Расширенный поиск
20 Марта  2023 года
Логин: Регистрация
Пароль: Забыли пароль?
  • Ёнгкюч къууана барыр, джылай келир.
  • Аджашханны ызындагъы кёреди, джангылгъанны джанындагъы биледи.
  • От кюйдюрген, сау болса да, тот кюйдюрген, сау болмаз.
  • Тамбла алтындан бюгюн багъыр ашхы.
  • Адамны бетине къарама, адетине къара.
  • Гугурук къычырмаса да, тангны атары къалмаз.
  • Насыблы элин сюер, насыбсыз кесин сюер.
  • Джетген къыз джерли эшекни танымаз.
  • Айырылгъанланы айю ашар, бёлюннгенлени бёрю ашар.
  • Сёз къанатсыз учар.
  • Адам боллукъ, атламындан белгили болур.
  • Ата Джуртун танымагъан, атасын да танымаз.
  • Итли къонакъ джарашмаз.
  • Айран тёгюлсе, джугъусу къалыр.
  • Ариу сёзде ауруу джокъ.
  • Билим къая тешер.
  • Мени джылытмагъан кюн, меннге тиймесин!
  • Ачылгъан эт джабылыр, кёрген кёз унутмаз.
  • Атынг аманнга чыкъгъандан эсе, джанынг тамагъынгдан чыкъсын.
  • Дууулдаса – бал чибин, къонса – къара чибин.
  • Тели турса – той бузар.
  • Суугъа – таянма, джаугъа – ийнанма.
  • Адамны сабийин сюйген джюреги, бычакъча, джитиди.
  • Адам къыйынлыгъын кёлтюрюр, зауукълугъун кёлтюрмез.
  • Тёрени джагъы джокъ.
  • Къарны аманнга къазан такъдырма, къолу аманнга от джакъдырма.
  • Чабакъсыз кёлге къармакъ салгъанлыкъгъа, чабакъ тутмазса.
  • Эм ашхы къайын ана мамукъ бла башынгы тешер.
  • Кёзюнде тереги болгъан, чёбю болгъаннга кюле эди.
  • Башы ишлегенни, ауузу да ишлер.
  • Кюн кёрмеген, кюн кёрсе, кюндюз чыракъ джандырыр.
  • Джарлы эскисин джамаса, къууаныр.
  • Тас болгъан бычакъны сабы – алтын.
  • Эте билген, этген этеди, эте билмеген, юретген этеди!
  • Ашхы тенг джолгъа салыр, аман тенг джолдан тайдырыр.
  • Аш кетер да бет къалыр.
  • Ана – юйню кюн джарыгъы.
  • Билимли ёлмез, билимсиз кёрмез.
  • Экеулен сёлеше тура эселе, орталарына барыб кирме.
  • Джумушакъ сёз къаты таякъны сындырыр.
  • Джолунга кёре – джюрюшюнг, джагъанга кёре – юлюшюнг.
  • Джарашыу сюйген – джалынчакъ.
  • Акъыл аздырмаз, билим тоздурмаз.
  • Тешигини къатында, чычхан да батыр болур.
  • Зар адамны насыбы болмаз.
  • Башланнган иш битер, къымылдагъан тиш тюшер.
  • Къралынгы – душмандан, башынгы от бла суудан сакъла.
  • Эрине къаргъыш этген къатын, эрнин къабар.
  • Чабакъгъа акъыл, табагъа тюшсе келеди.
  • Кюл тюбюндеги от кёрюнмейди.

«Узунмыйыкъ Алий»

05.10.2017 0 1972  Шаманов И.

Билезикни урчукъ халыгъа созгъанча, узун мыйыкъларын кёкюрегине тозуратыб, эки «буз сюммек этиб» олтургъан джердешибизни сураты белгили фото-суратчы Гр. И.В. Раевни бир альбомунда сакъланады. Альбом а Голаланы Басиятны (аны аты «Къобанланы къой бёлек» деген халкъ джырда сагъынылады) юйюр ахлуларына аталыбды. Кеси да альбом ХХ-чы ёмюрню ал джылында джарашдырылгъанды. Сейири неди десегиз, альбом 1943-чю джыл Орта Азиягъа барыб, кёчгюнчюлюкде сакъланыб, бюгюнлюкде ўа Голаланы Амырны уллу юйюрюнде турады, аны ичинде ўа ачыкъланыр керекли бёлек суратны бириди «Узунмыйыкъ».

Алайды да, тинте, сора келгеникде, ол джигит хурзукчу Апайланы Алий болуб чыгъады. Халкъда джюрюген аты «Узунмыйыкъ Алийди». Хурзукну эки суў арасында бир къыз чыкъгъан тойда этилген чам джырда быллай тизгинле тюбейдиле: «Эй, Эбу Ибрахим (Шаманланы Шабатны джашы - И.Ш.), Эм «Тюрлюкёз Карий» (Апайланы бир джашлары - И.Ш.), Эм «Сокъур Чокку» (Деккушланы джашлары - И.Ш.), Эмда «Узунмыйыкъ Алий» (Апайланы тойчу-оюнчу джашлары - И.Ш.), Кёзюгюз къыймай къалай эсиртдигиз, саўлай Къарачай сукъланнган Хубий Джаккуну (Ходжалары атаўулдан) джашы Чукурну?» - деб, «Сандыракъ» тепсеўню тизгинлеринде да айтылады бизни бу «героюбуз».

ШАМАНЛАНЫ Ибрахим,
"Къарачай" газет, 2016 дж., 17 март

(Нет голосов)

  • Нравится

Комментариев нет