Расширенный поиск
23 Мая  2018 года
Логин: Регистрация
Пароль: Забыли пароль?
  • Чомартны къолу берекет.
  • Къая джолда джортма, ачыкъ сёзден къоркъма.
  • Аякъларынгы джууургъанынга кёре узат.
  • Чакъырылмагъан къонакъ – орунсуз.
  • Терслик кетер, тюзлюк джетер.
  • Джыгъылгъанны сырты джерден тоймаз.
  • Билеги кючлю, бирни джыгъар, билими кючлю, мингни джыгъар.
  • Ишни аллы бла къууанма да, арты бла къууан.
  • Къонагъы джокъну – шоху джокъ.
  • Адам къаллай бир ишленмесе, аллай бир кесин уллу кёреди.
  • Къартха ушагъан джаш – акъыллы, джашха ушагъан къарт – тели.
  • Акъыллы – эл иеси, тели – эл баласы.
  • Ёлюр джаннга, ёкюл джокъ.
  • Ач къалгъандан, кеч къалгъан къолай.
  • Чабакъгъа акъыл, табагъа тюшсе келеди.
  • Бюгюн дуния кибик, тамбла ахыратды.
  • Эл ауузу – элия.
  • Чакъырылмагъан джерге барма, чакъырылгъан джерден къалма.
  • Къарт айтханны этмеген, къартаймаз.
  • Къызны минг тилер, бир алыр.
  • Рысхы – насыбха къор.
  • Ачлыкъда тары гырджын халыуадан татлы.
  • Термилгенинги табмазса, кюлгенинге тюберсе.
  • Зар адам ашынгы ашар, кесинги сатар.
  • Биреуге кёлтюрген таягъынг, кесинги башынга урур.
  • Кёб ант этген, кёб ётюрюк айтыр.
  • Тойгъа барсанг, тоюб бар, эски тонунгу къоюб бар.
  • Хар ишни да аллы къыйынды.
  • Сабыр джетер муратха, сабырсыз къалыр уятха.
  • Окъуусуз билим – джокъ, билимсиз кюнюнг – джокъ.
  • Ёзденликни джайгъан – джокълукъ.
  • Джырчы ёлсе, джыры къалыр.
  • Уллу атлама – абынырса, уллу къабма – къарылырса.
  • Къарнынг бла ёч алма.
  • Игини сыйлагъан адетди.
  • Аз сёлеш, кёб ишле.
  • Эринчекни аурууу – кёб.
  • Ариу сёз аурууунгу алыр.
  • Билмезни кёзю кёрмез, этмезни къулагъы эшитмез.
  • Суугъа – чабакъ, къаягъа – ыргъакъ.
  • Къартны бурнун сюрт да, оноугъа тут.
  • Кёб джашагъан – кёб билир.
  • Адамны артындан къара сабан сюрме.
  • Бетинги сатма, малынгы сат.
  • Ат да турмайды бир териде.
  • Тёрени джагъы джокъ.
  • Къалгъан ишге къар джауар.
  • Окъугъан озар, окъумагъан тозар.
  • Келлик заман – къартлыкъ келтирир, кетген заман – джашлыкъ ёлтюрюр.
  • Ауругъан – джашаудан умутчу.

Жюреклеге тюшген такъыйкъала

08.01.2017 0 544  Османланы Х.
Бу сурат 1970 жылда 1 сентябрьде Хасанияны орта школунда алыннганды. Ол кюн ары  халкъыбызны атын белгили этген жазыўчуланы къаўуму келген эди. Аланы араларында Къайсын да.
Устазла, школчула да къонакълагъа бет жарыкълы тюбегендиле. Сабийле назмучуланы чыгъармаларын кёлден айтып, аланы ыразы этип, акъылманланы насийхат сёзлерине къулакъ салып тынгылагъандыла. Таматала да къуру къолла бла келмеген эдиле. Биринчи классха баргъанлагъа Къулий улуну сабий китапларын саўгъалагъан эдиле.



Аллында тизгинде - ол саўгъалагъа къуўаннган къаўум школчу. Экинчи тизгинде солдан онгнга малкъар тилден бла адабиятдан устаз Чочайланы Хусейди. Аны къатындагъы белгисизди, школну устазы Аналаны Халимат. Жазыўчула Тёппеланы Алим, Макытланы Сафар, Шахмырзаланы Саид, мектепни ол жыллада директору Къайгъырмазланы Асият, Къулийланы Къайсын, Толгъурланы Зейтун. Аланы жанындагъыла уа устазла Созайланы Тамара, Къарчаланы Шама, Клавдия Скачкова. Бирсиле да школну окъуўчулары бла хунерли устазлары.

Суратдагъы белгили жазыўчуларыбыз бюгюнлюкде дунияларын алышхандыла. Жаннет ахлулары болсунла. Бу школчуланы араларында уа ол жарыкъ тюбешиўню эслеринде тутханла да табылырла.

Аламат къыйматлы суратны уа Къарчаланы Шама сакълагъанды. Ол школда жыйырма алты жыл ишлегенди. Бюгюн а аны туўгъан кюнюдю. Анга жетмиш беш жыл толады. Алгъышлайбыз, узакъ ёмюр тежейбиз. Миллетибизни кюнюн жарыкъ этер ючюн ол жыллада кючлерин-къарыўларын аямагъан устазларыбызгъа хурмет этебиз, ала бла ёхтемленебиз.

Османланы Хыйса,

(Нет голосов)

  • Нравится

Комментариев нет