – гитчеден.
- Иги сёз – джаннга азыкъ, аман сёз башха – къазыкъ.
- Ач уят къоймаз.
- Туз, гырджын аша, тюзлюк бла джаша.
- Джигер – джаннга къыйынлыкъ.
- Ашхылыкъ джерде джатмайды, аманлыкъ суугъа батмайды.
- Кёлсюзден сёзсюз тууар.
- Ашаса, ашамаса да, бёрюню ауузу – къан.
- Айтхан – тынч, этген – къыйын.
- Биреуню тёрюнден, кесинги эшик артынг игиди.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Бир абыннган – минг сюрюнюр.
- Эки элинги тыйсанг, джети элде махталырса.
- Мал ёлсе, сюек къалыр, адам ёлсе, иши къалыр.
- Телини эшигин, махтау джабар.
- Ач, тоймам, дейди, тойгъан, ач болмам, дейди.
- Аз сёлешген, къайгъысыз турур.
- Аш иеси бла татлыды.
- Сагъыш – къартлыкъгъа сюйюмчю.
- Акъыл неден да кючлюдю.
- Къазанда болса, чолпугъа чыгъар.
- Къаллай салам берсенг, аллай джууаб алырса.
- Адам сёзюнден белгили.
- Къумурсхала джыйылсала, пилни да джыгъадыла.
- Иги джашны ышаны – аз сёлешиб, кёб тынгылар.
- Къайгъы тюбю – тенгиз.
- Сыфатында болмагъаны, суратында болмаз.
- Аман эсирсе, юйюн ояр.
- Бети – къучакълар, джюреги – бычакълар.
- Тойгъа барсанг, тоюб бар, эски тонунгу къоюб бар.
- Къуру гыбыт бек дыгъырдар.
- Ашына кёре табагъы, балына кёре къалагъы.
- Ана – юйню кюн джарыгъы.
- Чоюнну башы ачыкъ болса, итге уят керекди.
- Эринчекни аурууу – кёб.
- Керек ташны ауурлугъу джокъ.
- Айтылгъан буйрукъ, сёгюлмез
- Айтхан сёзюне табылгъан.
Фонд содействия развитию карачаево-балкарской молодежи «Эльбрусоид»
© 2003-2019 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
