Аудио :: Аудио:: Байрамуков А.-А.

Чакъырылмагъан къонакъ къачан кетерин сормаз.
Бет бетге къараса, бет да джерге къарар.
Бир онгсуз адам адет чыгъарды, деб эштирик тюлсе.
Байлыкъ тауусулур, билим тауусулмаз.
Элиб деген, элге болушур.
Мураты болгъанны джюрек тебюую башхады.
Бир абыннган – минг сюрюнюр.
Дуния аламаты сен эсенг да, игиме деб айтма.
Къыйынлы джети элге оноу этер.
Чакъырылмагъан къонакъ – орунсуз.
Ёмюрлюк шохлукъну джел элтмез.
Ишленмеклик адамлыкъды.
Ханнга да келеди хариблик.
Экиндини кеч къылсанг, чабыб джетер ашхам.
Чакъырылмагъан джерге барма, чакъырылгъан джерден къалма.
Аманны тукъумуна къарама, игини тукъумун сорма.
Тойгъан джерден туугъан джер игиди.
Тёрени джагъы джокъ.
Бозаны арты дауур болур.
Эртде тургъан бла эртде юйленнген сокъуранмаз.
Ойнаб айтсанг да, эслеб айт.
Къошда джокъгъа – юлюш джокъ.
Аш иеси бла татлыды.
Тин – байлыгъынг, терен саулугъунг.
Арыгъан къош чамчы болур.
Бойнуму джети джерден кессенг да, мен ол ишни этеллик тюлме.
Ишлерге уял да, ашаргъа табма.
Тулпарлыкъ, билекден тюл – джюрекден.
Ач отунчуну ачыуу – бурнунда.
Тура эдим джата, къайдан чыкъды хата?
Биреуге кёлтюрген таягъынг, кесинги башынга урур.
Этни бети бла шорпасы.
Джырчы ёлсе, джыры къалыр.
Адамны адамлыгъы къыйынлыкъда айгъакъланады.
Айтхан сёзюне табылгъан.
Уллу атлама – абынырса, уллу къабма – къарылырса.
Джылкъыдан – ат чыгъар, тукъумдан – джаш чыгъар.
Дууулдаса – бал чибин, къонса – къара чибин.
Къонагъы джокъну – шоху джокъ.
Окъуусуз билим – джокъ, билимсиз кюнюнг – джокъ.
Кёзюнде тереги болгъан, чёбю болгъаннга кюле эди.
Ашхы болсанг, атынг чыгъар, аман болсанг, джанынг чыгъар.
Аманнга алтын чыдамаз.
Бек ашыкъгъан меннге джетсин, дегенди аракъы.
Къарнынг тойгъунчу аша да, белинг талгъынчы ишле.
Тамырсыз терекге таянма – джыгъылырса.
Арба аугъандан сора, джол кёргюзтюучю кёб болур.
Адам бла мюлк юлешмеген эсенг, ол адамны билиб бошагъанма, деб кесинги алдама.
Келинни – келгинчи, бёркню кийгинчи кёр.
Алтыннга тот къонмаз.

Логин:	Регистрация

Пароль:	Забыли пароль?

Запомнить меня

Аудио

Байрамуков А.-А.

Скачать

Адрес