Песен: 4 Создан:
06.05.2015 Обновлен:
06.05.2015
| 18 Ноября | 2025 года |
Навигация
- Бети – къучакълар, джюреги – бычакълар.
- Аман къатын алгъан, арыр, иги къатын алгъан джарыр.
- Акъыллы башны – тили къысха.
- Мен да «сен», дейме, сен да «кесим», дейсе.
- Юйюнгден чыкъдынг – кюнюнгден чыкъдынг.
- Джангызны оту джарыкъ джанмаз!
- Ёлген эшек бёрюден къоркъмайды.
- Алтыннга тот къонмаз.
- Билимсиз иш бармаз.
- Эли джокъну – кёлю джокъ.
- Иги джашны ышаны – аз сёлешиб, кёб тынгылар.
- Къарнынг къанлынга кийирир.
- Къонакъ кёб келюучю юйню, къазаны отдан тюшмез.
- Эки къатын алгъан – эки ташны ортасына башын салгъан.
- Мухарны эси – ашарыкъда.
- Джыгъылгъанны сырты джерден тоймаз.
- Тулпарлыкъ, билекден тюл – джюрекден.
- Къыз келсе, джумуш эте келеди, къатын келсе, ушакъ эте келеди.
- Джеринден айырылгъан – джети джылар, джуртундан айырылгъан – ёлгюнчю джылар.
- Ачыу алгъа келсе, акъыл артха къалады.
- Баргъанынга кёре болур келгенинг.
- Тили узунну, намысы – къысха.
- Ашда уялгъан – мухар, ишде уялгъан – хомух.
- Сакъ юйюне сау барыр.
- Сёз – кюмюш, джыр – алтын.
- Къонакъ аман болса, къонакъбай джунчур
- Этни да ашады, бетни да ашады.
- Азыгъы аз, алгъа къабар, аты аман, алгъа чабар.
- Чыбыкълыкъда бюгюлмеген, къазыкълыкъда бюгюлмей эди.
- Джогъун бар этген, барын бал этген.
- Огъурлуну сёзю – суу, огъурсузну сёзю – уу.
- Сютню башын джалагъан къутулур, тюбюн ичген тутулур.
- Айранын берсенг, челегин да къызгъанма.
- Ариуну – ауруу кёб.
- Адам сёзге тынгыла, акъыл сёзню ангыла.
- Кирсизни – саны таза, халалны – къаны таза.
- Зар адамны насыбы болмаз.
- Кёзю сокъурдан – къоркъма, кёлю сокъурдан – къоркъ.
- Халкъны юйю – туугъан джери.
- Къызбайны юйюне дери сюрсенг, батыр болур.
- Эркишиге тары кебек танг кёрюнюр.
- Байлыкъдан саулукъ ашхыды.
- Ата – баланы уясы.
- Суугъа – чабакъ, къаягъа – ыргъакъ.
- Чыкълы кюнде чыкъмагъан, чыкъса къуру кирмеген.
- Аш хазыр болса, иш харам болур.
- Къарт бла баш аша, джаш бла аякъ аша.
- Рысхы – сют юсюнде кёмюк кибикди.
- Ата – билек, ана – джюрек!
- Кесине гебен этелмеген, биреуге черен эте эди.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
