Аудио :: Аудио:: Аджибеков В.

Эринчекге кюн узун.
Соргъан айыб тюлдю, билмеген айыбды.
Къатыны харакетли болса, эри къымсыз болур.
Тик ёргени, тик энгишгеси да болады.
Оюмсуз атлагъан, аджалсыз ёлюр.
Къонакъны къачан кетерин сорма, къачан келлигин сор.
Ауругъанны сау билмез, ач къарынны токъ билмез.
Ата Джуртун танымагъан, атасын да танымаз.
Ёлюр джаннга, ёкюл джокъ.
Джарлы джети элни сёзюн этер.
Мухардан ач ычхынмаз.
Ашхы тенг джолгъа салыр, аман тенг джолдан тайдырыр.
Кенгеш болса, уруш болмаз.
Ачыу алгъа келсе, акъыл артха къалады.
Къалгъан ишге къар джауар.
Къарнынг бла ёч алма.
Акъыл неден да кючлюдю.
Ёлген эшек бёрюден къоркъмайды.
Азыгъы аз, алгъа къабар, аты аман, алгъа чабар.
Адамгъа аман кюн соруб келмейди.
Эли джокъну – кёлю джокъ.
Тойгъандан сора, ашны сёкме.
Ашыкъгъан cуу, тенгизге джетмез.
Аманны къуугъан, аманлыкъ табар.
Сёлеш деб шай берген, тохта деб, сом берген.
Дууулдаса – бал чибин, къонса – къара чибин.
Урунуу – насыбны анасы.
Кёзюнде тереги болгъан, чёбю болгъаннга кюле эди.
Джюрекге ариу – кёзге да ариу.
Азыкълы ат арымаз, къатыны аман джарымаз.
Тёрдеги кюлсе, эшикдеги ышарыр.
Кёл – къызбай, къол – батыр.
Кёб джашагъан – кёб билир.
Уллу суу бла уллу ауруудан башынгы сакъла.
Мен да «сен», дейме, сен да «кесим», дейсе.
Къулакъдан эсе, кёзге ышан.
Эркишини аманы тиширыуну джылатыр.
Джарлы тюеге минсе да, ит къабар.
Термилгенинги табмазса, кюлгенинге тюберсе.
Ач отунчуну ачыуу – бурнунда.
Кёзню ачылгъаны – иги, ауузну джабылгъаны – иги.
Уллу атлама – абынырса, уллу къабма – къарылырса.
Къарт айтханны этмеген, къартаймаз.
Уллу къазанда бишген эт, чий къалмаз.
Аманнга да, игиге да оноусуз къатышма.
Байлыкъ адамны сокъур этер.
Джыланны къуйругъундан басарынг келсе, аны башы болгъанын унутма.
Тели турса – той бузар.
Чыбыкълыкъда бюгюлмеген, къазыкълыкъда бюгюлмей эди.
Намыс сатылыб алынмайды.

Логин:	Регистрация

Пароль:	Забыли пароль?

Запомнить меня

Аудио

Аджибеков В.

Скачать

Адрес