Аудио :: Аудио:: Габаев Тенгиз

Бойнуму джети джерден кессенг да, мен ол ишни этеллик тюлме.
Ачылгъан эт джабылыр, кёрген кёз унутмаз.
Сакъламагъан затынга джолукъсанг, не бек къууанаса, не бек ачыйса.
Суугъа – чабакъ, къаягъа – ыргъакъ.
Зар адамны насыбы болмаз.
Къазанчы аман болса, къазаны къайнамаз.
Атадан ёксюз – бир ёксюз, анадан ёксюз – эки ёксюз.
Тойгъа барсанг, тоюб бар, эски тонунгу къоюб бар.
Ариу джол аджал келтирмез.
Хазыр ашха – терен къашыкъ.
Дженгил джетерикме деб, узун джолну къоюб, къысхасын барма.
Эркишини аманы тиширыуну джылатыр.
Кёбге таш атма.
Борчунг бар эсе, хурджунунга ойлаб узал.
Джюрекге ариу – кёзге да ариу.
Мал ёлсе, сюек къалыр, адам ёлсе, иши къалыр.
Ачны эсинде – аш.
Тойгъан антын унутур.
Джарлы тюеге минсе да, ит къабар.
Къая джолда джортма, ачыкъ сёзден къоркъма.
Сескекли кесин билдирир.
Арба аугъандан сора, джол кёргюзтюучю кёб болур.
Этим кетсе да, сюегим къалыр.
Башланнган иш битер, къымылдагъан тиш тюшер.
Айтылгъан буйрукъ, сёгюлмез
Сабийни джумушха джибер да, ызындан бар.
Къатын байлыкъны сюер, эр саулукъну сюер.
Тойну къарнашы – харс, джырны къарнашы – эжиу.
Аманнга игилик этсенг, юйюнге сау бармазса.
Алма терегинден кери кетмез.
Ёлюк кебинсиз къалмаз.
Ашхы болсанг, атынг чыгъар, аман болсанг, джанынг чыгъар.
Сабыр джетер муратха, сабырсыз къалыр уятха.
Джол бла сёзню къыйыры джокъ.
Кесинг сынамагъан затны, адамгъа буюрма.
Урунуу – насыбны анасы.
Ач келгенни – тойдур, кеч келгенни – къондур.
Нарт сёз къарт болмаз.
Экеу тутушса, биреу джыгъылыр.
Хатерли къул болур.
Бозаны арты дауур болур.
Тёгюлген тюгел джыйылмайды.
Иги сёз – джаннга азыкъ, аман сёз башха – къазыкъ.
Юй ишлеген балта эшикде къалыр.
Рысхы джалгъанды: келген да этер, кетген да этер.
Зар адам ашынгы ашар, кесинги сатар.
Мал тутхан – май джалар.
Хар зат кесини орнуна иги.
Халкъны джырын джырласанг, халкъ санга эжиу этер.
Адам къаллай бир ишленмесе, аллай бир кесин уллу кёреди.

Логин:	Регистрация

Пароль:	Забыли пароль?

Запомнить меня

Аудио

Габаев Тенгиз

Скачать

Адрес