Аудио :: Аудио:: Байрамуков Ю

Эм уллу байлыкъ – джан саулукъ.
Ана – юйню кюн джарыгъы.
Ётюрюк хапар аякъ тюбю бла джюрюйдю.
Садакъачыны джаны – къапчыгъында.
Джюрекден джюрекге джол барды.
Къыйынлы джети элни къайгъысын этер.
Ойнай билмеген, оюн бузар.
Айран тёгюлсе, джугъусу къалыр.
Эринчекни аурууу – кёб.
Акъыл къартда, джашда тюйюлдю – башдады.
Адамны джюреги нени кёрюрге сюйсе, кёзю да аны кёрюрге ёч болады.
Къарын къуру болса, джюрек уру болур.
Нафысынгы айтханын этме, намысынгы айтханын эт.
Кюл тюбюндеги от кёрюнмейди.
Акъыллы эркиши атын махтар, акъылсыз эркиши къатынын махтар.
Аякъларынгы джууургъанынга кёре узат.
Керек ташны ауурлугъу джокъ.
Насыблы элин сюер, насыбсыз кесин сюер.
Аманнга игилик этсенг, юйюнге сау бармазса.
Накъырданы арты керти болур.
Мал кёб болса, джууукъ кёб болур.
Кёбден умут этиб, аздан къуру къалма.
Эр абынмай, эл танымаз.
Байдан умут эте, джарлыдан ёгюз багъасы къорады.
Къазанда болса, чолпугъа чыгъар.
Ач да бол, токъ да бол – намысынга бек бол.
Эки къатын алгъан – эки ташны ортасына башын салгъан.
Иги сеники эсе да, сюйген кесимикин этеме.
Сабий кёргенин унутмаз.
Аманнга да, игиге да оноусуз къатышма.
Адам туугъан джеринде, ит тойгъан джеринде.
Намыс сатылыб алынмайды.
Билмейме деген – бир сёз
Аманны къуугъан, аманлыкъ табар.
Билген билмегенни юретген адетди.
Къызны минг тилер, бир алыр.
Бозанг болмагъан джерге, къалагъынгы сукъма.
Экеу тутушса, биреу джыгъылыр.
Ата – билек, ана – джюрек!
Сёз къанатсыз учар.
Джыгъылгъанны сырты джерден тоймаз.
Тилчи тилден къаныкъмаз.
Къая джолда джортма, ачыкъ сёзден къоркъма.
Тик ёргени, тик энгишгеси да болады.
От этилмеген джерден тютюн чыкъмайды.
Юйюнг бла джау болгъандан эсе, элинг бла джау бол.
Къарнынг тойгъунчу аша да, белинг талгъынчы ишле.
Болджал ишни бёрю ашар.
Эл ауузу – элек, анга ийнаннган – халек.
Билим ат болуб да чабар, къуш болуб да учар.

Логин:	Регистрация

Пароль:	Забыли пароль?

Запомнить меня

Аудио

Байрамуков Ю

Скачать

Адрес