Аудио :: Аудио:: Бапинаев З

Узун джолну барсанг, бюгюн келирсе, къысха джолну барсанг, тамбла келирсе.
Адеб джокъда, намыс джокъ.
Бастасын ашагъан, хантусун да ичер.
Аууз сакълагъан – джан сакълар.
Къар – келтирди, суу – элтди.
Накъырданы арты керти болур.
Иги сёз – джаннга азыкъ, аман сёз башха – къазыкъ.
Къазанда болса, чолпугъа чыгъар.
Намыс болмагъан джерде, насыб болмаз.
Ашхы атаны – джашы ашхы, ашхы ананы – къызы ашхы.
Адам сёзге тынгыла, акъыл сёзню ангыла.
Нафысынгы айтханын этме, намысынгы айтханын эт.
Джангыз торгъай джырламаз.
Сабий болмагъан джерде, мёлек болмаз.
Намыс сатылыб алынмайды.
Алтыда кюлмеген, алтмышда кюлмез.
Гугук кесини атын айтыб къычыргъанча, мен, мен деб нек тураса?
Ичимден чыкъды хата, къайры барайым сата?
Джюрек кёзден алгъа кёрюр.
Ат да турмайды бир териде.
Сабыр джетер муратха, сабырсыз къалыр уятха.
Адеб базарда сатылмаз.
Эри аманны, къатыны – аман.
Эртде тургъан бла эртде юйленнген сокъуранмаз.
Билген билмегенни юретген адетди.
Илму – джашауну джолу.
Экеулен сёлеше тура эселе, орталарына барыб кирме.
Ач отунчуну ачыуу – бурнунда.
Биреуню эскиси биреуге джангы болмайды.
Ойнай билмеген, оюн бузар.
Тилчи тилден къаныкъмаз.
Эки ойлашыб, бир сёлешген.
Билимли ёлмез, билимсиз кёрмез.
Этим кетсе да, сюегим къалыр.
Уллу айтханны этмеген – уллаймаз.
Босагъа таш юйге кирмей эди, тыбыр таш эшикге чыкъмай эди.
Адамны сыфатына къарама, сёзюне къара.
Байны къызы баймакъ болса да, юйде къалмаз!
Тойчу джашха къарама, къойчу джашха къара.
Шекер бла туз – бир болмаз, ушамагъан – юй болмаз.
Мен да «сен», дейме, сен да «кесим», дейсе.
Эм ашхы къайын ана мамукъ бла башынгы тешер.
Айтханы чапыракъдан ётмеген.
Тойгъанлыкъ къойгъа джарашады.
Джыланны къуйругъундан басарынг келсе, аны башы болгъанын унутма.
Джылкъыдан – ат чыгъар, тукъумдан – джаш чыгъар.
Сескекли кесин билдирир.
Ёксюзню къалачы уллу кёрюнюр.
Аджал соруб келмез, келсе, къайтыб кетмез.
Адам сёзюнден белгили.

Логин:	Регистрация

Пароль:	Забыли пароль?

Запомнить меня

Аудио

Бапинаев З

Скачать

Адрес