Аудио :: Аудио:: Байчеккуев А

Игиге айтсанг – билир, аманнга айтсанг – кюлюр.
Къартны сыйын кёрмеген, къартлыгъында сыйлы болмаз.
Джауумдан сора, кюн кюйдюрюр, ётюрюкден сора, айыб кюйдюрюр.
Дуния малгъа сатылма, кесингден телиге къатылма.
Адеб базарда сатылмаз.
Арба аугъандан сора, джол кёргюзтюучю кёб болур.
Джиби бир къат джетмей эди да, эки къат тарта эди.
Къоркъакъны кёзю экили кёрюр.
Билмейме деген – бир сёз
Ауругъанны сау билмез, ач къарынны токъ билмез.
Иги сеники эсе да, сюйген кесимикин этеме.
Атлыны кёрсе, джаяуну буту талыр.
Джангыз торгъай джырламаз.
Аман къатын сабий табса, бий болур…
Юйлю уругъа ит чабмаз.
Аман эсирсе, юйюн ояр.
Мал ёлсе, сюек къалыр, адам ёлсе, иши къалыр.
Кесине гебен этелмеген, биреуге черен эте эди.
Телиге от эт десенг, юйюнге от салыр.
Алтыннга тот къонмаз.
Къалгъан ишге къар джауар.
Халкъгъа джарагъан, джарлы къалмаз.
Сибиртки да сыйлы болду, кюрек да кюнлю болду.
Борчунг бар эсе, хурджунунга ойлаб узал.
Ханы къызы буюгъа-буюгъа киштик болду.
Юйюнгден чыкъдынг – кюнюнгден чыкъдынг.
Тойгъан антын унутур.
Нёгер болсанг, тенг бол, тенг болмасанг, кенг бол.
Акъылсызны джууукъгъа алма, акъыллыны кенгнге салма.
Аман адам этегингден тутса, кес да къач.
Келлик заман – къартлыкъ келтирир, кетген заман – джашлыкъ ёлтюрюр.
Кютгени беш эчки, сызгъыргъаны уа, джерни джарады.
Ойнай билмеген, уруб къачар.
Сангырау къулакъ эл бузар.
Кёпюр салгъан кеси ётер, уру къазгъан кеси кетер.
Сабий болмагъан джерде, мёлек болмаз.
Ач уят къоймаз.
Келгинчи, къонакъ уялыр, келгенден сора, къонакъбай уялыр.
Акъыл аздырмаз, билим тоздурмаз.
Ат басханны джер билед.
Акъдан къара болмаз.
Аш иеси бла татлыды.
Таякъ этден ётер, тил сюекден ётер.
Къайтырыкъ эшигинги, къаты уруб чыкъма.
Адам сёзге тынгыла, акъыл сёзню ангыла.
Уллу айтханны этмеген – уллаймаз.
Джаханимни кёрмей, джандетге кёл салмазса.
Гугук кесини атын айтыб къычыргъанча, мен, мен деб нек тураса?
Ишни аллы бла къууанма да, арты бла къууан.
Джашны джигитлиги сорулур, къызны джигерлиги сорулур.

Логин:	Регистрация

Пароль:	Забыли пароль?

Запомнить меня

Аудио

Байчеккуев А

Скачать

Адрес