Аудио :: Аудио:: Байрамуков Ю

Кёпюр салгъан кеси ётер, уру къазгъан кеси кетер.
Аджал соруб келмез, келсе, къайтыб кетмез.
Окъуу – билимни ачхычы, окъуу – дунияны бачхычы.
Кёкдеги болмаса, джердегин кёрмейди.
Рысхы – насыбха къор.
Биреу къой излей, биреу той излей.
Эл бла кёргенинг эрелей.
Эр сокъур болсун, къатын тилсиз болсун.
Телиге от эт десенг, юйюнге от салыр.
Суу кетер, таш къалыр.
Билим ат болуб да чабар, къуш болуб да учар.
«Ёгюз, джаргъа джууукъ барма, меннге джюк боллукъса», - дегенди эшек.
Адамны артындан къара сабан сюрме.
Сабийликде юретмесенг, уллу болса – тюзелмез.
Шапа кёб болса, аш татымсыз болур.
Тешик этген тынчды, аны джамагъан къыйынды.
Халкъгъа джарагъан, джарлы къалмаз.
Джуртун къоругъан озар.
Къоркъакъны кёзю экили кёрюр.
Тил – миллетни джаны.
Сагъышы джокъ – джукъучу, акъылы джокъ – къаугъачы.
Юйлю уругъа ит чабмаз.
Танг атмайма десе да, кюн къоярыкъ тюйюлдю.
Босагъагъа джууукъ орун болса, ашыгъыб тёрге озма.
Кийиминг бла танылма, адамлыкъ бла таныл.
Ишни ахырын ойламай, аллын башлама.
Къозулугъунда тоймагъан, къойлугъунда тоймаз.
Игини сыйлагъан адетди.
Шекер бла туз – бир болмаз, ушамагъан – юй болмаз.
Акъдан къара болмаз.
Къазанчы аман болса, къазаны къайнамаз.
Къартны сыйын кёрмеген, къартлыгъында сыйлы болмаз.
Айтылгъан сёз ызына къайтмаз.
Бетинги сатма, малынгы сат.
Уллу атлама – абынырса, уллу къабма – къарылырса.
Эм уллу байлыкъ – джан саулукъ.
Кенгеш болса, уруш болмаз.
Кёзю сокъурдан – къоркъма, кёлю сокъурдан – къоркъ.
Ушамагъан – джукъмаз.
Къонакъ аман болса, къонакъбай джунчур
Эл ауузу – элек, анга ийнаннган – халек.
Ишлерге уял да, ашаргъа табма.
Хазыр ашха – терен къашыкъ.
Джюрек кёзден алгъа кёрюр.
Ашха уста, юйюнде болсун
Тойгъа алгъа да барма, тойда артха да къалма.
Aдам боллукъ, сыфатындан белгили.
Зарда марда джокъ.
Окъугъан озар, окъумагъан тозар.
Байлыкъ болгъан джерде, тынчлыкъ джокъду.

Логин:	Регистрация

Пароль:	Забыли пароль?

Запомнить меня

Аудио

Байрамуков Ю

Скачать

Адрес