Аудио :: Аудио:: Бапинаев З

Рысхы джалгъанды: келген да этер, кетген да этер.
Халкъгъа джарагъан, джарлы къалмаз.
Аман къатын алгъан, арыр, иги къатын алгъан джарыр.
Кенгеш болса, уруш болмаз.
Къонакъ аман болса, къонакъбай джунчур
Акъыл бла адеб эгизледиле.
Биреуню къыйынлыгъы бла кесинге джол ишлеме.
Билгенни къолу къарны джандырыр.
Ата Джуртун танымагъан, атасын да танымаз.
Адебни адебсизден юрен.
Адам боллукъ, атламындан белгили болур.
Бал чибинни ургъаны – ачы, балы – татлы.
Къатыны харакетли болса, эри къымсыз болур.
Къыйынлы джети элге оноу этер.
Сормай – алма, чакъырылмай – барма.
Мухар, кеси тойса да, кёзю тоймаз.
Гугук кесини атын айтыб къычыргъанча, мен, мен деб нек тураса?
Ёлюр джаннга, ёкюл джокъ.
Баланы адам этген анады.
Тил – миллетни джаны.
Эки къатын алгъанны къулагъы тынгнгаймаз.
Кийиминг бла танылма, адамлыкъ бла таныл.
Аш кетер да бет къалыр.
Хатерли къул болур.
Ёмюрлюк шохлукъну джел элтмез.
Бир абыннган – минг сюрюнюр.
Бети – къучакълар, джюреги – бычакълар.
Тай асырагъан, атха минер.
Тюзню ётмеги тюзде къалса да, тас болмаз.
Таукелге нюр джауар.
Чалманны аллы къалай башланса, арты да алай барады.
Джаханимни кёрмей, джандетге кёл салмазса.
Биреу къой излей, биреу той излей.
Адамны сабийин сюйген джюреги, бычакъча, джитиди.
Къонагъынгы артмагъын алма да, алгъышын ал.
Ашлыкъ – бюртюкден, джюн – тюкден.
Джумушакъ терекни къурт ашар.
Къозулугъунда тоймагъан, къойлугъунда тоймаз.
Чакъырылмагъан къонакъ къачан кетерин сормаз.
Хар адамгъа кеси миннген тау кибик.
Къан бла кирген, джан бла чыгъар.
Хазыр ашха – терен къашыкъ.
Джаралыны джастыгъында сау ёлюр.
Айтханы чапыракъдан ётмеген.
Чомартха хар кюн да байрамды.
Ауузу бла къуш тута айланады.
Уллу къазанда бишген эт, чий къалмаз.
Сёз – кюмюш, джыр – алтын.
Урама да – ёледи, сатама да – келеди.
Босагъагъа джууукъ орун болса, ашыгъыб тёрге озма.

Логин:	Регистрация

Пароль:	Забыли пароль?

Запомнить меня

Аудио

Бапинаев З

Скачать

Адрес