Песен: 4 Создан:
06.05.2015 Обновлен:
06.05.2015
| 22 Мая | 2025 года |
Навигация
- Ат басханны джер билед.
- Къызбайны юйюне дери сюрсенг, батыр болур.
- Джогъун бар этген, барын бал этген.
- Ойнай-ойнай кёз чыгъар.
- Биреуге кёлтюрген таягъынг, кесинги башынга урур.
- Тойгъанлыкъ къойгъа джарашады.
- Тёрде – темир таякълы, къаяда – чыпчыкъ аякълы.
- Тёрдеги кюлсе, эшикдеги ышарыр.
- Тенгни тенглиги джашай барсанг билинир.
- Кюн кёрмеген, кюн кёрсе, кюндюз чыракъ джандырыр.
- Ёлген аслан – сау чычхан.
- Терек ауса, отунчу – кёб.
- Кёзю сокъурдан – къоркъма, кёлю сокъурдан – къоркъ.
- Татлы сёз – балдан татлы.
- Танг атмайма десе да, кюн къоярыкъ тюйюлдю.
- Нёгер болсанг, тенг бол, тенг болмасанг, кенг бол.
- Юре билмеген ит, къонакъ келтирир.
- Ётюрюкчюню шагъаты – къатында.
- Бермеген къол, алмайды.
- Халкъны юйю – туугъан джери.
- Эр сокъур болсун, къатын тилсиз болсун.
- Тешигини къатында, чычхан да батыр болур.
- Тил джюрекге джол ишлейди.
- Гитче джилтин уллу элни джандырыр.
- Тёрени джагъы джокъ.
- Къарт айтханны этмеген, къартаймаз.
- Уллу сёлешме да, уллу къаб.
- Аш кетер да бет къалыр.
- Къонакъ болсанг, ийнакъ бол.
- Тешик этген тынчды, аны джамагъан къыйынды.
- Садакъачыны джаны – къапчыгъында.
- Ашда – бёрю, ишде – ёлю.
- Ана къойну – балагъа джандет.
- Аууздан келген, къолдан келсе, ким да патчах болур эди.
- Кесинге джетмегенни, кёб сёлешме.
- Адамны аты башхача, акъылы да башхады.
- Ойнай билмеген, уруб къачар.
- Акъыл бла адеб эгизледиле.
- Намыс сатылыб алынмайды.
- Акъыллы – эл иеси, тели – эл баласы.
- Мени джылытмагъан кюн, меннге тиймесин!
- Хар зат кесини орнуна иги.
- Тюзлюк шохлукъну бегитир.
- Чакъырылмай келген къонакъ сыйланмай кетер.
- Уллу айтханны этмеген – уллаймаз.
- Бети – къучакълар, джюреги – бычакълар.
- Керилген да, ургъан кибикди.
- Зарда марда джокъ.
- Насыблы элин сюер, насыбсыз кесин сюер.
- Аллахдан тилесенг, кёб тиле.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
