Расширенный поиск
27 Июня  2017 года
Логин: Регистрация
Пароль: Забыли пароль?
  • Ишни аллы бла къууанма да, арты бла къууан.
  • Аз сёлеш, кёб ишле.
  • Къатын къылыкъсыз, эр тынчлыкъсыз.
  • Иги адамны бир сёзю эки болмаз.
  • Билмезни кёзю кёрмез, этмезни къулагъы эшитмез.
  • Аджалсыз ёлюм болмаз.
  • Зарда марда джокъ.
  • Накъырда – кертини келечиси.
  • Игилик игилик бла сингдирилиучю затды.
  • Къарны аманнга къазан такъдырма, къолу аманнга от джакъдырма.
  • Окъуусуз билим – джокъ, билимсиз кюнюнг – джокъ.
  • Кютгени беш эчки, сызгъыргъаны уа, джерни джарады.
  • Ауругъан – джашаудан умутчу.
  • Хар сёзню орну барды.
  • Къуру гыбыт бек дыгъырдар.
  • Бек анасы джыламаз.
  • Эрни эр этерик да, къара джер этерик да, тиширыуду.
  • Атадан ёксюз – бир ёксюз, анадан ёксюз – эки ёксюз.
  • Джыйырма къойну юч джыйырма эбзе кюте эди.
  • Термилгенинги табмазса, кюлгенинге тюберсе.
  • Ариу сёз – джаннга азыкъ, аман сёз – башха къазыкъ.
  • Ашхы атаны – джашы ашхы, ашхы ананы – къызы ашхы.
  • Эринчекге кюн узун.
  • Накъырданы арты керти болур.
  • Аз сёлешген, къайгъысыз турур.
  • Бет бетге къараса, бет да джерге къарар.
  • Кёб джашагъан – кёб билир.
  • Ариу сёзде ауруу джокъ.
  • Таула не мийик болсала да, аууш табылыр.
  • Къолу уллу – асыу, аягъы уллу – джарсыу.
  • Юйюнгден чыкъдынг – кюнюнгден чыкъдынг.
  • Ёлген аслан – сау чычхан.
  • Дуния малгъа сатылма, кесингден телиге къатылма.
  • Мухар, кеси тойса да, кёзю тоймаз.
  • Къуллукъчума, деб махтанма, къуллукъ – хаух джамчыды!
  • Эл элде бирер малынг болгъандан эсе, бирер тенгинг болсун.
  • Алма терегинден кери кетмез.
  • Малны кют, джерни тюрт.
  • Ёлген ийнек сютлю болур.
  • Эли джокъну – кёлю джокъ.
  • Джогъун бар этген, барын бал этген.
  • Чомарт джарлы болмаз.
  • Биреуню тёрюнден, кесинги эшик артынг игиди.
  • Джарлыны эшигин махтагъан джабар.
  • Тешигини къатында, чычхан да батыр болур.
  • Келинин тута билмеген, къул этер, къызын тута билмеген, тул этер.
  • Борчунг бар эсе, хурджунунга ойлаб узал.
  • Къызбайны юйюне дери сюрсенг, батыр болур.
  • Иги джашны ышаны – аз сёлешиб, кёб тынгылар.
  • Нарт сёз – тилни бети.

Жюреклеге тюшген такъыйкъала

08.01.2017 0 277  Османланы Х.
Бу сурат 1970 жылда 1 сентябрьде Хасанияны орта школунда алыннганды. Ол кюн ары  халкъыбызны атын белгили этген жазыўчуланы къаўуму келген эди. Аланы араларында Къайсын да.
Устазла, школчула да къонакълагъа бет жарыкълы тюбегендиле. Сабийле назмучуланы чыгъармаларын кёлден айтып, аланы ыразы этип, акъылманланы насийхат сёзлерине къулакъ салып тынгылагъандыла. Таматала да къуру къолла бла келмеген эдиле. Биринчи классха баргъанлагъа Къулий улуну сабий китапларын саўгъалагъан эдиле.



Аллында тизгинде - ол саўгъалагъа къуўаннган къаўум школчу. Экинчи тизгинде солдан онгнга малкъар тилден бла адабиятдан устаз Чочайланы Хусейди. Аны къатындагъы белгисизди, школну устазы Аналаны Халимат. Жазыўчула Тёппеланы Алим, Макытланы Сафар, Шахмырзаланы Саид, мектепни ол жыллада директору Къайгъырмазланы Асият, Къулийланы Къайсын, Толгъурланы Зейтун. Аланы жанындагъыла уа устазла Созайланы Тамара, Къарчаланы Шама, Клавдия Скачкова. Бирсиле да школну окъуўчулары бла хунерли устазлары.

Суратдагъы белгили жазыўчуларыбыз бюгюнлюкде дунияларын алышхандыла. Жаннет ахлулары болсунла. Бу школчуланы араларында уа ол жарыкъ тюбешиўню эслеринде тутханла да табылырла.

Аламат къыйматлы суратны уа Къарчаланы Шама сакълагъанды. Ол школда жыйырма алты жыл ишлегенди. Бюгюн а аны туўгъан кюнюдю. Анга жетмиш беш жыл толады. Алгъышлайбыз, узакъ ёмюр тежейбиз. Миллетибизни кюнюн жарыкъ этер ючюн ол жыллада кючлерин-къарыўларын аямагъан устазларыбызгъа хурмет этебиз, ала бла ёхтемленебиз.

Османланы Хыйса,

(Нет голосов)

  • Нравится

Комментариев нет