Аудио :: Аудио:: Байчеккуев А

Арба аугъандан сора, джол кёргюзтюучю кёб болур.
Ауругъан – джашаудан умутчу.
Аллахха ийнаннган кишини, Аллах онгдурур ишин.
Ёксюзню тилеги къабыл болур.
Билими азны – ауузунда кирит.
Кёзден кетген, кёлден да кетеди.
Башланнган иш битер, къымылдагъан тиш тюшер.
Къанны къан бла джуума, аманны аман бла къуума.
Агъач – джерни чырайы, кийим – эрни чырайы.
Ачылгъан эт джабылыр, кёрген кёз унутмаз.
Тиширыусуз юй – отсуз от джагъа.
Эри аманны, къатыны – аман.
Сормай – алма, чакъырылмай – барма.
Джиби бир къат джетмей эди да, эки къат тарта эди.
Ашха уста, юйюнде болсун
Байма, деб да, къууанма, джарлыма, деб да, джылама.
Джарлыны эшигин махтагъан джабар.
Тойну къарнашы – харс, джырны къарнашы – эжиу.
Айтхан – тынч, этген – къыйын.
«Ёгюз, джаргъа джууукъ барма, меннге джюк боллукъса», - дегенди эшек.
Аман къатын сабий табса, бий болур…
Мал кёб болса, джууукъ кёб болур.
Тойгъан антын унутур.
Тешигини къатында, чычхан да батыр болур.
Ишлегенде эринме, ишде чолакъ кёрюнме.
Бастасын ашагъан, хантусун да ичер.
Юре билмеген ит, къонакъ келтирир.
Къонакъ хазыр болгъанлыкъгъа, къонакъбай хазыр тюлдю.
Аманны къуугъан, аманлыкъ табар.
Махтаннган къыз, тойда джукълар.
Джыланны къуйругъундан басарынг келсе, аны башы болгъанын унутма.
Этни бети бла шорпасы.
Джукъу тёшек сайламайды.
Къыз тиширыу кеси юйюнде да къонакъды.
Айтылгъан сёз ызына къайтмаз.
Бойнуму джети джерден кессенг да, мен ол ишни этеллик тюлме.
Керилген да, ургъан кибикди.
Келинни – келгинчи, бёркню кийгинчи кёр.
Адам боллукъ, атламындан белгили болур.
Адамгъа аман кюн соруб келмейди.
Айныгъанлы алты кюн, тогъайгъанлы тогъуз кюн.
Арыгъан къош чамчы болур.
Ач къарным, тынч къулагъым.
Тёзген – тёш ашар!
Зар адам ашынгы ашар, кесинги сатар.
Ётген ёмюр – акъгъан суу.
Ана къолу ачытмаз.
Джарлы эскисин джамаса, къууаныр.
Мал тутхан – май джалар.
Аманнга да, игиге да оноусуз къатышма.

Логин:	Регистрация

Пароль:	Забыли пароль?

Запомнить меня

Аудио

Байчеккуев А

Скачать

Адрес