Аудио :: Аудио:: Песни на стихи Кайсына Кулиева

Ишлегенден, къарагъан уста.
Джиби бир къат джетмей эди да, эки къат тарта эди.
Гугук кесини атын айтыб къычыргъанча, мен, мен деб нек тураса?
Чакъырылмагъан къонакъ тёрге атламаз.
Ариу – кёзге, акъыл – джюрекге.
Аурууну келиую тынч, кетиую – къыйын.
Ач къарным, тынч къулагъым.
Джарлыны эшигин махтагъан джабар.
Джылкъыдан – ат чыгъар, тукъумдан – джаш чыгъар.
Эртде тургъан бла эртде юйленнген сокъуранмаз.
Къозулугъунда тоймагъан, къойлугъунда тоймаз.
Бичгенде ашыкъма, тикгенде ашыкъ.
Кёб ант этген, кёб ётюрюк айтыр.
Бал ашаргъа сюе эсенг, чибин ургъаннга тёз.
Тойгъан антын унутур.
Ишленмеген джаш – джюгенсиз ат, ишленмеген къыз – тузсуз хант.
Иши джокъну, сыйы джокъ.
Къарны аманнга къазан такъдырма, къолу аманнга от джакъдырма.
Хаухну атма, ёнгкючню сатма.
Юйюнгден чыкъдынг – кюнюнгден чыкъдынг.
Биреуге аманлыкъ этиб, кесинге игилик табмазса.
Этни да ашады, бетни да ашады.
Акъыллы – эл иеси, тели – эл баласы.
Алтыда кюлмеген, алтмышда кюлмез.
Уллу сёзде уят джокъ.
Таула не мийик болсала да, аууш табылыр.
Джылар джаш, атасыны сакъалы бла ойнар.
Тил – миллетни джаны.
Ашхы адам – халкъ байлыгъы, ашхы джер – джашау байлыгъы.
Юй кюйдю да, кюйюз чыкъды, ортасындан тюйюш чыкъды.
Адеб базарда сатылмаз.
Этни бети бла шорпасы.
Хазыр ашха – терен къашыкъ.
Тёгюлген тюгел джыйылмайды.
Таякъ этден ётер, тил сюекден ётер.
Ойнаб айтсанг да, эслеб айт.
Чабакъ башындан чирийди.
Кёл ашады да, кеси ашады.
Джахил болса анасы, не билликди баласы?
Мухардан ач ычхынмаз.
Рысхысына кёре, джаш ёсер, къышлыгъына кёре, мал ёсер.
Оюмсуз атлагъан, аджалсыз ёлюр.
Таш бла ургъанны, аш бла ур.
Мал ёлсе, сюек къалыр, адам ёлсе, иши къалыр.
Къарнынг къанлынга кийирир.
Зар адам ашынгы ашар, кесинги сатар.
Кёзюнде тереги болгъан, чёбю болгъаннга кюле эди.
Итли къонакъ джарашмаз.
Аш кетер да бет къалыр.
Элни кючю – эмеген.

Логин:	Регистрация

Пароль:	Забыли пароль?

Запомнить меня

Аудио

Песни на стихи Кайсына Кулиева

Скачать

Адрес